तत्र स्नेहो मात्राभेदाद् द्विधा। मर्शः। प्रतिमर्शश्च। विरेचनः शमनो वा नासया प्रणीयमानः कल्कोऽवपीडसंज्ञो विरेचनचूर्णस्तु प्रधमनाख्यः। परिशेषं तु नावनमवपीडकसंज्ञम्। कल्कीकृतादौषधादवपीडितः स्रुतो रसोऽवपीड इत्यपरेषाम्। तत्र पुनस्तीक्ष्णे वैशेषिकी शिरोविरेचनसंज्ञा। तथान्ये सर्वमेव विरेचनं नस्यमित्याहुः। सद्यः श्लेष्मविरेचनसामान्यात्॥
tatra sneho mātrābhedād dvidhā| marśaḥ| pratimarśaśca| virecanaḥ śamano vā nāsayā praṇīyamānaḥ kalko'vapīḍasaṃjño virecanacūrṇastu pradhamanākhyaḥ| pariśeṣaṃ tu nāvanamavapīḍakasaṃjñam| kalkīkṛtādauṣadhādavapīḍitaḥ sruto raso'vapīḍa ityapareṣām| tatra punastīkṣṇe vaiśeṣikī śirovirecanasaṃjñā| tathānye sarvameva virecanaṃ nasyamityāhuḥ| sadyaḥ śleṣmavirecanasāmānyāt||
Roman (IAST) transliteration rendered by HREEM from the edition's Devanagari; the Devanagari is the edition's own.
Sanskrit only: no published translation is held for this verse.