Vāgbhaṭa: Aṣṭāṅga-saṅgraha 1.3

प्राग्दक्षिणशिराः पादावकुर्वाणो गुरून् प्रति। पूर्वापरदिशो भागे धर्ममेवानुचिन्तयन्॥

prāgdakṣiṇaśirāḥ pādāvakurvāṇo gurūn prati| pūrvāparadiśo bhāge dharmamevānucintayan||

Sanskrit only: no published translation is held for this verse.

आददीत सदा देहादित्थं सारमसारतः। बिभ्यत् प्रतिक्षणं मृत्योरयथातथचेष्टितात्॥

ādadīta sadā dehāditthaṃ sāramasārataḥ| bibhyat pratikṣaṇaṃ mṛtyorayathātathaceṣṭitāt||

Sanskrit only: no published translation is held for this verse.

आरोग्यविभवप्रज्ञावयोधर्मक्रियावतः। सुखमायुर्हितं चोक्तं विपरीतं विपर्यये॥

ārogyavibhavaprajñāvayodharmakriyāvataḥ| sukhamāyurhitaṃ coktaṃ viparītaṃ viparyaye||

Sanskrit only: no published translation is held for this verse.

सर्वतेजोनिधानं हि नृप इत्युच्यते भुवि। अदूषयन्मनस्तस्मात् भक्तिमांस्तमुपाचरेत्॥

sarvatejonidhānaṃ hi nṛpa ityucyate bhuvi| adūṣayanmanastasmāt bhaktimāṃstamupācaret||

Sanskrit only: no published translation is held for this verse.

पर्यस्तिकोपाश्रयकोपहासविवादनिष्ठीवनजृम्भणानि। सर्वाः प्रकृत्यभ्यधिकाश्च चेष्टास्तत्सन्निधाने परिवर्जयेत्तु॥

paryastikopāśrayakopahāsavivādaniṣṭhīvanajṛmbhaṇāni| sarvāḥ prakṛtyabhyadhikāśca ceṣṭāstatsannidhāne parivarjayettu||

Sanskrit only: no published translation is held for this verse.

सत्वाद्यवस्था विविधाश्च तास्ताः सम्यक् समीक्ष्या+आत्महितं विदध्यात्। अन्योऽपि यः कश्चिदिहाऽस्ति मार्गो हितोपदेशेषु भजेत तं च॥

satvādyavasthā vividhāśca tāstāḥ samyak samīkṣyā+ātmahitaṃ vidadhyāt| anyo'pi yaḥ kaścidihā'sti mārgo hitopadeśeṣu bhajeta taṃ ca||

Sanskrit only: no published translation is held for this verse.

इति चरितमुपेतः सर्वजीवोपजीव्यं प्रथितपृथुगुणौधो रक्षितो देवताभिः। समधिकशतजीवी निर्वृतः पुण्यकर्मा व्रजति सुगतिनिम्नो देहभेदेऽपि तुष्टिम्॥

iti caritamupetaḥ sarvajīvopajīvyaṃ prathitapṛthuguṇaudho rakṣito devatābhiḥ| samadhikaśatajīvī nirvṛtaḥ puṇyakarmā vrajati sugatinimno dehabhede'pi tuṣṭim||

Sanskrit only: no published translation is held for this verse.