Abhisamayalamkara 3

नापरे न परे तीरे नान्तराले तयोः स्थिता । अध्वनां समताज्ञानात् प्रज्ञापारमिता मता

nāpare na pare tīre nāntarāle tayoḥ sthitā / adhvanāṃ samatājñānāt prajñāpāramitā matā

Sanskrit only: no published translation is held for this verse.

अनुपायेन दूरं सा सनिमित्तोपलम्भतः । उपायकौशलेनास्याः सम्यगासन्नतोदिता

anupāyena dūraṃ sā sanimittopalambhataḥ / upāyakauśalenāsyāḥ samyagāsannatoditā

Sanskrit only: no published translation is held for this verse.

रुपादिस्कन्धशून्यत्वे धर्मेषु त्र्यध्वगेषु च । दानादौ बोधिपक्षेषु चर्यासंज्ञा विपक्षता

rupādiskandhaśūnyatve dharmeṣu tryadhvageṣu ca / dānādau bodhipakṣeṣu caryāsaṃjñā vipakṣatā

Sanskrit only: no published translation is held for this verse.

दानादिष्वनहंकारः परेषां तन्नियोजनम् । सङ्गकोटिनिषेधो ऽयं सूक्ष्मः सङ्गो जिनादिषु

dānādiṣvanahaṃkāraḥ pareṣāṃ tanniyojanam / saṅgakoṭiniṣedho 'yaṃ sūkṣmaḥ saṅgo jinādiṣu

Sanskrit only: no published translation is held for this verse.

तद्गाम्भीर्य प्रकृत्यैव विवेकाद् धर्मपद्धतेः । एकप्रकृतिकं ज्ञानं धर्माणां सङ्गवर्जनम्

tadgāmbhīrya prakṛtyaiva vivekād dharmapaddhateḥ / ekaprakṛtikaṃ jñānaṃ dharmāṇāṃ saṅgavarjanam

Sanskrit only: no published translation is held for this verse.

दृष्टादिप्रतिषेधेन तस्या दुर्बोधतोदिता । रूपादिभिरविज्ञानात् तदचिन्त्यत्वमिष्यते

dṛṣṭādipratiṣedhena tasyā durbodhatoditā / rūpādibhiravijñānāt tadacintyatvamiṣyate

Sanskrit only: no published translation is held for this verse.

एवं कृत्वा यथोक्तो वै ज्ञेयः सर्वज्ञतानये । अयं विभागो निःशेषो विपक्षप्रतिपक्षयोः

evaṃ kṛtvā yathokto vai jñeyaḥ sarvajñatānaye / ayaṃ vibhāgo niḥśeṣo vipakṣapratipakṣayoḥ

Sanskrit only: no published translation is held for this verse.

रुपादौ तदनित्यादौ तदपूरिप्रपूरयोः । तदसङ्गत्वे चर्यायाः प्रयोगः प्रतिषेधतः

rupādau tadanityādau tadapūriprapūrayoḥ / tadasaṅgatve caryāyāḥ prayogaḥ pratiṣedhataḥ

Sanskrit only: no published translation is held for this verse.

अविकारो न कर्त्ता च प्रयोगो दुष्करस्त्रिधा । यथाभव्य फलप्राप्तेरवन्ध्यो ऽभिमतश्च सः

avikāro na karttā ca prayogo duṣkarastridhā / yathābhavya phalaprāpteravandhyo 'bhimataśca saḥ

Sanskrit only: no published translation is held for this verse.

चतुर्धामनना तस्य रूपादौ समता मता

caturdhāmananā tasya rūpādau samatā matā

Sanskrit only: no published translation is held for this verse.

धर्मज्ञानान्वयज्ञानक्षान्तिज्ञानक्षणात्मकः । दुःखादिसत्ये दृङ्मार्ग एष सर्वज्ञतानय

dharmajñānānvayajñānakṣāntijñānakṣaṇātmakaḥ / duḥkhādisatye dṛṅmārga eṣa sarvajñatānaya

Sanskrit only: no published translation is held for this verse.

रूपं न नित्यं नानित्यमतीतान्तं विशुद्धकम् । अनुत्पन्नानिरुद्धादि व्योमाभं लेपवर्जितम्

rūpaṃ na nityaṃ nānityamatītāntaṃ viśuddhakam / anutpannāniruddhādi vyomābhaṃ lepavarjitam

Sanskrit only: no published translation is held for this verse.

परिग्रहेण निर्मुक्तमव्याहारं स्वभावतः । प्रव्याहारेण नास्यार्थः परेषु प्राप्यते यतः

parigraheṇa nirmuktamavyāhāraṃ svabhāvataḥ / pravyāhāreṇa nāsyārthaḥ pareṣu prāpyate yataḥ

Sanskrit only: no published translation is held for this verse.

नोपलम्भकृदत्यन्तविशुद्धिर्व्याध्यसम्भवः । अपायोच्छित्त्यकल्पत्वे फलसाक्षात्क्रियां प्रति

nopalambhakṛdatyantaviśuddhirvyādhyasambhavaḥ / apāyocchittyakalpatve phalasākṣātkriyāṃ prati

Sanskrit only: no published translation is held for this verse.

असंसर्गो निमित्तैश्च वस्तुनि व्यञ्जने द्वये । ज्ञानस्य या चानुत्पत्तिरिति सर्वज्ञताक्षणाः

asaṃsargo nimittaiśca vastuni vyañjane dvaye / jñānasya yā cānutpattiriti sarvajñatākṣaṇāḥ

Sanskrit only: no published translation is held for this verse.

इति सेयं पुनः सेयं सेयं खलु पुनस्त्रिधा । अधिकारत्रयस्यैषा समाप्तिः परिदीपिता

iti seyaṃ punaḥ seyaṃ seyaṃ khalu punastridhā / adhikāratrayasyaiṣā samāptiḥ paridīpitā

Sanskrit only: no published translation is held for this verse.