शशसर्पाजाविगोधाजाविकसूकराणां तु कीर्तनमिष्टम्। न दर्शनं विरुतं वा। विपरीतमृक्षवानरयोः। सर्पमपि त्वनिष्टं सरटकुक्कुटबिडालोलूकानाम्। तथा ग्रन्थ्यर्बुदादिषु छेदशब्द इष्टो गुल्मोदरादिषु भेदशब्दोऽतीसाररक्तपित्तादिषु रुद्धशब्दोऽश्मर्युदरादिषु प्रवर्तनशब्द इति। एवमन्येऽपि ध्वनयो योज्याः। सर्वत्रैव च स्थिरस्थावरवर्द्धमानत्राताचलध्रुवक्षेमशिवादयः शब्दा धन्यवादित्रस्वराश्च श्रेष्ठाः॥
śaśasarpājāvigodhājāvikasūkarāṇāṃ tu kīrtanamiṣṭam| na darśanaṃ virutaṃ vā| viparītamṛkṣavānarayoḥ| sarpamapi tvaniṣṭaṃ saraṭakukkuṭabiḍālolūkānām| tathā granthyarbudādiṣu chedaśabda iṣṭo gulmodarādiṣu bhedaśabdo'tīsāraraktapittādiṣu ruddhaśabdo'śmaryudarādiṣu pravartanaśabda iti| evamanye'pi dhvanayo yojyāḥ| sarvatraiva ca sthirasthāvaravarddhamānatrātācaladhruvakṣemaśivādayaḥ śabdā dhanyavāditrasvarāśca śreṣṭhāḥ||
Roman (IAST) transliteration rendered by HREEM from the edition's Devanagari; the Devanagari is the edition's own.
Sanskrit only: no published translation is held for this verse.