तत्रास्थनि स्थितो वायुरसृक्स्वेदयोः पित्तम्। शेषेषु श्लेष्मा। तस्मादेकवृद्धिक्षयकारणत्वमेषाम्। न त्वेवमस्थिवाय्वोः। सर्वैव हि वृद्धिः प्रायोऽतिसन्तर्पणनिमित्तत्वाच्छ्लेष्मणानुगता। तद्विपर्ययाच्च क्षयो वायुना। तस्माल्लङ्घनबृंहणाभ्यां वृद्धिक्षयजान् विकारानुपचरेत्। पवने तु बृंहणलङ्घनाभ्याम्। सर्वत्र च द्रव्यगुणकर्मविपर्ययतुल्यभावेनाविरुद्धेन॥
tatrāsthani sthito vāyurasṛksvedayoḥ pittam| śeṣeṣu śleṣmā| tasmādekavṛddhikṣayakāraṇatvameṣām| na tvevamasthivāyvoḥ| sarvaiva hi vṛddhiḥ prāyo'tisantarpaṇanimittatvācchleṣmaṇānugatā| tadviparyayācca kṣayo vāyunā| tasmāllaṅghanabṛṃhaṇābhyāṃ vṛddhikṣayajān vikārānupacaret| pavane tu bṛṃhaṇalaṅghanābhyām| sarvatra ca dravyaguṇakarmaviparyayatulyabhāvenāviruddhena||
Roman (IAST) transliteration rendered by HREEM from the edition's Devanagari; the Devanagari is the edition's own.
Sanskrit only: no published translation is held for this verse.