Library·Vāgbhaṭa: Aṣṭāṅga-saṅgraha·1·1.1
रागादिरोगाः सहजाः समूला येनाऽशुसर्वे जगतोऽप्यपास्ताः। तमेकवैद्यं शिरसा नमामि वैद्यागमज्ञांश्च पितामहादीन्॥
rāgādirogāḥ sahajāḥ samūlā yenā'śusarve jagato'pyapāstāḥ| tamekavaidyaṃ śirasā namāmi vaidyāgamajñāṃśca pitāmahādīn||
Sanskrit only: no published translation is held for this verse.
अथात आयुष्कामीयं नामाध्यायं व्याख्यास्यामः इति ह स्मा+आहुरात्रेयादयो महर्षयः॥
athāta āyuṣkāmīyaṃ nāmādhyāyaṃ vyākhyāsyāmaḥ iti ha smā+āhurātreyādayo maharṣayaḥ||
Sanskrit only: no published translation is held for this verse.
आयुः कामयमानेन धर्मार्थसुखसाधनम्। आयुर्वेदोपदेशेषु विधेयः परमादरः॥
āyuḥ kāmayamānena dharmārthasukhasādhanam| āyurvedopadeśeṣu vidheyaḥ paramādaraḥ||
Sanskrit only: no published translation is held for this verse.
आयुर्वेदामृतं सार्वं ब्रह्मा सनातनम्। ददौ दक्षाय सोऽश्विभ्यां तौ शतक्रतवे ततः॥
āyurvedāmṛtaṃ sārvaṃ brahmā sanātanam| dadau dakṣāya so'śvibhyāṃ tau śatakratave tataḥ||
Sanskrit only: no published translation is held for this verse.
धर्मार्थकाममोक्षाणां विघ्नकारिभिरामयैः। नरेषु पीड्यमानेषु पुरस्कृत्य पुनर्वसुम्॥
dharmārthakāmamokṣāṇāṃ vighnakāribhirāmayaiḥ| nareṣu pīḍyamāneṣu puraskṛtya punarvasum||
Sanskrit only: no published translation is held for this verse.
धन्वन्तरिभरद्वाजनिमिकाश्यपकश्यपाः। महर्धयो महात्मानस्तथा लम्बायनादयः॥
dhanvantaribharadvājanimikāśyapakaśyapāḥ| mahardhayo mahātmānastathā lambāyanādayaḥ||
Sanskrit only: no published translation is held for this verse.
शतक्रतुमुपाजग्मुः शरण्यममरेश्वरम्। तान्दृष्ट्वैव सहस्राक्षो निजगाद यथागमम्॥
śatakratumupājagmuḥ śaraṇyamamareśvaram| tāndṛṣṭvaiva sahasrākṣo nijagāda yathāgamam||
Sanskrit only: no published translation is held for this verse.
आयुषः पालनं वेदमुपवेदमथर्वणः। कायबालग्रहोर्ध्वाङ्गशल्यदंष्ट्राजरावृषैः॥
āyuṣaḥ pālanaṃ vedamupavedamatharvaṇaḥ| kāyabālagrahordhvāṅgaśalyadaṃṣṭrājarāvṛṣaiḥ||
Sanskrit only: no published translation is held for this verse.
गतमष्टाङ्गतां पुण्यं बुबुधे यं पितामहः। गृहीत्वा ते तमाम्रायं प्रकाश्य च परस्परम्॥
gatamaṣṭāṅgatāṃ puṇyaṃ bubudhe yaṃ pitāmahaḥ| gṛhītvā te tamāmrāyaṃ prakāśya ca parasparam||
Sanskrit only: no published translation is held for this verse.
आययुर्मानुषं लोकं मुदिताः परमर्षयः। स्थित्यर्थमायुर्वेदस्य तेऽथ तन्त्राणि चक्रिरे॥
āyayurmānuṣaṃ lokaṃ muditāḥ paramarṣayaḥ| sthityarthamāyurvedasya te'tha tantrāṇi cakrire||
Sanskrit only: no published translation is held for this verse.
कृत्वाऽग्निवेशहारीतभेडमाण्डव्यसुश्रुतान्। करालादींश्च तच्छिष्यान् ग्राहयामासुरादृताः॥
kṛtvā'gniveśahārītabheḍamāṇḍavyasuśrutān| karālādīṃśca tacchiṣyān grāhayāmāsurādṛtāḥ||
Sanskrit only: no published translation is held for this verse.
स्वं स्वं तन्त्रं ततस्तेऽपि चक्रुस्तानि कृतानि च। गुरून् संश्रावयामासुः सर्षिसङ्घान्सुमेधसः॥
svaṃ svaṃ tantraṃ tataste'pi cakrustāni kṛtāni ca| gurūn saṃśrāvayāmāsuḥ sarṣisaṅghānsumedhasaḥ||
Sanskrit only: no published translation is held for this verse.
तैः प्रशस्तानि तान्येषां प्रतिष्ठां भुवि लेभिरे। तेषामेकैकमव्यापि समस्तव्याधिसाधने॥
taiḥ praśastāni tānyeṣāṃ pratiṣṭhāṃ bhuvi lebhire| teṣāmekaikamavyāpi samastavyādhisādhane||
Sanskrit only: no published translation is held for this verse.
प्रतितन्त्राभियोगे तु पुरुषायुषसंक्षयः। भवत्यध्ययनेनैव यस्मात् प्रोक्तः पुनः पुनः॥
pratitantrābhiyoge tu puruṣāyuṣasaṃkṣayaḥ| bhavatyadhyayanenaiva yasmāt proktaḥ punaḥ punaḥ||
Sanskrit only: no published translation is held for this verse.
तन्त्रकारैः स एवऽर्थः क्वचित् क्श्चिद्विशेषतः। तेऽर्थप्रत्यायनपरा वचने यच्च नादृताः॥
tantrakāraiḥ sa eva'rthaḥ kvacit kścidviśeṣataḥ| te'rthapratyāyanaparā vacane yacca nādṛtāḥ||
Sanskrit only: no published translation is held for this verse.
सर्वतन्त्राण्यतः प्रायः संहृत्याऽष्टाङ्गसङ्ग्रहः। अस्थानविस्तराक्षेपपुनरुक्तादिवर्जितः॥
sarvatantrāṇyataḥ prāyaḥ saṃhṛtyā'ṣṭāṅgasaṅgrahaḥ| asthānavistarākṣepapunaruktādivarjitaḥ||
Sanskrit only: no published translation is held for this verse.
हेतुलिङ्गौषधस्कन्धत्रयमात्रनिबन्धनः। विनिगूढार्थतत्वानां प्रदेशानां प्रकाशकः॥
hetuliṅgauṣadhaskandhatrayamātranibandhanaḥ| vinigūḍhārthatatvānāṃ pradeśānāṃ prakāśakaḥ||
Sanskrit only: no published translation is held for this verse.
स्वान्यतन्त्रविरोधानां भूयिष्ठं विनिवर्तकः। युगानुरूपसन्दर्भो विभागेन करिष्यते॥
svānyatantravirodhānāṃ bhūyiṣṭhaṃ vinivartakaḥ| yugānurūpasandarbho vibhāgena kariṣyate||
Sanskrit only: no published translation is held for this verse.
नित्योपयोगि दुर्बोधं सर्वाङ्गव्यापि भावतः। सङ्गृहीतं विशेषेण यत्र कायचिकित्सितम्॥
nityopayogi durbodhaṃ sarvāṅgavyāpi bhāvataḥ| saṅgṛhītaṃ viśeṣeṇa yatra kāyacikitsitam||
Sanskrit only: no published translation is held for this verse.
न मात्रामात्रमप्यत्र किच्चिदागमवर्जितम्। तेऽर्थाःस ग्रन्थबन्धश्च सङ्क्षेपाय क्रमोऽन्यथा॥
na mātrāmātramapyatra kiccidāgamavarjitam| te'rthāḥsa granthabandhaśca saṅkṣepāya kramo'nyathā||
Sanskrit only: no published translation is held for this verse.
वायुः पित्तं कफश्चेति त्रयो दोषाः समासतः। प्रत्येकं ते त्रिधा वृद्धिक्षयसाम्यविभेदयः॥
vāyuḥ pittaṃ kaphaśceti trayo doṣāḥ samāsataḥ| pratyekaṃ te tridhā vṛddhikṣayasāmyavibhedayaḥ||
Sanskrit only: no published translation is held for this verse.
उत्कृष्टमध्याल्पतया त्रिधा वृद्धिक्षयावपि। विकृताऽविकृता देहं घ्नन्ति ते वर्त्तयन्ति च॥
utkṛṣṭamadhyālpatayā tridhā vṛddhikṣayāvapi| vikṛtā'vikṛtā dehaṃ ghnanti te varttayanti ca||
Sanskrit only: no published translation is held for this verse.
ते व्यापिनोऽपि हृन्नाभ्योरधोमध्योर्ध्वसंश्रयाः। वयोहोरात्रिभुक्तानां तेऽन्तमध्यादिगाः क्रमात्॥
te vyāpino'pi hṛnnābhyoradhomadhyordhvasaṃśrayāḥ| vayohorātribhuktānāṃ te'ntamadhyādigāḥ kramāt||
Sanskrit only: no published translation is held for this verse.
तैर्भवेद्विषमस्तीक्ष्णो मन्दश्चाग्निः समैः समः। कोष्ठः क्रूरो मृदुर्मध्यो मध्यः स्यात्तैः समैरपि॥
tairbhavedviṣamastīkṣṇo mandaścāgniḥ samaiḥ samaḥ| koṣṭhaḥ krūro mṛdurmadhyo madhyaḥ syāttaiḥ samairapi||
Sanskrit only: no published translation is held for this verse.
शुक्रार्तवस्थैर्जन्मादौ विषेणेव विषक्रिमेः। तैश्च तिस्रः प्रकृतयो हीनमध्योत्तमाः पृथक्॥
śukrārtavasthairjanmādau viṣeṇeva viṣakrimeḥ| taiśca tisraḥ prakṛtayo hīnamadhyottamāḥ pṛthak||
Sanskrit only: no published translation is held for this verse.
समधातुः समस्तासु श्रेष्ठा निन्द्या द्विदोषजाः। तत्र रूक्षो लघु शीतः खरः सूक्ष्मश्चलोऽनिलः॥
samadhātuḥ samastāsu śreṣṭhā nindyā dvidoṣajāḥ| tatra rūkṣo laghu śītaḥ kharaḥ sūkṣmaścalo'nilaḥ||
Sanskrit only: no published translation is held for this verse.
पित्तं सस्नेहतीक्ष्णोष्णं लघु विस्रं सरं द्रवम्। स्निग्धः शीतो गुरुर्मन्दः श्लक्ष्णो मृत्स्नः स्थिरः॥
pittaṃ sasnehatīkṣṇoṣṇaṃ laghu visraṃ saraṃ dravam| snigdhaḥ śīto gururmandaḥ ślakṣṇo mṛtsnaḥ sthiraḥ||
Sanskrit only: no published translation is held for this verse.
संसर्गः सन्निपातश्च तद्वित्रिक्षयकोपतः। तौ षोढा दशधा चोक्तावुत्कर्षादिविकल्पनात्॥
saṃsargaḥ sannipātaśca tadvitrikṣayakopataḥ| tau ṣoḍhā daśadhā coktāvutkarṣādivikalpanāt||
Sanskrit only: no published translation is held for this verse.
रसासृङ्मांसमेदोस्थिमज्जशुक्राणि धातवः। सप्त दूष्या मला मूत्रशकृत्स्वेदादयोऽपि च॥
rasāsṛṅmāṃsamedosthimajjaśukrāṇi dhātavaḥ| sapta dūṣyā malā mūtraśakṛtsvedādayo'pi ca||
Sanskrit only: no published translation is held for this verse.
रसादिस्थेषु दोषेषु व्याधयः सम्भवन्ति ये। तज्जानित्युपचारेण तानाहुर्घृतदाहवत्॥
rasādistheṣu doṣeṣu vyādhayaḥ sambhavanti ye| tajjānityupacāreṇa tānāhurghṛtadāhavat||
Sanskrit only: no published translation is held for this verse.
प्रीणनं जीवनं लेपः स्नेहो धारणपूरणे। गर्भोत्पादश्च कर्माणि धातूनां क्रमशो विदुः॥
prīṇanaṃ jīvanaṃ lepaḥ sneho dhāraṇapūraṇe| garbhotpādaśca karmāṇi dhātūnāṃ kramaśo viduḥ||
Sanskrit only: no published translation is held for this verse.
शरीरं धारयन्त्येते धात्वाहारश्च सर्वदा। वृद्धिः समानैः सर्वेषां विपरीतैर्विपर्ययः॥
śarīraṃ dhārayantyete dhātvāhāraśca sarvadā| vṛddhiḥ samānaiḥ sarveṣāṃ viparītairviparyayaḥ||
Sanskrit only: no published translation is held for this verse.
रसाः स्वाद्वम्ललवणतिक्तोषणकषायकाः। षड् द्रव्यमाश्रितास्ते च यथापूर्वं बलावहाः॥
rasāḥ svādvamlalavaṇatiktoṣaṇakaṣāyakāḥ| ṣaḍ dravyamāśritāste ca yathāpūrvaṃ balāvahāḥ||
Sanskrit only: no published translation is held for this verse.
तत्राद्या मारुतं घ्नन्ति त्रयस्तिक्तादयः कफम्। कषायतिक्तमधुराः पित्तमन्ये तु कुर्वते॥
tatrādyā mārutaṃ ghnanti trayastiktādayaḥ kapham| kaṣāyatiktamadhurāḥ pittamanye tu kurvate||
Sanskrit only: no published translation is held for this verse.
शमनं कोपनं स्वस्थहितं द्रव्यमिति त्रिधा। उष्णशीतगुणोत्कर्षात्तत्र वीर्यं द्विधा स्मृतम्॥
śamanaṃ kopanaṃ svasthahitaṃ dravyamiti tridhā| uṣṇaśītaguṇotkarṣāttatra vīryaṃ dvidhā smṛtam||
Sanskrit only: no published translation is held for this verse.
त्रिधा विपाको द्रव्यस्य स्वाद्वम्लकटुकात्मकः। गुरुमन्दहिमस्निग्धश्लक्ष्णसान्द्रमृदुस्थिराः॥
tridhā vipāko dravyasya svādvamlakaṭukātmakaḥ| gurumandahimasnigdhaślakṣṇasāndramṛdusthirāḥ||
Sanskrit only: no published translation is held for this verse.
गुणाः ससूक्ष्मविशदा विंशतिः सविपर्ययाः। इन्द्रियार्था व्यवायी च विकाषी चापरे गुणाः॥
guṇāḥ sasūkṣmaviśadā viṃśatiḥ saviparyayāḥ| indriyārthā vyavāyī ca vikāṣī cāpare guṇāḥ||
Sanskrit only: no published translation is held for this verse.
व्यवायी देहमखिलं व्याप्य पाकाय कल्पते। विकाषी विकषन् धातून् सन्धिबन्धान् विमुञ्चति॥
vyavāyī dehamakhilaṃ vyāpya pākāya kalpate| vikāṣī vikaṣan dhātūn sandhibandhān vimuñcati||
Sanskrit only: no published translation is held for this verse.
सरतीक्ष्णप्रकर्षौ तु कैश्चित्तौ परिकीर्त्तितौ। सत्त्वं रजस्तमश्चेति त्रयः प्रोक्ता महागुणाः॥
saratīkṣṇaprakarṣau tu kaiścittau parikīrttitau| sattvaṃ rajastamaśceti trayaḥ proktā mahāguṇāḥ||
Sanskrit only: no published translation is held for this verse.
कालार्थकर्मणां योगो हीनमिथ्यातिमात्रकः। सम्यग्योगश्च विज्ञेयो रोगारोग्यैककारणम्॥
kālārthakarmaṇāṃ yogo hīnamithyātimātrakaḥ| samyagyogaśca vijñeyo rogārogyaikakāraṇam||
Sanskrit only: no published translation is held for this verse.
रोगस्तु दोषवैषम्यं दोषसाम्यमरोगता। निजागन्तुविभागेन रोगाश्च द्विविधा मताः॥
rogastu doṣavaiṣamyaṃ doṣasāmyamarogatā| nijāgantuvibhāgena rogāśca dvividhā matāḥ||
Sanskrit only: no published translation is held for this verse.
तेषां कायमनोभेदादधिष्ठानमपि द्विधा। रजस्तमश्च मनसो द्वौ च दोषवुदाहृतौ॥
teṣāṃ kāyamanobhedādadhiṣṭhānamapi dvidhā| rajastamaśca manaso dvau ca doṣavudāhṛtau||
Sanskrit only: no published translation is held for this verse.
दर्शनस्पर्शनप्रश्नैः परीक्षेत च रोगिणम्। रोगं निदानप्राग्रूपलक्षणोपशयाप्तिभिः॥
darśanasparśanapraśnaiḥ parīkṣeta ca rogiṇam| rogaṃ nidānaprāgrūpalakṣaṇopaśayāptibhiḥ||
Sanskrit only: no published translation is held for this verse.
भूमिदेहप्रभेदेन देशमाहुरिह द्विधा। जाङ्गलं वातभूयिष्ठमानूपं तु कफोल्बणम्।
bhūmidehaprabhedena deśamāhuriha dvidhā| jāṅgalaṃ vātabhūyiṣṭhamānūpaṃ tu kapholbaṇam|
Sanskrit only: no published translation is held for this verse.
साधारणं सममलं त्रिधा भूदेशमादिशेत्। क्षणादिव्यार्ध्यवस्था च कालो भैषज्ययोगकृत्॥
sādhāraṇaṃ samamalaṃ tridhā bhūdeśamādiśet| kṣaṇādivyārdhyavasthā ca kālo bhaiṣajyayogakṛt||
Sanskrit only: no published translation is held for this verse.
शोधनं शमनं चेति समासादौषधं द्विधा। शरीरजानां दोषाणां क्रमेण परमौषधम्॥
śodhanaṃ śamanaṃ ceti samāsādauṣadhaṃ dvidhā| śarīrajānāṃ doṣāṇāṃ krameṇa paramauṣadham||
Sanskrit only: no published translation is held for this verse.
वस्तिर्विरेको वमनं तथा तैलं घृतं मधु। धीधैर्यात्मादिविज्ञानं मनोदोषौषधं परम्॥
vastirvireko vamanaṃ tathā tailaṃ ghṛtaṃ madhu| dhīdhairyātmādivijñānaṃ manodoṣauṣadhaṃ param||
Sanskrit only: no published translation is held for this verse.
तन्त्रस्यास्य परं चातो वक्ष्यतेऽध्यायसङ्ग्रहः। आयुष्कामीयशिष्यार्थदिनर्तुव्याध्यसम्भवाः॥
tantrasyāsya paraṃ cāto vakṣyate'dhyāyasaṅgrahaḥ| āyuṣkāmīyaśiṣyārthadinartuvyādhyasambhavāḥ||
Sanskrit only: no published translation is held for this verse.
द्रवान्नज्ञानसंरक्षाविरुद्धान्नान्नपानिकाः। मात्राशितौषधज्ञानश्रेष्ठशुध्यादिसङ्ग्रहाः॥
dravānnajñānasaṃrakṣāviruddhānnānnapānikāḥ| mātrāśitauṣadhajñānaśreṣṭhaśudhyādisaṅgrahāḥ||
Sanskrit only: no published translation is held for this verse.
महाकषायविविधद्रव्यादिरसभेदकाः। दोषादिज्ञानतद्भेदतत्क्रिया रोगभेषजम्॥
mahākaṣāyavividhadravyādirasabhedakāḥ| doṣādijñānatadbhedatatkriyā rogabheṣajam||
Sanskrit only: no published translation is held for this verse.
व्द्यैषधस्नेहनस्वेदशुध्यास्थापननावनम्। धूमगण्डूषदृक्सेकतृप्तियन्त्रजलौकसः॥
vdyaiṣadhasnehanasvedaśudhyāsthāpananāvanam| dhūmagaṇḍūṣadṛksekatṛptiyantrajalaukasaḥ||
Sanskrit only: no published translation is held for this verse.
सिराविधिः शल्यविधिः शस्त्रक्षाराग्निकर्मकाः। चत्वारिंशदिमेऽध्यायः सूत्रम् शारीरमुच्यते॥
sirāvidhiḥ śalyavidhiḥ śastrakṣārāgnikarmakāḥ| catvāriṃśadime'dhyāyaḥ sūtram śārīramucyate||
Sanskrit only: no published translation is held for this verse.
पुत्रार्थगर्भावक्रान्तिचर्याव्यापच्छरीरजाः। सिरामर्मप्रकृत्याख्या विकृताङ्गेहितामयाः॥
putrārthagarbhāvakrānticaryāvyāpaccharīrajāḥ| sirāmarmaprakṛtyākhyā vikṛtāṅgehitāmayāḥ||
Sanskrit only: no published translation is held for this verse.
सदूता द्वादशाध्यायाः निदानं सार्वरौगिकम्। ज्वरासृक्श्वासयक्ष्मादिमदाद्यर्शोतिसारिणाम्॥
sadūtā dvādaśādhyāyāḥ nidānaṃ sārvaraugikam| jvarāsṛkśvāsayakṣmādimadādyarśotisāriṇām||
Sanskrit only: no published translation is held for this verse.
मूत्राघातप्रमेहाणां विद्रध्याद्युदरस्य च। पाण्डुकुष्ठानिलार्त्तानां वातास्रस्य च षोडश॥
mūtrāghātapramehāṇāṃ vidradhyādyudarasya ca| pāṇḍukuṣṭhānilārttānāṃ vātāsrasya ca ṣoḍaśa||
Sanskrit only: no published translation is held for this verse.
चिकित्साज्वरयोरस्रकासयोः श्वासयक्ष्मणोः। वमौ मदात्ययेऽर्शस्सु विशि द्वौ द्वौ च मूत्रिते॥
cikitsājvarayorasrakāsayoḥ śvāsayakṣmaṇoḥ| vamau madātyaye'rśassu viśi dvau dvau ca mūtrite||
Sanskrit only: no published translation is held for this verse.
विद्रधौ गुल्मजठरपाण्डुशोफविसर्पिषु। कुष्टश्वित्रानिलव्याधिवातास्रेषु चिकित्सितम्॥
vidradhau gulmajaṭharapāṇḍuśophavisarpiṣu| kuṣṭaśvitrānilavyādhivātāsreṣu cikitsitam||
Sanskrit only: no published translation is held for this verse.
चतुर्विशतिरध्यायाः कल्पसिद्धिरतःपरम्। कल्पो वमेर्विरेकस्य तत्सिद्धिर्बास्तिकल्पना॥
caturviśatiradhyāyāḥ kalpasiddhirataḥparam| kalpo vamervirekasya tatsiddhirbāstikalpanā||
Sanskrit only: no published translation is held for this verse.
कल्पश्च सिद्धबस्तीनां सिद्धिर्बस्त्यनुवासयोः। द्रव्यकल्पोऽष्टमः स्थानमत उत्तरमुत्तरम्॥
kalpaśca siddhabastīnāṃ siddhirbastyanuvāsayoḥ| dravyakalpo'ṣṭamaḥ sthānamata uttaramuttaram||
Sanskrit only: no published translation is held for this verse.
बालोपचरणे व्याधिग्रहज्ञाननिषेधने। स्नाने पृथग्ग्रहे भूते द्वावुन्मादे स्मृतिक्षये॥
bālopacaraṇe vyādhigrahajñānaniṣedhane| snāne pṛthaggrahe bhūte dvāvunmāde smṛtikṣaye||
Sanskrit only: no published translation is held for this verse.
वर्त्मसन्धिगतौ द्वौ द्वौ दृक्तमोलिङ्गनाशिषु। सर्वदृक्स्यन्ददृक्पाके कर्णनासामुखेषु च॥
vartmasandhigatau dvau dvau dṛktamoliṅganāśiṣu| sarvadṛksyandadṛkpāke karṇanāsāmukheṣu ca||
Sanskrit only: no published translation is held for this verse.
मूर्ध्नि व्रणे तथा द्वौ द्वौ सद्योभङ्गे भगन्दरे। ग्रन्थ्यादौ क्षुद्ररोगेषु गुह्यरोगे पृथग्द्वयम्॥
mūrdhni vraṇe tathā dvau dvau sadyobhaṅge bhagandare| granthyādau kṣudrarogeṣu guhyaroge pṛthagdvayam||
Sanskrit only: no published translation is held for this verse.
विषे द्वौ भुजगे कीटे द्वौ च लूतासु मूषिके। विषे विषोपयोगे च तथाऽध्यायो रसायने॥
viṣe dvau bhujage kīṭe dvau ca lūtāsu mūṣike| viṣe viṣopayoge ca tathā'dhyāyo rasāyane||
Sanskrit only: no published translation is held for this verse.
वाजीकरणमुद्दिश्य पञ्चाशोऽष्टाङ्गपूरणः। पञ्चाशदध्यायशतं षड्भिः स्थानैः समीरितम्॥
vājīkaraṇamuddiśya pañcāśo'ṣṭāṅgapūraṇaḥ| pañcāśadadhyāyaśataṃ ṣaḍbhiḥ sthānaiḥ samīritam||
Sanskrit only: no published translation is held for this verse.