AsS 1.23.12
आतुरावस्थासु तु कलाः कालसंज्ञाः। तद्यथास्यामवस्थायामस्यौषधस्य कालोऽकालो वा। नह्यप्राप्तातीतकालमौषधं यौगिकं भवति। तस्यत्वेकादशधावचारणम्। तद्यथा। अभक्तं प्राग्भक्तं मध्यभक्तमधोभक्तं सभक्तमन्तरभक्तं सामुद्गं मुहुर्मुहुः सग्रासं ग्रासान्तरा निशि च॥
āturāvasthāsu tu kalāḥ kālasaṃjñāḥ| tadyathāsyāmavasthāyāmasyauṣadhasya kālo'kālo vā| nahyaprāptātītakālamauṣadhaṃ yaugikaṃ bhavati| tasyatvekādaśadhāvacāraṇam| tadyathā| abhaktaṃ prāgbhaktaṃ madhyabhaktamadhobhaktaṃ sabhaktamantarabhaktaṃ sāmudgaṃ muhurmuhuḥ sagrāsaṃ grāsāntarā niśi ca||
Roman (IAST) transliteration rendered by HREEM from the edition's Devanagari; the Devanagari is the edition's own.
Sanskrit only: no published translation is held for this verse.