शलाकाश्च स्थूलसूक्ष्मदीर्घह्रस्वमध्याः। आन्त्रवृद्धौ त्वर्धेन्दुवक्रा मध्योर्ध्वनिर्गतशलाकाः। दहने नासार्शोऽर्बुदयोः कोलास्थिदलमात्रमुखा वेल्लितौष्ठा। क्षारविषौषधप्रणिधानाय च दर्व्यस्तिस्रोऽष्टाङ्गुला दर्व्याकाराः कनिष्ठिकानामिकामध्यमाङ्गुलिनखपरिमाणनिम्नमुखास्तथाञ्जलिसंस्थानाः। उत्तरबस्त्यञ्जनादिषु यथायथमेवोपदिष्टानि॥
śalākāśca sthūlasūkṣmadīrghahrasvamadhyāḥ| āntravṛddhau tvardhenduvakrā madhyordhvanirgataśalākāḥ| dahane nāsārśo'rbudayoḥ kolāsthidalamātramukhā vellitauṣṭhā| kṣāraviṣauṣadhapraṇidhānāya ca darvyastisro'ṣṭāṅgulā darvyākārāḥ kaniṣṭhikānāmikāmadhyamāṅgulinakhaparimāṇanimnamukhāstathāñjalisaṃsthānāḥ| uttarabastyañjanādiṣu yathāyathamevopadiṣṭāni||
Roman (IAST) transliteration rendered by HREEM from the edition's Devanagari; the Devanagari is the edition's own.
Sanskrit only: no published translation is held for this verse.