Āyurvedamahodadhau annapānavidhi 5

इत्य् आयुर् वेदमहोदधौ श्रीसुषेणकृतौ पानीयगुणाः समाप्ताः ॥ अथ काष्ठतप्तोदकवर्गः । गन्धर्वहस्तकाष्ठैश् च तप्तं वारि प्रपूजितम् अलक्ष्मीरक्तपित्तघ्नं दोषाणां च प्रसादनम्

ity āyur vedamahodadhau śrīsuṣeṇakṛtau pānīyaguṇāḥ samāptāḥ // atha kāṣṭhataptodakavargaḥ / gandharvahastakāṣṭhaiś ca taptaṃ vāri prapūjitam alakṣmīraktapittaghnaṃ doṣāṇāṃ ca prasādanam

Sanskrit only: no published translation is held for this verse.

भल्लातकैश् च काष्ठैश् च तप्तं वारि शुभोदकम् । वातश्लेष्महरं पथ्यं वीर्यतेजोविवर्धनम्

bhallātakaiś ca kāṣṭhaiś ca taptaṃ vāri śubhodakam / vātaśleṣmaharaṃ pathyaṃ vīryatejovivardhanam

Sanskrit only: no published translation is held for this verse.

पालाशोदुम्बरोद्भूतकाष्ठतप्तं शुभं जलम् । व्रणकण्डूहरं चासृक्बलवीर्यविवर्धनम्

pālāśodumbarodbhūtakāṣṭhataptaṃ śubhaṃ jalam / vraṇakaṇḍūharaṃ cāsṛkbalavīryavivardhanam

Sanskrit only: no published translation is held for this verse.

जम्बूकपित्थाम्रजैः काष्ठैः तप्तं वारि तडागजम् । मेधाबलप्रदं वीर्यकृमिदोषविनाशनम्

jambūkapitthāmrajaiḥ kāṣṭhaiḥ taptaṃ vāri taḍāgajam / medhābalapradaṃ vīryakṛmidoṣavināśanam

Sanskrit only: no published translation is held for this verse.

दुम्बरीकाष्ठजैस् तोयं ताप्यं वापीसमुद्भवम् । कफहृत् तच् च निर्दिष्टं दोषाणां च विनाशनम्

dumbarīkāṣṭhajais toyaṃ tāpyaṃ vāpīsamudbhavam / kaphahṛt tac ca nirdiṣṭaṃ doṣāṇāṃ ca vināśanam

Sanskrit only: no published translation is held for this verse.

काष्ठैः खदिरजैस् तप्तं रक्तपित्तविनाशनम् । आप्यायनकरं ग्रीष्मे श्रेष्ठम् उक्तम् इदं जलम्

kāṣṭhaiḥ khadirajais taptaṃ raktapittavināśanam / āpyāyanakaraṃ grīṣme śreṣṭham uktam idaṃ jalam

Sanskrit only: no published translation is held for this verse.

कदम्बनिम्बजैस् तप्तं सरित्समुद्रजं जलम् । पथ्यं दोषहरं कण्डूरक्तपित्तविनाशनम्

kadambanimbajais taptaṃ saritsamudrajaṃ jalam / pathyaṃ doṣaharaṃ kaṇḍūraktapittavināśanam

Sanskrit only: no published translation is held for this verse.

धात्रीदारुशृतं तप्तं मलक्षालनयोदकम् । वातपित्तहरं श्रेष्ठं रसायनकरं परम्

dhātrīdāruśṛtaṃ taptaṃ malakṣālanayodakam / vātapittaharaṃ śreṣṭhaṃ rasāyanakaraṃ param

Sanskrit only: no published translation is held for this verse.

पुष्करस्स (मधुकस्य) च काष्ठैश् च तप्तं कूपोद्भवोदकम् । वातपित्तहरं श्रेष्ठं रसायनकरं परम्

puṣkarassa (madhukasya) ca kāṣṭhaiś ca taptaṃ kūpodbhavodakam / vātapittaharaṃ śreṣṭhaṃ rasāyanakaraṃ param

Sanskrit only: no published translation is held for this verse.

कर्पूर (कर्कन्धु) दारुसंभूततप्तम् उष्णोदकं शुभम् (नादेयम् उदकोत्तमम् ।) जठराग्नेश् च सदनं सुश्रुतेन प्रदर्शितम्

karpūra (karkandhu) dārusaṃbhūtataptam uṣṇodakaṃ śubham (nādeyam udakottamam /) jaṭharāgneś ca sadanaṃ suśrutena pradarśitam

Sanskrit only: no published translation is held for this verse.

सल्लकीशाकनिर्यासकाष्ठैश् चापि पृथक् पृथक् । तप्तं निर्झरजं वारि नामयान् जनयेद् वरम् (रोगान् संजनदेद् बहून्)

sallakīśākaniryāsakāṣṭhaiś cāpi pṛthak pṛthak / taptaṃ nirjharajaṃ vāri nāmayān janayed varam (rogān saṃjanaded bahūn)

Sanskrit only: no published translation is held for this verse.

वटैश् चार्जुनकाष्ठैश् च संततं तापितं जलम् । बलमेधाप्रजननं (आ) मैत्रेयेण प्रदर्शितम्

vaṭaiś cārjunakāṣṭhaiś ca saṃtataṃ tāpitaṃ jalam / balamedhāprajananaṃ (ā) maitreyeṇa pradarśitam

Sanskrit only: no published translation is held for this verse.

तर्कारी वातहंत्री च कण्डूत्वग्दोषवर्धनम् । वनो (नवो)दकं सुसंतप्तं मलानां क्षालने हितम्

tarkārī vātahaṃtrī ca kaṇḍūtvagdoṣavardhanam / vano (navo)dakaṃ susaṃtaptaṃ malānāṃ kṣālane hitam

Sanskrit only: no published translation is held for this verse.