द्वात्रिंशच्छ्रोण्या गुदमेढ्राश्रयाः। तासां द्वे द्वे वङ्क्षणयोः कटीकतरुणयोश्चेत्यष्टौ शस्त्रतो रक्षेत्। षोडश पार्श्वयोः तयोरूर्ध्वगामेकैकां पार्श्वसन्धिसंज्ञाम्। चतुर्विंशतिः पृष्ठे। तासां पृष्ठवंशमुभयतो द्वे द्वे ऊर्ध्वगामिन्यौ ताश्चतस्रः। चतुर्विंशतिरुदरे। तासां मेढ्रस्योपरि रोमराजीमुभयतो द्वे द्वे ता अपि चतस्रः। चत्वारिंशद्वक्षसि। तासां द्वे हृदये द्वे द्वे च स्तनमूलस्तनरोहितेषु। एकैकापस्तम्भापालापेष्विति। ताश्चतुर्दश॥
dvātriṃśacchroṇyā gudameḍhrāśrayāḥ| tāsāṃ dve dve vaṅkṣaṇayoḥ kaṭīkataruṇayoścetyaṣṭau śastrato rakṣet| ṣoḍaśa pārśvayoḥ tayorūrdhvagāmekaikāṃ pārśvasandhisaṃjñām| caturviṃśatiḥ pṛṣṭhe| tāsāṃ pṛṣṭhavaṃśamubhayato dve dve ūrdhvagāminyau tāścatasraḥ| caturviṃśatirudare| tāsāṃ meḍhrasyopari romarājīmubhayato dve dve tā api catasraḥ| catvāriṃśadvakṣasi| tāsāṃ dve hṛdaye dve dve ca stanamūlastanarohiteṣu| ekaikāpastambhāpālāpeṣviti| tāścaturdaśa||
Roman (IAST) transliteration rendered by HREEM from the edition's Devanagari; the Devanagari is the edition's own.
Sanskrit only: no published translation is held for this verse.