तत्र यदासावृतुमती नवप्रसूता योनिरोगिणी वा वातलान्यासेवेत तदास्या वायुः प्रकुपितो योन्या मुखमनुप्रविश्यार्तवमपरुणद्धि। तदुपरुध्यमानं मासे मासे कुक्षिमभिनिर्वर्तयति गर्भलिङ्गानि च हृल्लासतन्द्राङ्गसाददौहृदस्तन्यदर्शनादीनि। वायुसंसर्गात् पुनः पित्तैकप्रकोपतया च वातपित्तगुल्मरूपाणि क्रमाच्छूलस्तम्भदाहातीसारादीनि गर्भाशये च सुतरां शूलं तया योन्या दौर्गन्ध्यमास्रावं च करोति। गुल्मश्च न गर्भ इवाङ्गैः पिण्डित इव तु चिरेण सशूलं स्पन्दते। गुल्म एव वर्द्धते न कुक्षिः॥
tatra yadāsāvṛtumatī navaprasūtā yonirogiṇī vā vātalānyāseveta tadāsyā vāyuḥ prakupito yonyā mukhamanupraviśyārtavamaparuṇaddhi| taduparudhyamānaṃ māse māse kukṣimabhinirvartayati garbhaliṅgāni ca hṛllāsatandrāṅgasādadauhṛdastanyadarśanādīni| vāyusaṃsargāt punaḥ pittaikaprakopatayā ca vātapittagulmarūpāṇi kramācchūlastambhadāhātīsārādīni garbhāśaye ca sutarāṃ śūlaṃ tayā yonyā daurgandhyamāsrāvaṃ ca karoti| gulmaśca na garbha ivāṅgaiḥ piṇḍita iva tu cireṇa saśūlaṃ spandate| gulma eva varddhate na kukṣiḥ||
Roman (IAST) transliteration rendered by HREEM from the edition's Devanagari; the Devanagari is the edition's own.
Sanskrit only: no published translation is held for this verse.