कशेरुकमृणालकशृङ्गाटककाश्मर्यपरूषकद्राक्षासारिवाप्रपौण्डरीकानन्तोत्पलकदम्बबीजक्वाथेन वा शर्करामधुमधुरेण शालिचूर्णम्। जीवनीयशृतं वा क्षीरम्। बलातिबलाशालिषष्टिकेक्षुमूलकाकोलीशृतेन पयसा समधुशर्करेण रक्तशाल्योदनं सुशीतं भोजयेत्। शीतवीर्यजाङ्गलरसेन वा। रक्तपित्तक्रियाश्च शोधनवर्ज्याः प्रयुञ्जीत। सौम्याश्च मनोऽनुकूलाः कथाः॥
kaśerukamṛṇālakaśṛṅgāṭakakāśmaryaparūṣakadrākṣāsārivāprapauṇḍarīkānantotpalakadambabījakvāthena vā śarkarāmadhumadhureṇa śālicūrṇam| jīvanīyaśṛtaṃ vā kṣīram| balātibalāśāliṣaṣṭikekṣumūlakākolīśṛtena payasā samadhuśarkareṇa raktaśālyodanaṃ suśītaṃ bhojayet| śītavīryajāṅgalarasena vā| raktapittakriyāśca śodhanavarjyāḥ prayuñjīta| saumyāśca mano'nukūlāḥ kathāḥ||
Roman (IAST) transliteration rendered by HREEM from the edition's Devanagari; the Devanagari is the edition's own.
Sanskrit only: no published translation is held for this verse.