अथातः श्वित्रकृमिचिकित्सितं व्याख्यास्यामः। इति ह स्माहुरात्रेयादयो महर्षयः॥
athātaḥ śvitrakṛmicikitsitaṃ vyākhyāsyāmaḥ| iti ha smāhurātreyādayo maharṣayaḥ||
Sanskrit only: no published translation is held for this verse.
Library·Vāgbhaṭa: Aṣṭāṅga-saṅgraha·4·4.22
Vāgbhaṭa: Aṣṭāṅga-saṅgraha 4.22
कुष्ठादपि बीभत्सं यच्छीघ्रतरं च यात्यसाध्यत्वम्। श्वित्रमतस्तश्छान्त्यै यतेत दीप्ते यथा भवने॥
kuṣṭhādapi bībhatsaṃ yacchīghrataraṃ ca yātyasādhyatvam| śvitramatastaśchāntyai yateta dīpte yathā bhavane||
Sanskrit only: no published translation is held for this verse.
मदयन्त्याः सवायस्याः सुरभ्यारग्वधस्य च। शतं पलानां प्रत्येकं वरायास्त्वाढकत्रयम्॥
madayantyāḥ savāyasyāḥ surabhyāragvadhasya ca| śataṃ palānāṃ pratyekaṃ varāyāstvāḍhakatrayam||
Sanskrit only: no published translation is held for this verse.
व्याघ्रीवह्निकपोतावत्सकखदिरार्कमूलदन्त्यैन्द्र्यः। सनिशाद्वया दशपला क्वाथेऽमीषां क्षिपेत् पिष्ट्वा॥
vyāghrīvahnikapotāvatsakakhadirārkamūladantyaindryaḥ| saniśādvayā daśapalā kvāthe'mīṣāṃ kṣipet piṣṭvā||
Sanskrit only: no published translation is held for this verse.
बीजं करञ्जेङ्गुदशिग्रुनिम्बान्नीलीं सनीलोत्पलचन्द्रलेखाम्। श्यामां किरातं कटुकत्रयं च पञ्चाढकं तत्र च पञ्चगव्यात्॥
bījaṃ karañjeṅgudaśigrunimbānnīlīṃ sanīlotpalacandralekhām| śyāmāṃ kirātaṃ kaṭukatrayaṃ ca pañcāḍhakaṃ tatra ca pañcagavyāt||
Sanskrit only: no published translation is held for this verse.
शमयत्यचिरेण घृतं मृदुहुतवहसाधितं महानीलम्। न किलासमेव केवलमपचीकृमिकासकुष्ठमभ्यस्तम्॥
śamayatyacireṇa ghṛtaṃ mṛduhutavahasādhitaṃ mahānīlam| na kilāsameva kevalamapacīkṛmikāsakuṣṭhamabhyastam||
Sanskrit only: no published translation is held for this verse.
उन्मादापस्मारावर्शोविद्रधिशिरोरोगान्। गलगण्डगुल्मगण्डानर्बुदशोफप्रमेहगलरोगान्॥
unmādāpasmārāvarśovidradhiśirorogān| galagaṇḍagulmagaṇḍānarbudaśophapramehagalarogān||
Sanskrit only: no published translation is held for this verse.
सविसर्पशोषपवनव्याधीन्विषमज्वरान् हन्यात्॥
savisarpaśoṣapavanavyādhīnviṣamajvarān hanyāt||
Sanskrit only: no published translation is held for this verse.
संशोधनं विशेषात् पीतस्नेहस्य योजयेदनु च। श्वित्रे स्रंसनमग्र्यं मलयूरस इष्यते सगुडः॥
saṃśodhanaṃ viśeṣāt pītasnehasya yojayedanu ca| śvitre sraṃsanamagryaṃ malayūrasa iṣyate saguḍaḥ||
Sanskrit only: no published translation is held for this verse.
तं पीत्वाभ्यक्ततनुर्यथाबलं सूर्यपादसन्तापम्। सेवेत विरिक्तश्च त्र्यहं पिपासुः पिबेत् पेयाम्॥
taṃ pītvābhyaktatanuryathābalaṃ sūryapādasantāpam| seveta viriktaśca tryahaṃ pipāsuḥ pibet peyām||
Sanskrit only: no published translation is held for this verse.
श्वित्रेऽङ्गे ये स्फोटा जायन्ते कण्टकेन तान् भिन्द्यात्। स्फोटेषु निस्सृतेषु प्रातः प्रातः पिबेत् पक्षम्॥
śvitre'ṅge ye sphoṭā jāyante kaṇṭakena tān bhindyāt| sphoṭeṣu nissṛteṣu prātaḥ prātaḥ pibet pakṣam||
Sanskrit only: no published translation is held for this verse.
मलयूमसनं प्रियङ्गुं शतपुष्पां चाम्भसा समुत्क्वाथ्य। पालाशं वा क्षारं यथाबलं फाणितोपेतम्॥
malayūmasanaṃ priyaṅguṃ śatapuṣpāṃ cāmbhasā samutkvāthya| pālāśaṃ vā kṣāraṃ yathābalaṃ phāṇitopetam||
Sanskrit only: no published translation is held for this verse.
वितुषावल्गुजबजाच्चूर्णं गोवारिभाविताद्वहुशः। मूलक्वाहेन पिबेत् कलितरुकृतमालमदनफल्गूनाम्॥
vituṣāvalgujabajāccūrṇaṃ govāribhāvitādvahuśaḥ| mūlakvāhena pibet kalitarukṛtamālamadanaphalgūnām||
Sanskrit only: no published translation is held for this verse.
पीते किलासी तिलतैलदिग्धो दिने दिने स्याद्रविपादसेवी। जीर्णे च तक्राप्लुतकोद्रवाशी स्फोटोद्भवायैष विधिस्त्रिरात्रम्॥
pīte kilāsī tilatailadigdho dine dine syādravipādasevī| jīrṇe ca takrāplutakodravāśī sphoṭodbhavāyaiṣa vidhistrirātram||
Sanskrit only: no published translation is held for this verse.
विध्वान्येद्युः स्फोटकान् कण्टकैस्तान् बस्ताम्भोभिर्घृष्टया शुक्तवर्त्या। लिम्पेत् कामं लेपनाद्वेदनायां लेपो योज्यः शङ्खनाभिर्जलेन॥
vidhvānyedyuḥ sphoṭakān kaṇṭakaistān bastāmbhobhirghṛṣṭayā śuktavartyā| limpet kāmaṃ lepanādvedanāyāṃ lepo yojyaḥ śaṅkhanābhirjalena||
Sanskrit only: no published translation is held for this verse.
व्योषसर्षपनिशागृहधूमैर्यावशूकपटुचित्रकयुक्तैः। कोलतुल्यगुटिकार्धविषांशा श्वित्रकुष्ठशमनो वरलेपः॥
vyoṣasarṣapaniśāgṛhadhūmairyāvaśūkapaṭucitrakayuktaiḥ| kolatulyaguṭikārdhaviṣāṃśā śvitrakuṣṭhaśamano varalepaḥ||
Sanskrit only: no published translation is held for this verse.
गव्यं मूत्रं चित्रकव्योषयुक्तं सर्पिःकुम्भे संस्थितं क्षौद्रमिश्रम्। पक्षादूर्ध्वं श्वित्रणा पेयमेतत् कार्यं चास्मै कुष्ठदृष्टं विधानम्॥
gavyaṃ mūtraṃ citrakavyoṣayuktaṃ sarpiḥkumbhe saṃsthitaṃ kṣaudramiśram| pakṣādūrdhvaṃ śvitraṇā peyametat kāryaṃ cāsmai kuṣṭhadṛṣṭaṃ vidhānam||
Sanskrit only: no published translation is held for this verse.
मार्कवमथवा खादेद् भृष्टं तैलेन लोहपात्रस्थम्। बीजकशृतं च दुग्धं तदनुपिबेच्श्वित्रनाशाय॥
mārkavamathavā khāded bhṛṣṭaṃ tailena lohapātrastham| bījakaśṛtaṃ ca dugdhaṃ tadanupibecśvitranāśāya||
Sanskrit only: no published translation is held for this verse.
पूतीकार्कव्याधिघातस्नुहीना मूत्रैः पिष्टाः पल्लवा जातिजाश्च। घ्नन्त्यालेपाच्श्वित्रदुर्नामदद्रून् पामाकोठान् दुष्टनाडीव्रणांश्च॥
pūtīkārkavyādhighātasnuhīnā mūtraiḥ piṣṭāḥ pallavā jātijāśca| ghnantyālepācśvitradurnāmadadrūn pāmākoṭhān duṣṭanāḍīvraṇāṃśca||
Sanskrit only: no published translation is held for this verse.
द्वैप्यं दग्धं चर्म मातङ्गजं वा श्वित्रे लेपस्तैलयुक्तो वरिष्ठः। पूतीकीटो राजवृक्षोद्भवेन क्षारेणाक्तः श्वित्रमेकोऽपि हन्ति॥
dvaipyaṃ dagdhaṃ carma mātaṅgajaṃ vā śvitre lepastailayukto variṣṭhaḥ| pūtīkīṭo rājavṛkṣodbhavena kṣāreṇāktaḥ śvitrameko'pi hanti||
Sanskrit only: no published translation is held for this verse.
रात्रौ गोमूत्रे वासितान् जर्जराङ्गानह्निच्छायायां शोषयेत् स्फोटहेतून्। एवं वारांस्त्रीन् भावयेच्श्लक्ष्णपिष्टैः स्नुह्याः क्षीरेण श्वित्रनाशाय लेपः॥
rātrau gomūtre vāsitān jarjarāṅgānahnicchāyāyāṃ śoṣayet sphoṭahetūn| evaṃ vārāṃstrīn bhāvayecślakṣṇapiṣṭaiḥ snuhyāḥ kṣīreṇa śvitranāśāya lepaḥ||
Sanskrit only: no published translation is held for this verse.
अक्षतैलद्रुतालेपः कृष्णसर्पोद्भवामषी। शिखिपित्तं तथा दग्धं द्रीबेरं वा तदाप्लुतम्॥
akṣatailadrutālepaḥ kṛṣṇasarpodbhavāmaṣī| śikhipittaṃ tathā dagdhaṃ drīberaṃ vā tadāplutam||
Sanskrit only: no published translation is held for this verse.
उपोषितायान्नकालांस्त्रीन् श्वेतकृकवाकवे। यष्ट्याह्वकुष्ठैडगजबीजचूर्णं घृतान्वितम्॥
upoṣitāyānnakālāṃstrīn śvetakṛkavākave| yaṣṭyāhvakuṣṭhaiḍagajabījacūrṇaṃ ghṛtānvitam||
Sanskrit only: no published translation is held for this verse.
दद्यात्तस्य पुरीषेण श्वित्रमुद्दाल्य लेपयेत्। मासं हन्त्याशु तच्श्वित्रं विशेषाद्गुह्यसंश्रयम्॥
dadyāttasya purīṣeṇa śvitramuddālya lepayet| māsaṃ hantyāśu tacśvitraṃ viśeṣādguhyasaṃśrayam||
Sanskrit only: no published translation is held for this verse.
लेपः पटुवेल्लशिला कासीसं रोचना कनकपुष्पी। गोपित्तयुक्तमथवा चपलाञ्जनयुग्मलोहरजः॥
lepaḥ paṭuvellaśilā kāsīsaṃ rocanā kanakapuṣpī| gopittayuktamathavā capalāñjanayugmaloharajaḥ||
Sanskrit only: no published translation is held for this verse.
काकोदुम्बरिका वा सावल्गुजचित्रका सगोमूत्रा। कदलीक्षारयुतं वा खरास्थि दग्धं सगोरुधिरम्॥
kākodumbarikā vā sāvalgujacitrakā sagomūtrā| kadalīkṣārayutaṃ vā kharāsthi dagdhaṃ sagorudhiram||
Sanskrit only: no published translation is held for this verse.
नीलोत्पलं सकुष्ठं ससैन्धवं हस्तिमूत्रपिष्टं वा। हस्तिमदाध्युषितो वा मालत्याः क्षारकक्षारः॥
nīlotpalaṃ sakuṣṭhaṃ sasaindhavaṃ hastimūtrapiṣṭaṃ vā| hastimadādhyuṣito vā mālatyāḥ kṣārakakṣāraḥ||
Sanskrit only: no published translation is held for this verse.
सिद्धार्थकाबृहत्यौ करञ्जकोशातकीफलं गुञ्जा। शुकनासा सगवाक्षी स्वर्णक्षीरीनिकुम्भश्च॥
siddhārthakābṛhatyau karañjakośātakīphalaṃ guñjā| śukanāsā sagavākṣī svarṇakṣīrīnikumbhaśca||
Sanskrit only: no published translation is held for this verse.
लाङ्गलिकी हयमारस्तिल्वकभल्लातकाश्वमूत्री च। मुस्ता स्नुही सहिंस्रा सुवर्णशकला फलोपेता॥
lāṅgalikī hayamārastilvakabhallātakāśvamūtrī ca| mustā snuhī sahiṃsrā suvarṇaśakalā phalopetā||
Sanskrit only: no published translation is held for this verse.
मूलकबीजं व्योषं पीलुविडङ्गानि कर्णिकारश्च। पिचुमन्दजातीकिसलयबाकुचिकातुत्थकुष्ठानि॥
mūlakabījaṃ vyoṣaṃ pīluviḍaṅgāni karṇikāraśca| picumandajātīkisalayabākucikātutthakuṣṭhāni||
Sanskrit only: no published translation is held for this verse.
कटुरोहिणीमनोह्वात्रिफला च सुकल्किता गवां मृत्रे। गजहयखरमूत्राणां पात्रत्रितयं स्नुगर्कदुग्धाभ्याम्॥
kaṭurohiṇīmanohvātriphalā ca sukalkitā gavāṃ mṛtre| gajahayakharamūtrāṇāṃ pātratritayaṃ snugarkadugdhābhyām||
Sanskrit only: no published translation is held for this verse.
द्वौ कुडवाविह दद्यात् सर्षपतैलाच्च चातुर्थीम्। दर्वीलेपं सिद्धा रसक्रिया मूत्रिका नाम॥
dvau kuḍavāviha dadyāt sarṣapatailācca cāturthīm| darvīlepaṃ siddhā rasakriyā mūtrikā nāma||
Sanskrit only: no published translation is held for this verse.
श्वित्रं घृष्टं लिप्तं त्रीनालेपांस्तया न लङ्घयति। मशतिलकचर्मकीलग्रन्थ्यर्बुदसर्वकुष्ठघ्नी॥
śvitraṃ ghṛṣṭaṃ liptaṃ trīnālepāṃstayā na laṅghayati| maśatilakacarmakīlagranthyarbudasarvakuṣṭhaghnī||
Sanskrit only: no published translation is held for this verse.
कुडवोऽवल्गुजबीजाद्धरितालचतुर्थभागसम्मिश्रः। मूत्रेण गवां पिष्टः सवर्णकरणः परं श्वित्रे॥
kuḍavo'valgujabījāddharitālacaturthabhāgasammiśraḥ| mūtreṇa gavāṃ piṣṭaḥ savarṇakaraṇaḥ paraṃ śvitre||
Sanskrit only: no published translation is held for this verse.
क्षारे सुदग्धे गजलिण्डजे वा गजस्य मूत्रेण परिस्रुते च। द्रोणप्रमाणे दशभागयुक्तं दत्वा पचेद्बीजमवल्गुजानाम्॥
kṣāre sudagdhe gajaliṇḍaje vā gajasya mūtreṇa parisrute ca| droṇapramāṇe daśabhāgayuktaṃ datvā pacedbījamavalgujānām||
Sanskrit only: no published translation is held for this verse.
श्वित्रं जयेच्चिक्कणतां गतेन तेन प्रलिप्तं बहुशः प्रघृष्टम्। कुष्ठं मशं वा तिलकालकं वा यद्वा व्रणे स्यादधिमांसजातम्॥
śvitraṃ jayeccikkaṇatāṃ gatena tena praliptaṃ bahuśaḥ praghṛṣṭam| kuṣṭhaṃ maśaṃ vā tilakālakaṃ vā yadvā vraṇe syādadhimāṃsajātam||
Sanskrit only: no published translation is held for this verse.
भल्लातकद्वीपिसुधार्कमूलगुञ्जाफलत्र्यूषणशङ्खचूर्णम्। तुत्थं सकुष्ठं लवणानि पञ्च क्षारद्वयं लाङ्गलिकां च पक्त्वा॥
bhallātakadvīpisudhārkamūlaguñjāphalatryūṣaṇaśaṅkhacūrṇam| tutthaṃ sakuṣṭhaṃ lavaṇāni pañca kṣāradvayaṃ lāṅgalikāṃ ca paktvā||
Sanskrit only: no published translation is held for this verse.
स्नुगर्कदुग्धे तद्विदधीत लेपम्। कुष्ठे किलासे तिलकालकेषु मशेषु दुर्नामसु चर्मकीले॥
snugarkadugdhe tadvidadhīta lepam| kuṣṭhe kilāse tilakālakeṣu maśeṣu durnāmasu carmakīle||
Sanskrit only: no published translation is held for this verse.
शुध्या शोणितमोक्षैर्विरूक्षणैर्भक्षणैश्च सक्तूनाम्। श्वित्रं कस्यचिदेव प्रशाम्यति क्षीणपापस्य॥
śudhyā śoṇitamokṣairvirūkṣaṇairbhakṣaṇaiśca saktūnām| śvitraṃ kasyacideva praśāmyati kṣīṇapāpasya||
Sanskrit only: no published translation is held for this verse.
कृमिचिकित्सितम्। स्निग्धस्विन्ने गुडक्षीरमत्स्याद्यैः कृमिणोदरे। उत्क्लेशितक्रिमिकफे शर्बरीं तां सुखोषिते॥
kṛmicikitsitam| snigdhasvinne guḍakṣīramatsyādyaiḥ kṛmiṇodare| utkleśitakrimikaphe śarbarīṃ tāṃ sukhoṣite||
Sanskrit only: no published translation is held for this verse.
सुरसादिगणं मूत्रे क्वाथयित्वार्धवारिणि। तं कषायं कणागालाकृमिजित्कल्कयोजितम्। सतैलस्वर्जिकाक्षारं युञ्ज्याद्बस्तिं ततोऽहनि॥
surasādigaṇaṃ mūtre kvāthayitvārdhavāriṇi| taṃ kaṣāyaṃ kaṇāgālākṛmijitkalkayojitam| satailasvarjikākṣāraṃ yuñjyādbastiṃ tato'hani||
Sanskrit only: no published translation is held for this verse.
तस्मिन्नेव निरूढं तं पाययेत विरेचनम्। त्रिवृत्कल्कं फलकणाकषायालोडितं ततः। ऊर्ध्वाधःशोधिते कुर्यात् पञ्चकोलयुतं क्रमम्॥
tasminneva nirūḍhaṃ taṃ pāyayeta virecanam| trivṛtkalkaṃ phalakaṇākaṣāyāloḍitaṃ tataḥ| ūrdhvādhaḥśodhite kuryāt pañcakolayutaṃ kramam||
Sanskrit only: no published translation is held for this verse.
कटुतिक्तकषायाणां कषायैः परिषेचनम्। काले विडङ्गतैलेन ततस्तमनुवासयेत्॥
kaṭutiktakaṣāyāṇāṃ kaṣāyaiḥ pariṣecanam| kāle viḍaṅgatailena tatastamanuvāsayet||
Sanskrit only: no published translation is held for this verse.
शिरोरोगनिषेधोक्तमाचरेन्मूर्धगेष्वनु। उद्रिक्ततिक्तकटुकमल्पस्नेहं च भोजनम्॥
śiroroganiṣedhoktamācarenmūrdhageṣvanu| udriktatiktakaṭukamalpasnehaṃ ca bhojanam||
Sanskrit only: no published translation is held for this verse.
विडङ्गकृष्णामरिचपिप्पलीमूलशिग्रुभिः। पिबेत् सस्वर्जिकाक्षारैर्यवागूं तक्रसाधिताम्॥
viḍaṅgakṛṣṇāmaricapippalīmūlaśigrubhiḥ| pibet sasvarjikākṣārairyavāgūṃ takrasādhitām||
Sanskrit only: no published translation is held for this verse.
रसं शिरीषकिणिहीपारिभद्रककेम्बुकात्। पलाशबीजपत्तूरपूतीकाद्वा पृथक् पिबेत्। सक्षौद्रं सुरसादीन् वा लिह्यात् क्षौद्रयुतान् पृथक्॥
rasaṃ śirīṣakiṇihīpāribhadrakakembukāt| palāśabījapattūrapūtīkādvā pṛthak pibet| sakṣaudraṃ surasādīn vā lihyāt kṣaudrayutān pṛthak||
Sanskrit only: no published translation is held for this verse.
शतकृत्वोऽश्वविट्चूर्णं विडङ्गक्वाथभावितम्। कृमिमान्मधुना लिह्यात् भावितं वा वरारसैः। शिरोगतेषु क्रिमिषु चूर्णं प्रधमनं च तत्॥
śatakṛtvo'śvaviṭcūrṇaṃ viḍaṅgakvāthabhāvitam| kṛmimānmadhunā lihyāt bhāvitaṃ vā varārasaiḥ| śirogateṣu krimiṣu cūrṇaṃ pradhamanaṃ ca tat||
Sanskrit only: no published translation is held for this verse.
आखुकर्णीकिसलयैः सुपिष्टैः पिष्टमिश्रितैः। पक्त्वा पूपलिकां खादेत् धान्याम्लं च पिबेदनु॥
ākhukarṇīkisalayaiḥ supiṣṭaiḥ piṣṭamiśritaiḥ| paktvā pūpalikāṃ khādet dhānyāmlaṃ ca pibedanu||
Sanskrit only: no published translation is held for this verse.
सपञ्चकोललवणमसान्द्रं तक्रमेव वा। नीपमार्कवनिर्गुण्डीपल्लवेष्वप्ययं विधिः॥
sapañcakolalavaṇamasāndraṃ takrameva vā| nīpamārkavanirguṇḍīpallaveṣvapyayaṃ vidhiḥ||
Sanskrit only: no published translation is held for this verse.
विडङ्गचूर्णमिश्रैर्वा पिष्टैर्भक्ष्यान् प्रकल्पयेत्। विडङ्गतण्डुलैर्युक्तमर्धांशैरातपे स्थितम्॥
viḍaṅgacūrṇamiśrairvā piṣṭairbhakṣyān prakalpayet| viḍaṅgataṇḍulairyuktamardhāṃśairātape sthitam||
Sanskrit only: no published translation is held for this verse.
दिनमारुष्करं तैलं पाने बस्तौ च योजयेत्। सुराह्वसरलस्नेहं पृथगेवं च कल्पयेत्॥
dinamāruṣkaraṃ tailaṃ pāne bastau ca yojayet| surāhvasaralasnehaṃ pṛthagevaṃ ca kalpayet||
Sanskrit only: no published translation is held for this verse.
तिल्वकोद्दालकपले त्रिवृच्छ्यामे तदर्धतः। दन्तीद्रवन्त्यावर्धेन तदर्धे चव्यचित्रकौ॥
tilvakoddālakapale trivṛcchyāme tadardhataḥ| dantīdravantyāvardhena tadardhe cavyacitrakau||
Sanskrit only: no published translation is held for this verse.
पिष्ट्वा विडङ्गयूषेण तेन भावितपीडितात्। तैलप्रस्थं तिलात्साध्यं क्रिमिघ्नद्विगुणे रसे। तच्छोधनं पिबेत् काले विदध्याच्चानुवासनम्॥
piṣṭvā viḍaṅgayūṣeṇa tena bhāvitapīḍitāt| tailaprasthaṃ tilātsādhyaṃ krimighnadviguṇe rase| tacchodhanaṃ pibet kāle vidadhyāccānuvāsanam||
Sanskrit only: no published translation is held for this verse.
कोशातकीकरञ्जोमासर्षपस्नेहकल्पनम्। कृत्वा तेनैव विधिना पाययेदुदरक्रिमिम्॥
kośātakīkarañjomāsarṣapasnehakalpanam| kṛtvā tenaiva vidhinā pāyayedudarakrimim||
Sanskrit only: no published translation is held for this verse.
पुरीषजेषु सुतरां दद्याद्बस्तिविरेचने। शिरोविरेकं वमनं शमनं कफजन्मसु॥
purīṣajeṣu sutarāṃ dadyādbastivirecane| śirovirekaṃ vamanaṃ śamanaṃ kaphajanmasu||
Sanskrit only: no published translation is held for this verse.
रक्तजानां प्रतीकारं कुर्यात् कुष्ठचिकित्सितम्। इन्द्रलुप्तविधिश्चात्र विधेयो रोमभोजिषु॥
raktajānāṃ pratīkāraṃ kuryāt kuṣṭhacikitsitam| indraluptavidhiścātra vidheyo romabhojiṣu||
Sanskrit only: no published translation is held for this verse.
क्षीराणि मांसानि घृतं गुडं च दधीनि शाकानि च पर्णवन्ति। समासतोऽम्लान्मधुरान्रसांश्च क्रिमीन् जिघांसुः परिवर्जयेच्च॥
kṣīrāṇi māṃsāni ghṛtaṃ guḍaṃ ca dadhīni śākāni ca parṇavanti| samāsato'mlānmadhurānrasāṃśca krimīn jighāṃsuḥ parivarjayecca||
Sanskrit only: no published translation is held for this verse.