उभयलक्षणसङ्करे तु संसर्गप्रकृतिः। सर्वगुणसमुदितः समदोषप्रकृतिः। तत्राद्यास्त्रयो नित्यातुराः दोषानुशयितप्रकृतित्वात्। विशेषतश्च द्वन्द्वप्रकृतयः। तेषु हि गुणमिश्रविकारकारिषु क्षुत्पिपासादिष्विवारोग्यव्यपदेशः। तस्माद्विपरीतगुणेन विधिना दोषोपक्रमणीयोक्तेन तानुपाचरेत्। समसर्वरसेन सात्म्येनान्त्यं यथर्तुविहितेन च॥
ubhayalakṣaṇasaṅkare tu saṃsargaprakṛtiḥ| sarvaguṇasamuditaḥ samadoṣaprakṛtiḥ| tatrādyāstrayo nityāturāḥ doṣānuśayitaprakṛtitvāt| viśeṣataśca dvandvaprakṛtayaḥ| teṣu hi guṇamiśravikārakāriṣu kṣutpipāsādiṣvivārogyavyapadeśaḥ| tasmādviparītaguṇena vidhinā doṣopakramaṇīyoktena tānupācaret| samasarvarasena sātmyenāntyaṃ yathartuvihitena ca||
Roman (IAST) transliteration rendered by HREEM from the edition's Devanagari; the Devanagari is the edition's own.
Sanskrit only: no published translation is held for this verse.