पाठामधुकजीवन्तीत्वक्क्षीरीत्रिफलाघनम्। शठीद्विबृहतीद्राक्षापिप्पल्येलावितुन्नकम्॥
pāṭhāmadhukajīvantītvakkṣīrītriphalāghanam| śaṭhīdvibṛhatīdrākṣāpippalyelāvitunnakam||
Sanskrit only: no published translation is held for this verse.
Library·Vāgbhaṭa: Aṣṭāṅga-saṅgraha·4·4.5
Vāgbhaṭa: Aṣṭāṅga-saṅgraha 4.5
सारिवापुष्करजटाकर्कटाख्यारसाञ्जनम्। पुनर्नवालोहरजस्त्रायमाणायवानिका॥
sārivāpuṣkarajaṭākarkaṭākhyārasāñjanam| punarnavāloharajastrāyamāṇāyavānikā||
Sanskrit only: no published translation is held for this verse.
ऋद्धिस्तामलकी भार्ङ्गी विडङ्गं धन्वयासकम्। क्षारचित्रकचव्याम्लवेतसव्योषदारु च। सर्वकासान् जयेल्लीढं तच्चूर्णं मधुसर्पिषा॥
ṛddhistāmalakī bhārṅgī viḍaṅgaṃ dhanvayāsakam| kṣāracitrakacavyāmlavetasavyoṣadāru ca| sarvakāsān jayellīḍhaṃ taccūrṇaṃ madhusarpiṣā||
Sanskrit only: no published translation is held for this verse.
पद्मकं त्रिफला व्योषं विडङ्गं देवदारु च। बलारास्ना च तच्चूर्णं समस्तसमशर्करम्॥
padmakaṃ triphalā vyoṣaṃ viḍaṅgaṃ devadāru ca| balārāsnā ca taccūrṇaṃ samastasamaśarkaram||
Sanskrit only: no published translation is held for this verse.
स्वादेन्मधुघृताभ्यां वा लिह्यात् कासहरं परम्। तद्वन्मारिचचूर्णं वा सघृतक्षौद्रशर्करम्॥
svādenmadhughṛtābhyāṃ vā lihyāt kāsaharaṃ param| tadvanmāricacūrṇaṃ vā saghṛtakṣaudraśarkaram||
Sanskrit only: no published translation is held for this verse.
पथ्याशुण्ठीघनगुदैर्गुटिकां धारयेन्मुखे। सर्वेषु कासश्वासेषु केवलं वा बिभीतकम्॥
pathyāśuṇṭhīghanagudairguṭikāṃ dhārayenmukhe| sarveṣu kāsaśvāseṣu kevalaṃ vā bibhītakam||
Sanskrit only: no published translation is held for this verse.
कल्के तिल्वकपत्राणां घृतभृष्टे सशर्करे। पेयोत्कार्यथवा च्छर्दितृट्कासामातिसारजित्॥
kalke tilvakapatrāṇāṃ ghṛtabhṛṣṭe saśarkare| peyotkāryathavā ccharditṛṭkāsāmātisārajit||
Sanskrit only: no published translation is held for this verse.
गौरसर्षपगण्डीरविडङ्गव्योषचित्रकान्। साभयान् साधयेत्तोये यवागूस्तेन चाम्भसा॥
gaurasarṣapagaṇḍīraviḍaṅgavyoṣacitrakān| sābhayān sādhayettoye yavāgūstena cāmbhasā||
Sanskrit only: no published translation is held for this verse.
ससर्पिर्लवणा कासे हिध्माश्वासे सपीनसे। पाण्ड्वामये क्षये शोफे कर्णशूले च शस्यते॥
sasarpirlavaṇā kāse hidhmāśvāse sapīnase| pāṇḍvāmaye kṣaye śophe karṇaśūle ca śasyate||
Sanskrit only: no published translation is held for this verse.
कण्टकारीरसे सिद्धो मुद्गयूषः सुसंस्कृतः। सगौरामलकः साम्लः सर्वकासभिषग्जितम्॥
kaṇṭakārīrase siddho mudgayūṣaḥ susaṃskṛtaḥ| sagaurāmalakaḥ sāmlaḥ sarvakāsabhiṣagjitam||
Sanskrit only: no published translation is held for this verse.
वातघ्नौषधनिःक्वाथे क्षीरं यूषान् रसानपि। वैष्किरान् प्रातुदान् बैलान् दापयेत् क्षयकासिने॥
vātaghnauṣadhaniḥkvāthe kṣīraṃ yūṣān rasānapi| vaiṣkirān prātudān bailān dāpayet kṣayakāsine||
Sanskrit only: no published translation is held for this verse.
क्षतकासे च ये धूमाः सानुपाना निदर्शिताः। क्षयकासेऽपि ते योज्या वक्ष्यते यच्च यक्ष्मणि॥
kṣatakāse ca ye dhūmāḥ sānupānā nidarśitāḥ| kṣayakāse'pi te yojyā vakṣyate yacca yakṣmaṇi||
Sanskrit only: no published translation is held for this verse.
बृंहणं दीपनं चाग्नेः स्रोतसां च विशोधनम्। व्यत्यासात् क्षयकासिभ्यो बल्यं सर्वं प्रशस्यते॥
bṛṃhaṇaṃ dīpanaṃ cāgneḥ srotasāṃ ca viśodhanam| vyatyāsāt kṣayakāsibhyo balyaṃ sarvaṃ praśasyate||
Sanskrit only: no published translation is held for this verse.
सन्निपातोद्भवो घोरः क्षयकासो यतस्ततः। यथादोषबलं तस्य सन्निपातहितं हितम्॥
sannipātodbhavo ghoraḥ kṣayakāso yatastataḥ| yathādoṣabalaṃ tasya sannipātahitaṃ hitam||
Sanskrit only: no published translation is held for this verse.