त्रयाणामपि दोषाणां श्लेष्मा प्रमेहेषु प्राक् प्रकोपमापद्यते श्लेष्माधिष्ठानत्वान्मूत्रस्य। तद्वृद्धेर्मेद एव च तेन प्रथमं दूष्यतेऽत्यन्तसभागत्वात्। तदनन्तरं देहक्लेदादयः। ततः श्लेष्मादिक्षये पित्तं प्रबलीभवच्छोणितमपि दूषयति। तत्क्षयेऽपि वायुर्वसादीन् धातून् शरीरस्य परमसारभूतान् बस्तिमाकृष्य मूत्रेण सह विसृजति॥
trayāṇāmapi doṣāṇāṃ śleṣmā prameheṣu prāk prakopamāpadyate śleṣmādhiṣṭhānatvānmūtrasya| tadvṛddhermeda eva ca tena prathamaṃ dūṣyate'tyantasabhāgatvāt| tadanantaraṃ dehakledādayaḥ| tataḥ śleṣmādikṣaye pittaṃ prabalībhavacchoṇitamapi dūṣayati| tatkṣaye'pi vāyurvasādīn dhātūn śarīrasya paramasārabhūtān bastimākṛṣya mūtreṇa saha visṛjati||
Roman (IAST) transliteration rendered by HREEM from the edition's Devanagari; the Devanagari is the edition's own.
Sanskrit only: no published translation is held for this verse.