Vāgbhaṭa: Aṣṭāṅga-saṅgraha 4.21

करवीरनिम्बकुटजाच्छम्याकाच्चित्रकाच्च मूलानाम्। मूत्रे दर्वीलेपः क्वाथो लेपेन कुष्ठघ्नः॥

karavīranimbakuṭajācchamyākāccitrakācca mūlānām| mūtre darvīlepaḥ kvātho lepena kuṣṭhaghnaḥ||

Sanskrit only: no published translation is held for this verse.

श्वेतकरवीरमूलं कुटजकरञ्जात् फलं त्वचो दार्व्याः। सुमनःप्रवालयुक्तो लेपः कुष्ठापहः सिद्धः॥

śvetakaravīramūlaṃ kuṭajakarañjāt phalaṃ tvaco dārvyāḥ| sumanaḥpravālayukto lepaḥ kuṣṭhāpahaḥ siddhaḥ||

Sanskrit only: no published translation is held for this verse.

शैरीषी त्वक् पुष्पं कार्पास्या राजवृक्षपत्राणि। पिष्टा च काकमाची चतुर्विधः कुष्ठहा लेपः॥

śairīṣī tvak puṣpaṃ kārpāsyā rājavṛkṣapatrāṇi| piṣṭā ca kākamācī caturvidhaḥ kuṣṭhahā lepaḥ||

Sanskrit only: no published translation is held for this verse.

दार्वीरसाञ्जनस्य च निम्बपटोलस्य खदिरसारस्य। आरग्वधवृक्षकयोस्त्रिफलायाः सप्तपर्णस्य॥

dārvīrasāñjanasya ca nimbapaṭolasya khadirasārasya| āragvadhavṛkṣakayostriphalāyāḥ saptaparṇasya||

Sanskrit only: no published translation is held for this verse.

इति षट् कषाययोगाः कुष्ठघ्नाः सप्तमश्च तिनिशस्य। स्नाने पाने च हितास्तथाष्टमश्चाश्वमारस्य॥

iti ṣaṭ kaṣāyayogāḥ kuṣṭhaghnāḥ saptamaśca tiniśasya| snāne pāne ca hitāstathāṣṭamaścāśvamārasya||

Sanskrit only: no published translation is held for this verse.

आलेपनं प्रघर्षणमवचूर्णनमेत एव च कषायाः। तैलघृतपाकयोगैश्चेष्यन्ते कुष्ठशान्त्यर्थम्॥

ālepanaṃ pragharṣaṇamavacūrṇanameta eva ca kaṣāyāḥ| tailaghṛtapākayogaiśceṣyante kuṣṭhaśāntyartham||

Sanskrit only: no published translation is held for this verse.

सर्षपकरञ्जकोशातकानि तैलान्यथेङ्गुदीनां च। कुष्ठेषु हितान्याहुस्तैलं श्रेष्ठं च खदिरसारस्य॥

sarṣapakarañjakośātakāni tailānyatheṅgudīnāṃ ca| kuṣṭheṣu hitānyāhustailaṃ śreṣṭhaṃ ca khadirasārasya||

Sanskrit only: no published translation is held for this verse.

शीताः प्रदेहसेकास्तिक्तं सर्पिः सिराविरेकश्च। विशरणदाहक्लेदे विस्फोटे चर्मदलने च॥

śītāḥ pradehasekāstiktaṃ sarpiḥ sirāvirekaśca| viśaraṇadāhaklede visphoṭe carmadalane ca||

Sanskrit only: no published translation is held for this verse.

शीर्णनखरोममांसः कृमिमानन्नाम्भसी त्यजेत् कुष्ठी। सध्योदुग्धं दुग्धं षण्मासान् कारभं भजेत्समधु॥

śīrṇanakharomamāṃsaḥ kṛmimānannāmbhasī tyajet kuṣṭhī| sadhyodugdhaṃ dugdhaṃ ṣaṇmāsān kārabhaṃ bhajetsamadhu||

Sanskrit only: no published translation is held for this verse.

एडगजः सविडङ्गो मूलान्यारग्वधस्य कुष्ठानाम्। उद्दालनं च दन्ता गोश्ववराहोष्ट्रदन्ताश्च॥

eḍagajaḥ saviḍaṅgo mūlānyāragvadhasya kuṣṭhānām| uddālanaṃ ca dantā gośvavarāhoṣṭradantāśca||

Sanskrit only: no published translation is held for this verse.

रजनीद्वयं कृमिघ्नं प्रपुनाटं राजवृक्षमूलं च। कुष्ठोत्पाटनमग्र्यं सपिप्पलीपाकलं योज्यम्॥

rajanīdvayaṃ kṛmighnaṃ prapunāṭaṃ rājavṛkṣamūlaṃ ca| kuṣṭhotpāṭanamagryaṃ sapippalīpākalaṃ yojyam||

Sanskrit only: no published translation is held for this verse.

श्वित्राणां सविशेषं योक्तव्यं सर्वतो विशुद्धानाम्। उत्सन्नेषु च लेपाः सवर्णकरणास्तथाभ्यङ्गाः॥

śvitrāṇāṃ saviśeṣaṃ yoktavyaṃ sarvato viśuddhānām| utsanneṣu ca lepāḥ savarṇakaraṇāstathābhyaṅgāḥ||

Sanskrit only: no published translation is held for this verse.

पक्षात् पक्षात् छर्दनान्यभ्युपेयान्मासान्मासाच्छोधनं चाप्यधस्तात्। शुद्धिर्मूर्ध्नःस्यात्त्रिरात्रात्त्रिरात्रात् षष्ठे षष्ठे मास्यसृङ्मोक्षणं च॥

pakṣāt pakṣāt chardanānyabhyupeyānmāsānmāsācchodhanaṃ cāpyadhastāt| śuddhirmūrdhnaḥsyāttrirātrāttrirātrāt ṣaṣṭhe ṣaṣṭhe māsyasṛṅmokṣaṇaṃ ca||

Sanskrit only: no published translation is held for this verse.

यो दुर्वान्तो दुर्विरिक्तोऽथवा स्यात् कुष्ठी दोषैरुद्धतैर्व्याप्यतेऽसौ। निस्सन्देहं यात्यसाध्यत्वमेवं तस्मात् कृत्स्नान्निर्हरेदस्य दोषान्॥

yo durvānto durvirikto'thavā syāt kuṣṭhī doṣairuddhatairvyāpyate'sau| nissandehaṃ yātyasādhyatvamevaṃ tasmāt kṛtsnānnirharedasya doṣān||

Sanskrit only: no published translation is held for this verse.

व्रतदमयमसेवात्यागशीलाभियोगो द्विजगुरुसुरपूजा सर्वसत्त्वेषु मैत्री। जिनजिनसुतताराभास्कराराधनानि प्रकटितमलपापं कुष्ठमुन्मूलयन्ति॥

vratadamayamasevātyāgaśīlābhiyogo dvijagurusurapūjā sarvasattveṣu maitrī| jinajinasutatārābhāskarārādhanāni prakaṭitamalapāpaṃ kuṣṭhamunmūlayanti||

Sanskrit only: no published translation is held for this verse.