स्वप्नान्तरे ऽपि स्वप्नाभसर्वधर्मेक्षणादिकम् । मूर्धप्राप्तस्य योगस्य लिङ्गं द्वादशधा मतम्
svapnāntare 'pi svapnābhasarvadharmekṣaṇādikam / mūrdhaprāptasya yogasya liṅgaṃ dvādaśadhā matam
Sanskrit only: no published translation is held for this verse.
जम्बुद्विपजनेयत्ताबुद्धपूजाशुभादिकाम् । उपमां बहुधा कृत्वा विवृद्धिः षोडशात्मिका
jambudvipajaneyattābuddhapūjāśubhādikām / upamāṃ bahudhā kṛtvā vivṛddhiḥ ṣoḍaśātmikā
Sanskrit only: no published translation is held for this verse.
त्रिसर्वज्ञत्वधर्माणां परिपुरिरनुत्तरा । अपरित्यक्तसत्त्वार्था निरूढिरभिधीयते
trisarvajñatvadharmāṇāṃ paripuriranuttarā / aparityaktasattvārthā nirūḍhirabhidhīyate
Sanskrit only: no published translation is held for this verse.
चतुर्द्वीपकसाहस्रद्वित्रिसाहस्रकोपमः । कृत्वा पुण्यबहुत्वेन समाधिः परिकीर्तितः
caturdvīpakasāhasradvitrisāhasrakopamaḥ / kṛtvā puṇyabahutvena samādhiḥ parikīrtitaḥ
Sanskrit only: no published translation is held for this verse.
प्रवृत्तौ च निवृत्तौ च प्रत्येकं तौ नवात्मकौ । ग्राह्यौ विकल्पौ विज्ञेयावयथाविषयात्मकौ
pravṛttau ca nivṛttau ca pratyekaṃ tau navātmakau / grāhyau vikalpau vijñeyāvayathāviṣayātmakau
Sanskrit only: no published translation is held for this verse.
द्रव्यप्रज्ञप्तिसत्सत्त्वविकल्पौ ग्राहकौ मतौ । पृथग्जनार्यभेदेन प्रत्येकं तौ नवात्मकौ
dravyaprajñaptisatsattvavikalpau grāhakau matau / pṛthagjanāryabhedena pratyekaṃ tau navātmakau
Sanskrit only: no published translation is held for this verse.
ग्राह्यौ चेन्न तथा स्तो ऽर्थौ कस्य तौ ग्राहकौ मतौ । इति ग्राहकभावेन शून्यतालक्षणं तयोः
grāhyau cenna tathā sto 'rthau kasya tau grāhakau matau / iti grāhakabhāvena śūnyatālakṣaṇaṃ tayoḥ
Sanskrit only: no published translation is held for this verse.
एष स्वभावे गोत्रे च प्रतिपत्समुदागमे । ज्ञानस्यालम्बनाभ्रान्तौ प्रतिपक्षविपक्षयोः
eṣa svabhāve gotre ca pratipatsamudāgame / jñānasyālambanābhrāntau pratipakṣavipakṣayoḥ
Sanskrit only: no published translation is held for this verse.
स्वस्मिन्नधिगमे कर्तृतत्कारित्रक्रियाफले । प्रवृत्तिपक्षाधिष्ठानो विकल्पो नवधा मतः
svasminnadhigame kartṛtatkāritrakriyāphale / pravṛttipakṣādhiṣṭhāno vikalpo navadhā mataḥ
Sanskrit only: no published translation is held for this verse.
भवशान्तिप्रपातित्वान्न्यूनत्वे ऽधिगमस्य च । परिग्रहस्याभावे च वैकल्ये प्रतिपद्गते
bhavaśāntiprapātitvānnyūnatve 'dhigamasya ca / parigrahasyābhāve ca vaikalye pratipadgate
Sanskrit only: no published translation is held for this verse.
परप्रत्यगामित्वे समुद्देशनिवर्तने । प्रादेशिकत्वे नानात्वे स्थानप्रस्थानमोहयोः
parapratyagāmitve samuddeśanivartane / prādeśikatve nānātve sthānaprasthānamohayoḥ
Sanskrit only: no published translation is held for this verse.
पृष्ठतो गमने चेति विकल्पो ऽयं नवात्मकः । निवृत्तिपक्षाधिष्ठानः श्रावकादिमनोभवः
pṛṣṭhato gamane ceti vikalpo 'yaṃ navātmakaḥ / nivṛttipakṣādhiṣṭhānaḥ śrāvakādimanobhavaḥ
Sanskrit only: no published translation is held for this verse.
ग्राहकः प्रथमो ज्ञेयो ग्रहणप्रतिमोक्षणे । मनस्क्रियायां धातूनामुपश्लेषे त्रयस्य च
grāhakaḥ prathamo jñeyo grahaṇapratimokṣaṇe / manaskriyāyāṃ dhātūnāmupaśleṣe trayasya ca
Sanskrit only: no published translation is held for this verse.
स्थाने चाभिनिवेशे च प्रज्ञप्तौ धर्मवस्तुनः । सक्तौ च प्रतिपक्षे च यथेच्छं च गतिक्षतौ
sthāne cābhiniveśe ca prajñaptau dharmavastunaḥ / saktau ca pratipakṣe ca yathecchaṃ ca gatikṣatau
Sanskrit only: no published translation is held for this verse.
यथोद्देशमनिर्याणे मार्गामार्गावधारणे । सनिरोधे समुत्पादे वस्तुयोगवियोगयोः
yathoddeśamaniryāṇe mārgāmārgāvadhāraṇe / sanirodhe samutpāde vastuyogaviyogayoḥ
Sanskrit only: no published translation is held for this verse.
स्थाने गोत्रस्य नाशे च प्रार्थनाहेत्वभावयोः । प्रत्यर्थिकोपलम्भे च विकल्पो ग्राहको ऽपरः
sthāne gotrasya nāśe ca prārthanāhetvabhāvayoḥ / pratyarthikopalambhe ca vikalpo grāhako 'paraḥ
Sanskrit only: no published translation is held for this verse.
बोधौ सन्दर्शनान्येषां तद्धेतोश्च परीन्दना । तत्प्राप्त्यनन्तरो हेतुः पुण्यबाहुल्यलक्षणः
bodhau sandarśanānyeṣāṃ taddhetośca parīndanā / tatprāptyanantaro hetuḥ puṇyabāhulyalakṣaṇaḥ
Sanskrit only: no published translation is held for this verse.
क्षयानुत्पादयोर्ज्ञाने मलानां बोधिरुच्यते । क्षयाभावादनुत्पादात्ते हि ज्ञेये यथाक्रमम्
kṣayānutpādayorjñāne malānāṃ bodhirucyate / kṣayābhāvādanutpādātte hi jñeye yathākramam
Sanskrit only: no published translation is held for this verse.
प्रकृतावनिरुद्धायां दर्शनाख्येन वर्त्मना । विकल्पजातं कि क्षीणं किं वानत्पत्तिमागतम्
prakṛtāvaniruddhāyāṃ darśanākhyena vartmanā / vikalpajātaṃ ki kṣīṇaṃ kiṃ vānatpattimāgatam
Sanskrit only: no published translation is held for this verse.
सत्ता च नाम धर्माणां ज्ञेये चावरणक्षयः । कथ्यते यत्परैः शास्तुरत्र विस्मीयते मया
sattā ca nāma dharmāṇāṃ jñeye cāvaraṇakṣayaḥ / kathyate yatparaiḥ śāsturatra vismīyate mayā
Sanskrit only: no published translation is held for this verse.
नापनेयमतः किञ्चित् प्रक्षेप्तव्यं न किंचन । द्रष्टव्यं भूततो भूतं भूतदर्शी विमुच्यते
nāpaneyamataḥ kiñcit prakṣeptavyaṃ na kiṃcana / draṣṭavyaṃ bhūtato bhūtaṃ bhūtadarśī vimucyate
Sanskrit only: no published translation is held for this verse.
एकैकस्यैव दानादौ तेषां यः संग्रहो मिथः । स एकक्षणिकः क्षान्तिसंगृहीतो ऽत्र दृक्पथः
ekaikasyaiva dānādau teṣāṃ yaḥ saṃgraho mithaḥ / sa ekakṣaṇikaḥ kṣāntisaṃgṛhīto 'tra dṛkpathaḥ
Sanskrit only: no published translation is held for this verse.
स समाधिं समापद्य ततः सिंहविजृम्भितम् । अनुलोमं विलोमं च प्रतीत्योत्पादमीक्षते
sa samādhiṃ samāpadya tataḥ siṃhavijṛmbhitam / anulomaṃ vilomaṃ ca pratītyotpādamīkṣate
Sanskrit only: no published translation is held for this verse.
कामाप्तमबधीकृत्य विज्ञानमसमाहितम् । सनिरोधाः समपत्तीर्गत्त्वागम्य नव द्विधा
kāmāptamabadhīkṛtya vijñānamasamāhitam / sanirodhāḥ samapattīrgattvāgamya nava dvidhā
Sanskrit only: no published translation is held for this verse.
एकद्वित्रिचतुःपञ्चषट्सप्ताष्टव्यतिक्रमात् । अवस्कन्दसमापत्तिरनिरोधमतुल्यता
ekadvitricatuḥpañcaṣaṭsaptāṣṭavyatikramāt / avaskandasamāpattiranirodhamatulyatā
Sanskrit only: no published translation is held for this verse.
संक्षेपे विस्तरे बुद्धैः सानाथ्येनापरिग्रहे । त्रैकालिके गुणाभावे श्रेयसस्त्रिविधे पथि
saṃkṣepe vistare buddhaiḥ sānāthyenāparigrahe / traikālike guṇābhāve śreyasastrividhe pathi
Sanskrit only: no published translation is held for this verse.
एको ग्राह्यविकल्पो ऽयं प्रयोगाकारगोचरः । द्वितीयश्चित्तचैत्तानां प्रवृत्तिविषयो मतः
eko grāhyavikalpo 'yaṃ prayogākāragocaraḥ / dvitīyaścittacaittānāṃ pravṛttiviṣayo mataḥ
Sanskrit only: no published translation is held for this verse.
अनुत्पादस्तु चित्तस्य बोधिमण्डामनस्क्रिया । हीनयानमनस्कारौ सम्बोधेरमनस्कृतिः
anutpādastu cittasya bodhimaṇḍāmanaskriyā / hīnayānamanaskārau sambodheramanaskṛtiḥ
Sanskrit only: no published translation is held for this verse.
भावने ऽभावने चैव तद्विपर्यय एव च । अयथार्थश्च विज्ञेयो विकल्पो भावनापथे
bhāvane 'bhāvane caiva tadviparyaya eva ca / ayathārthaśca vijñeyo vikalpo bhāvanāpathe
Sanskrit only: no published translation is held for this verse.
ग्राहकः प्रथमो ज्ञेयः सत्त्वप्रज्ञप्तिगोचरः । धर्मप्रत्यशून्यत्वसक्तिप्रविचयात्मकः
grāhakaḥ prathamo jñeyaḥ sattvaprajñaptigocaraḥ / dharmapratyaśūnyatvasaktipravicayātmakaḥ
Sanskrit only: no published translation is held for this verse.
कृते च वस्तुनो यानत्रितये च स कीर्त्तितः । दक्षिणाया अशुद्धौ वा चर्यायाश्च विकोपने
kṛte ca vastuno yānatritaye ca sa kīrttitaḥ / dakṣiṇāyā aśuddhau vā caryāyāśca vikopane
Sanskrit only: no published translation is held for this verse.
सत्त्वप्रज्ञप्तितद्धेतुविषयो नवधापरः । भावनामार्गसम्बद्धो विपक्षस्तद् विघाततः
sattvaprajñaptitaddhetuviṣayo navadhāparaḥ / bhāvanāmārgasambaddho vipakṣastad vighātataḥ
Sanskrit only: no published translation is held for this verse.
सर्वज्ञतानां तिसृणां यथास्वं त्रिविधावृत्तौ । शान्तिमार्गतथतादिसम्प्रयोगवियोगयोः
sarvajñatānāṃ tisṛṇāṃ yathāsvaṃ trividhāvṛttau / śāntimārgatathatādisamprayogaviyogayoḥ
Sanskrit only: no published translation is held for this verse.
असमत्वे च दुःखादौ क्लेशानां प्रकृतावपि । द्वयाभावे च संमोहे विकल्पः पश्चिमो मतः
asamatve ca duḥkhādau kleśānāṃ prakṛtāvapi / dvayābhāve ca saṃmohe vikalpaḥ paścimo mataḥ
Sanskrit only: no published translation is held for this verse.
आसां क्षये सतीतीनां चिरायोच्छ्वसिता इव । सर्वाकारजगत्सौख्यसाधना गुणसम्पदः
āsāṃ kṣaye satītīnāṃ cirāyocchvasitā iva / sarvākārajagatsaukhyasādhanā guṇasampadaḥ
Sanskrit only: no published translation is held for this verse.
सर्वाः सर्वाभिसारेण निकामफलशालिनम् । भजन्ते तं महासत्त्वं महोदधिमिवापगाः
sarvāḥ sarvābhisāreṇa nikāmaphalaśālinam / bhajante taṃ mahāsattvaṃ mahodadhimivāpagāḥ
Sanskrit only: no published translation is held for this verse.
त्रिसाहस्रजनं शिष्यखड्गाधिगमसम्पदि । बोधिसत्त्वस्य च न्यामे प्रतिष्ठाप्य शुभोपमाः
trisāhasrajanaṃ śiṣyakhaḍgādhigamasampadi / bodhisattvasya ca nyāme pratiṣṭhāpya śubhopamāḥ
Sanskrit only: no published translation is held for this verse.
कृत्वा पुण्यबहुत्वेन बुद्धत्वाप्तेरनन्तरः । आनन्तर्यसमाधिः स सर्वाकारज्ञता च तत्
kṛtvā puṇyabahutvena buddhatvāpteranantaraḥ / ānantaryasamādhiḥ sa sarvākārajñatā ca tat
Sanskrit only: no published translation is held for this verse.
आलम्बनमभावो ऽस्य स्मृतिश्चाधिपतिर्मतः । आकारः शान्तता चात्र जल्पाजल्पिप्रवादिनाम्
ālambanamabhāvo 'sya smṛtiścādhipatirmataḥ / ākāraḥ śāntatā cātra jalpājalpipravādinām
Sanskrit only: no published translation is held for this verse.
आलम्बनोपपत्तौ च तत्स्वभावावधारणे । सर्वाकरज्ञताज्ञाने परमार्थे ससंवृत्तौ
ālambanopapattau ca tatsvabhāvāvadhāraṇe / sarvākarajñatājñāne paramārthe sasaṃvṛttau
Sanskrit only: no published translation is held for this verse.
प्रयोगे त्रिषु रत्नेषु सोपाये समये मुनेः । विपर्यासे समार्गे च प्रतिपक्षविपक्षयोः
prayoge triṣu ratneṣu sopāye samaye muneḥ / viparyāse samārge ca pratipakṣavipakṣayoḥ
Sanskrit only: no published translation is held for this verse.
लक्षणे भावनायां च मता विप्रतिपत्तयः । सर्वाकारज्ञताधारा षोढा दश च वादिनाम्
lakṣaṇe bhāvanāyāṃ ca matā vipratipattayaḥ / sarvākārajñatādhārā ṣoḍhā daśa ca vādinām
Sanskrit only: no published translation is held for this verse.