Vāgbhaṭa: Aṣṭāṅga-saṅgraha 5.3.2

अतिक्षुधितेनातिमृदुकोष्ठेनाल्पश्लेष्मणा दुर्वमेन हीनमात्रमतिमात्रं तीक्ष्णमतिशीतमजीर्णे वा पीतं वमनमधो गच्छति। तत्रेप्सितानवाप्तिर्दोषोत्क्लेशश्च। तं पुनराशु स्नेहयित्वा यौगिकैर्मात्राकालाद्यपेक्षं वामयेत्। व्यापत्कराणि च पूर्वोक्तमतिक्रमं स्मरन् परिहरेत्॥

atikṣudhitenātimṛdukoṣṭhenālpaśleṣmaṇā durvamena hīnamātramatimātraṃ tīkṣṇamatiśītamajīrṇe vā pītaṃ vamanamadho gacchati| tatrepsitānavāptirdoṣotkleśaśca| taṃ punarāśu snehayitvā yaugikairmātrākālādyapekṣaṃ vāmayet| vyāpatkarāṇi ca pūrvoktamatikramaṃ smaran pariharet||

Roman (IAST) transliteration rendered by HREEM from the edition's Devanagari; the Devanagari is the edition's own.

Sanskrit only: no published translation is held for this verse.