AsS 4.11.15
गुदं चाभ्यङ्गपूर्वं स्वेदेन मृदुभूतं प्रवेशयेत्। सच्छिद्रेण चास्य चर्मणा गोष्फणाबन्धं कुर्यात्। मूषकमनान्त्रं कृत्वा महापञ्चमूलकषायं च क्षीरे विपचेत्। तेन पयसा वातहरकल्कप्रतीवापं तैलं पाचयेत् तदभ्यञ्जनेन पानेन च सुकृच्छ्रमपि गुदभ्रंशं साधयति॥
gudaṃ cābhyaṅgapūrvaṃ svedena mṛdubhūtaṃ praveśayet| sacchidreṇa cāsya carmaṇā goṣphaṇābandhaṃ kuryāt| mūṣakamanāntraṃ kṛtvā mahāpañcamūlakaṣāyaṃ ca kṣīre vipacet| tena payasā vātaharakalkapratīvāpaṃ tailaṃ pācayet tadabhyañjanena pānena ca sukṛcchramapi gudabhraṃśaṃ sādhayati||
Roman (IAST) transliteration rendered by HREEM from the edition's Devanagari; the Devanagari is the edition's own.
Sanskrit only: no published translation is held for this verse.