Vagbhata: Astangahrdayasutra 105

शिरो-ऽभितापे ऽनिल-जे वात-व्याधि-विधिं चरेत् । घृतम् अक्त-शिरा रात्रौ पिबेद् उष्ण-पयो-ऽनुपः

śiro-'bhitāpe 'nila-je vāta-vyādhi-vidhiṃ caret | ghṛtam akta-śirā rātrau pibed uṣṇa-payo-'nupaḥ

Sanskrit only: no published translation is held for this verse.

सर्पिः पयो-ऽनुपः माषान् कुलत्थान् मुद्गान् वा तद्-वत् खादेद् घृतान्वितान् । तैलं तिलानां कल्कं वा क्षीरेण सह पाययेत्

sarpiḥ payo-'nupaḥ māṣān kulatthān mudgān vā tad-vat khāded ghṛtānvitān | tailaṃ tilānāṃ kalkaṃ vā kṣīreṇa saha pāyayet

Sanskrit only: no published translation is held for this verse.

पिण्डोपनाह-स्वेदाश् च मांस-धान्य-कृता हिताः । वात-घ्न-दश-मूलादि-सिद्ध-क्षीरेण सेचनम्

piṇḍopanāha-svedāś ca māṃsa-dhānya-kṛtā hitāḥ | vāta-ghna-daśa-mūlādi-siddha-kṣīreṇa secanam

Sanskrit only: no published translation is held for this verse.

स्निग्धं नस्यं तथा धूमः शिरः-श्रवण-तर्पणम् । वरणादौ गणे क्षुण्णे क्षीरम् अर्धोदकं पचेत्

snigdhaṃ nasyaṃ tathā dhūmaḥ śiraḥ-śravaṇa-tarpaṇam | varaṇādau gaṇe kṣuṇṇe kṣīram ardhodakaṃ pacet

Sanskrit only: no published translation is held for this verse.

क्षीरावशिष्टं तच् छीतं मथित्वा सारम् आहरेत् । ततो मधुरकैः सिद्धं नस्यं तत् पूजितं हविः

kṣīrāvaśiṣṭaṃ tac chītaṃ mathitvā sāram āharet | tato madhurakaiḥ siddhaṃ nasyaṃ tat pūjitaṃ haviḥ

Sanskrit only: no published translation is held for this verse.

वर्गे ऽत्र पक्वं क्षीरे च पेयं सर्पिः स-शर्करम् । कार्पास-मज्जा त्वङ् मुस्ता सुमनः-कोरकाणि च

varge 'tra pakvaṃ kṣīre ca peyaṃ sarpiḥ sa-śarkaram | kārpāsa-majjā tvaṅ mustā sumanaḥ-korakāṇi ca

Sanskrit only: no published translation is held for this verse.

सुमनः-क्षारकाणि च नस्यम् उष्णाम्बु-पिष्टानि सर्व-मूर्ध-रुजापहम् । शर्करा-कुङ्कुम-शृतं घृतं पित्तासृग्-अन्वये

sumanaḥ-kṣārakāṇi ca nasyam uṣṇāmbu-piṣṭāni sarva-mūrdha-rujāpaham | śarkarā-kuṅkuma-śṛtaṃ ghṛtaṃ pittāsṛg-anvaye

Sanskrit only: no published translation is held for this verse.

प्रलेपैः स-घृतैः कुष्ठ-कुटिलोत्पल-चन्दनैः । वातोद्रेक-भयाद् रक्तं न चास्मिन्न् अवसेचयेत्

pralepaiḥ sa-ghṛtaiḥ kuṣṭha-kuṭilotpala-candanaiḥ | vātodreka-bhayād raktaṃ na cāsminn avasecayet

Sanskrit only: no published translation is held for this verse.

इत्य् अ-शान्तौ चले दाहः कफे चेष्टो यथोदितः । अर्धावभेदके ऽप्य् एषा तथा दोषान्वयात् क्रिया

ity a-śāntau cale dāhaḥ kaphe ceṣṭo yathoditaḥ | ardhāvabhedake 'py eṣā tathā doṣānvayāt kriyā

Sanskrit only: no published translation is held for this verse.

यथा-दोषान्वये क्रिया शिरीष-बीजापामार्ग-मूलं नस्यं विडान्वितम् । स्थिरा-रसो वा लेपे तु प्रपुन्नाटो ऽम्ल-कल्कितः

yathā-doṣānvaye kriyā śirīṣa-bījāpāmārga-mūlaṃ nasyaṃ viḍānvitam | sthirā-raso vā lepe tu prapunnāṭo 'mla-kalkitaḥ

Sanskrit only: no published translation is held for this verse.

सूर्यावर्ते ऽपि तस्मिंस् तु सिरयापहरेद् असृक् । शिरो-ऽभितापे पित्तोत्थे स्निग्धस्य व्यधयेत् सिराम्

sūryāvarte 'pi tasmiṃs tu sirayāpahared asṛk | śiro-'bhitāpe pittotthe snigdhasya vyadhayet sirām

Sanskrit only: no published translation is held for this verse.

शीताः शिरो-मुखालेप-सेक-शोधन-वस्तयः । जीवनीय-शृते क्षीर-सर्पिषी पान-नस्ययोः

śītāḥ śiro-mukhālepa-seka-śodhana-vastayaḥ | jīvanīya-śṛte kṣīra-sarpiṣī pāna-nasyayoḥ

Sanskrit only: no published translation is held for this verse.

कर्तव्यं रक्त-जे ऽप्य् एतत् प्रत्याख्याय च शङ्खके । श्लेष्माभितापे जीर्णाज्य-स्नेहितैः कटुकैर् वमेत्

kartavyaṃ rakta-je 'py etat pratyākhyāya ca śaṅkhake | śleṣmābhitāpe jīrṇājya-snehitaiḥ kaṭukair vamet

Sanskrit only: no published translation is held for this verse.

स्वेद-प्रलेप-नस्याद्या रूक्ष-तीक्ष्णोष्ण-भेषजैः । शस्यन्ते चोपवासो ऽत्र निचये मिश्रम् आचरेत्

sveda-pralepa-nasyādyā rūkṣa-tīkṣṇoṣṇa-bheṣajaiḥ | śasyante copavāso 'tra nicaye miśram ācaret

Sanskrit only: no published translation is held for this verse.

कृमि-जे शोणितं नस्यं तेन मूर्छन्ति जन्तवः । मत्ताः शोणित-गन्धेन निर्यान्ति घ्राण-वक्त्रयोः

kṛmi-je śoṇitaṃ nasyaṃ tena mūrchanti jantavaḥ | mattāḥ śoṇita-gandhena niryānti ghrāṇa-vaktrayoḥ

Sanskrit only: no published translation is held for this verse.

सु-तीक्ष्ण-नस्य-धूमाभ्यां कुर्यान् निर्हरणं ततः । विडङ्ग-स्वर्जिका-दन्ती-हिङ्गु-गो-मूत्र-साधितम्

su-tīkṣṇa-nasya-dhūmābhyāṃ kuryān nirharaṇaṃ tataḥ | viḍaṅga-svarjikā-dantī-hiṅgu-go-mūtra-sādhitam

Sanskrit only: no published translation is held for this verse.

कटु-निम्बेङ्गुदी-पीलु-तैलं नस्यं पृथक् पृथक् । अजा-मूत्र-द्रुतं नस्यं कृमिजित् कृमि-जित् परम्

kaṭu-nimbeṅgudī-pīlu-tailaṃ nasyaṃ pṛthak pṛthak | ajā-mūtra-drutaṃ nasyaṃ kṛmijit kṛmi-jit param

Sanskrit only: no published translation is held for this verse.

पूति-मत्स्य-युतैः कुर्याद् धूमं नावन-भेषजैः । कृमिभिः पीत-रक्त-त्वाद् रक्तम् अत्र न निर्हरेद्

pūti-matsya-yutaiḥ kuryād dhūmaṃ nāvana-bheṣajaiḥ | kṛmibhiḥ pīta-rakta-tvād raktam atra na nirhared

Sanskrit only: no published translation is held for this verse.

पूति-मत्स्यः कृमीन् हत्वा दुर्-गन्ध-त्वात् तु वात-जे ॥ १८।१+१अब् ॥ वाताभिताप-विहितः कम्पे दाहाद् विना क्रमः । नवे जन्मोत्तरं जाते योजयेद् उप-शीर्षके

pūti-matsyaḥ kṛmīn hatvā dur-gandha-tvāt tu vāta-je || 18.1+1ab || vātābhitāpa-vihitaḥ kampe dāhād vinā kramaḥ | nave janmottaraṃ jāte yojayed upa-śīrṣake

Sanskrit only: no published translation is held for this verse.

वात-व्याधि-क्रियां पक्वे कर्म विद्रधि-चोदितम् । आम-पक्वे यथा-योग्यं विद्रधि-पिटिकार्बुदे

vāta-vyādhi-kriyāṃ pakve karma vidradhi-coditam | āma-pakve yathā-yogyaṃ vidradhi-piṭikārbude

Sanskrit only: no published translation is held for this verse.

अरूंषिका जलौकोभिर् हृतास्रा निम्ब-वारिणा । सिक्ता प्रभूत-लवणैर् लिम्पेद् अश्व-शकृद्-रसैः

arūṃṣikā jalaukobhir hṛtāsrā nimba-vāriṇā | siktā prabhūta-lavaṇair limped aśva-śakṛd-rasaiḥ

Sanskrit only: no published translation is held for this verse.

पटोल-निम्ब-पत्त्रैर् वा स-हरिद्रैः सु-कल्कितैः । गो-मूत्र-जीर्ण-पिण्याक-कृकवाकु-मलैर् अपि

paṭola-nimba-pattrair vā sa-haridraiḥ su-kalkitaiḥ | go-mūtra-jīrṇa-piṇyāka-kṛkavāku-malair api

Sanskrit only: no published translation is held for this verse.

कपाल-भृष्टं कुष्ठं वा चूर्णितं तैल-संयुतम् । रूंषिकालेपनं कण्डू-क्लेद-दाहार्ति-नाशनम्

kapāla-bhṛṣṭaṃ kuṣṭhaṃ vā cūrṇitaṃ taila-saṃyutam | rūṃṣikālepanaṃ kaṇḍū-kleda-dāhārti-nāśanam

Sanskrit only: no published translation is held for this verse.

मालती-चित्रकाश्वघ्न-नक्तमाल-प्रसाधितम् । चाचारूंषिकयोस् तैलम् अभ्यङ्गः क्षुर-घृष्टयोः

mālatī-citrakāśvaghna-naktamāla-prasādhitam | cācārūṃṣikayos tailam abhyaṅgaḥ kṣura-ghṛṣṭayoḥ

Sanskrit only: no published translation is held for this verse.

अ-शान्तौ शिरसः शुद्ध्यै यतेत वमनादिभिः । विध्येत् सिरां दारुणके लालाट्यां शीलयेन् मृजाम्

a-śāntau śirasaḥ śuddhyai yateta vamanādibhiḥ | vidhyet sirāṃ dāruṇake lālāṭyāṃ śīlayen mṛjām

Sanskrit only: no published translation is held for this verse.

नावनं मूर्ध-वस्तिं च लेपयेच् च स-माक्षिकैः । प्रियाल-बीज-मधुक-कुष्ठ-माषैः स-सर्षपैः

nāvanaṃ mūrdha-vastiṃ ca lepayec ca sa-mākṣikaiḥ | priyāla-bīja-madhuka-kuṣṭha-māṣaiḥ sa-sarṣapaiḥ

Sanskrit only: no published translation is held for this verse.

लाक्षा-शम्याक-पत्त्रैडगज-धात्री-फलैस् तथा । कोरदूष-तृण-क्षार-वारि-प्रक्षालनं हितम्

lākṣā-śamyāka-pattraiḍagaja-dhātrī-phalais tathā | koradūṣa-tṛṇa-kṣāra-vāri-prakṣālanaṃ hitam

Sanskrit only: no published translation is held for this verse.

इन्द्र-लुप्ते यथासन्नं सिरां विद्ध्वा प्रलेपयेत् । प्रच्छाय गाढं कासीस-मनोह्वा-तुत्थकोषणैः

indra-lupte yathāsannaṃ sirāṃ viddhvā pralepayet | pracchāya gāḍhaṃ kāsīsa-manohvā-tutthakoṣaṇaiḥ

Sanskrit only: no published translation is held for this verse.

वन्यामरतरुभ्यां वा गुञ्जा-मूल-फलैस् तथा । तथा लाङ्गलिका-मूलैः करवीर-रसेन वा

vanyāmaratarubhyāṃ vā guñjā-mūla-phalais tathā | tathā lāṅgalikā-mūlaiḥ karavīra-rasena vā

Sanskrit only: no published translation is held for this verse.

स-क्षौद्र-क्षुद्र-वार्ताक-स्व-रसेन रसेन वा । धत्तूरकस्य पत्त्राणां भल्लातक-रसेन वा

sa-kṣaudra-kṣudra-vārtāka-sva-rasena rasena vā | dhattūrakasya pattrāṇāṃ bhallātaka-rasena vā

Sanskrit only: no published translation is held for this verse.

अथ-वा माक्षिक-हविस्-तिल-पुष्प-त्रिकण्टकैः । तैलाक्ता हस्ति-दन्तस्य मषी चाचौषधं परम्

atha-vā mākṣika-havis-tila-puṣpa-trikaṇṭakaiḥ | tailāktā hasti-dantasya maṣī cācauṣadhaṃ param

Sanskrit only: no published translation is held for this verse.

शुक्ल-रोमोद्गमे तद्-वन् मषी मेष-विषाण-जा । वर्जयेद् वारिणा सेकं यावद् रोम-समुद्भवः

śukla-romodgame tad-van maṣī meṣa-viṣāṇa-jā | varjayed vāriṇā sekaṃ yāvad roma-samudbhavaḥ

Sanskrit only: no published translation is held for this verse.

खलतौ पलिते वल्यां हरिद्-रोम्नि च शोधितम् । नस्य-वक्त्र-शिरो-ऽभ्यङ्ग-प्रदेहैः समुपाचरेत्

khalatau palite valyāṃ harid-romni ca śodhitam | nasya-vaktra-śiro-'bhyaṅga-pradehaiḥ samupācaret

Sanskrit only: no published translation is held for this verse.

सिद्धं तैलं बृहत्य्-आद्यैर् जीवनीयैश् च नावनम् । मासं वा निम्ब-जं तैलं क्षीर-भुङ् नावयेद् यतिः

siddhaṃ tailaṃ bṛhaty-ādyair jīvanīyaiś ca nāvanam | māsaṃ vā nimba-jaṃ tailaṃ kṣīra-bhuṅ nāvayed yatiḥ

Sanskrit only: no published translation is held for this verse.

नीली-शिरीष-कोरण्ट-भृङ्ग-स्व-रस-भावितम् । शेल्व्-अक्ष-तिल-रामाणां बीजं काकाण्डकी-समम्

nīlī-śirīṣa-koraṇṭa-bhṛṅga-sva-rasa-bhāvitam | śelv-akṣa-tila-rāmāṇāṃ bījaṃ kākāṇḍakī-samam

Sanskrit only: no published translation is held for this verse.

पिष्ट्वाज-पयसा लोहाल् लिप्ताद् अर्कांशु-तापितात् । तैलं स्रुतं क्षीर-भुजो नावनात् पलितान्त-कृत्

piṣṭvāja-payasā lohāl liptād arkāṃśu-tāpitāt | tailaṃ srutaṃ kṣīra-bhujo nāvanāt palitānta-kṛt

Sanskrit only: no published translation is held for this verse.

क्षीरात् साहचराद् भृङ्गरजसः सौरसाद् रसात् । प्रस्थैस् तैलस्य कुडवः सिद्धो यष्टी-पलान्वितः

kṣīrāt sāhacarād bhṛṅgarajasaḥ saurasād rasāt | prasthais tailasya kuḍavaḥ siddho yaṣṭī-palānvitaḥ

Sanskrit only: no published translation is held for this verse.

नस्यं शैलासने भाण्डे शृङ्गे मेषस्य वा स्थितः । क्षीरेण श्लक्ष्ण-पिष्टौ वा दुग्धिका-करवीरकौ

nasyaṃ śailāsane bhāṇḍe śṛṅge meṣasya vā sthitaḥ | kṣīreṇa ślakṣṇa-piṣṭau vā dugdhikā-karavīrakau

Sanskrit only: no published translation is held for this verse.

उत्पाट्य पलितं देयाव् आशये पलितापहौ । क्षीरं प्रियालं यष्ट्य्-आह्वं जीवनीयो गणस् तिलाः

utpāṭya palitaṃ deyāv āśaye palitāpahau | kṣīraṃ priyālaṃ yaṣṭy-āhvaṃ jīvanīyo gaṇas tilāḥ

Sanskrit only: no published translation is held for this verse.

कृष्णाः प्रलेपो वक्त्रस्य हरिद्-रोम-वली-हितः । तिलाः सामलकाः पद्म-किञ्जल्को मधुकं मधु

kṛṣṇāḥ pralepo vaktrasya harid-roma-valī-hitaḥ | tilāḥ sāmalakāḥ padma-kiñjalko madhukaṃ madhu

Sanskrit only: no published translation is held for this verse.

बृंहयेद् रञ्जयेच् चैतत् केशान् मूर्ध-प्रलेपनात् । मांसी कुष्ठं तिलाः कृष्णाः शारिवा नीलम् उत्पलम्

bṛṃhayed rañjayec caitat keśān mūrdha-pralepanāt | māṃsī kuṣṭhaṃ tilāḥ kṛṣṇāḥ śārivā nīlam utpalam

Sanskrit only: no published translation is held for this verse.

क्षौद्रं च क्षीर-पिष्टानि केश-संवर्धनम् परम् । अयो-रजो भृङ्गरजस् त्रि-फला कृष्ण-मृत्तिका

kṣaudraṃ ca kṣīra-piṣṭāni keśa-saṃvardhanam param | ayo-rajo bhṛṅgarajas tri-phalā kṛṣṇa-mṛttikā

Sanskrit only: no published translation is held for this verse.

स्थितम् इक्षु-रसे मासं स-मूलं पलितं रजेत् । माष-कोद्रव-धान्याम्लैर् यवागूंस् त्रि-दिनोषिता

sthitam ikṣu-rase māsaṃ sa-mūlaṃ palitaṃ rajet | māṣa-kodrava-dhānyāmlair yavāgūṃs tri-dinoṣitā

Sanskrit only: no published translation is held for this verse.

लोह-शुक्लोत्कटा पिष्टा बलाकाम् अपि रञ्जयेत् । प्रपौण्डरीक-मधुक-पिप्पली-चन्दनोत्पलैः

loha-śuklotkaṭā piṣṭā balākām api rañjayet | prapauṇḍarīka-madhuka-pippalī-candanotpalaiḥ

Sanskrit only: no published translation is held for this verse.

सिद्धं धात्री-रसे तैलं नस्येनाभ्यञ्जनेन च । सर्वान् मूर्ध-गदान् हन्ति पलितानि च शीलितम्

siddhaṃ dhātrī-rase tailaṃ nasyenābhyañjanena ca | sarvān mūrdha-gadān hanti palitāni ca śīlitam

Sanskrit only: no published translation is held for this verse.

वरी-जीवन्ति-निर्यास-पयोभिर् यमकं पचेत् । जीवनीयैश् च तन् नस्यं सर्व-जत्रूर्ध्व-रोग-जित्

varī-jīvanti-niryāsa-payobhir yamakaṃ pacet | jīvanīyaiś ca tan nasyaṃ sarva-jatrūrdhva-roga-jit

Sanskrit only: no published translation is held for this verse.

स-पयोभिर् घृतं पचेत् मयूरं पक्ष-पित्तान्त्र-पाद-विट्-तुण्ड-वर्जितम् । दश-मूल-बला-रास्ना-मधुकैस् त्रि-पलैर् युतम्

sa-payobhir ghṛtaṃ pacet mayūraṃ pakṣa-pittāntra-pāda-viṭ-tuṇḍa-varjitam | daśa-mūla-balā-rāsnā-madhukais tri-palair yutam

Sanskrit only: no published translation is held for this verse.

जले पक्त्वा घृत-प्रस्थं तस्मिन् क्षीर-समं पचेत् । कल्कितैर् मधुर-द्रव्यैः सर्व-जत्रूर्ध्व-रोग-जित्

jale paktvā ghṛta-prasthaṃ tasmin kṣīra-samaṃ pacet | kalkitair madhura-dravyaiḥ sarva-jatrūrdhva-roga-jit

Sanskrit only: no published translation is held for this verse.

तद् अभ्यासी-कृतं पान-वस्त्य्-अभ्यञ्जन-नावनैः । एतेनैव कषायेण घृत-प्रस्थं विपाचयेत्

tad abhyāsī-kṛtaṃ pāna-vasty-abhyañjana-nāvanaiḥ | etenaiva kaṣāyeṇa ghṛta-prasthaṃ vipācayet

Sanskrit only: no published translation is held for this verse.

चतुर्-गुणेन पयसा कल्कैर् एभिश् च कार्षिकैः । जीवन्ती-त्रि-फला-मेदा-मृद्वीकर्द्धि-परूषकैः

catur-guṇena payasā kalkair ebhiś ca kārṣikaiḥ | jīvantī-tri-phalā-medā-mṛdvīkarddhi-parūṣakaiḥ

Sanskrit only: no published translation is held for this verse.

समङ्गा-चविका-भार्गी-काश्मरी-कर्कटाह्वयैः । आत्मगुप्ता-महामेदा-ताल-खर्जूर-मस्तकैः

samaṅgā-cavikā-bhārgī-kāśmarī-karkaṭāhvayaiḥ | ātmaguptā-mahāmedā-tāla-kharjūra-mastakaiḥ

Sanskrit only: no published translation is held for this verse.

मृणाल-बिस-खर्जूर-यष्टीमधुक-जीवकैः । शतावरी-विदारीक्षु-बृहती-शारिवा-युगैः

mṛṇāla-bisa-kharjūra-yaṣṭīmadhuka-jīvakaiḥ | śatāvarī-vidārīkṣu-bṛhatī-śārivā-yugaiḥ

Sanskrit only: no published translation is held for this verse.

मूर्वा-श्वदंष्ट्रर्षभक-शृङ्गाटक-कसेरुकैः । रास्ना-स्थिरा-तामलकी-सूक्ष्मैला-शठि-पौष्करैः

mūrvā-śvadaṃṣṭrarṣabhaka-śṛṅgāṭaka-kaserukaiḥ | rāsnā-sthirā-tāmalakī-sūkṣmailā-śaṭhi-pauṣkaraiḥ

Sanskrit only: no published translation is held for this verse.

पुनर्नवा-तवक्षीरी-काकोली-धन्वयासकैः । मधूकाक्षोट-वाताम-मुञ्जाताभिषुकैर् अपि

punarnavā-tavakṣīrī-kākolī-dhanvayāsakaiḥ | madhūkākṣoṭa-vātāma-muñjātābhiṣukair api

Sanskrit only: no published translation is held for this verse.

महा-मायूरम् इत्य् एतन् मायूराद् अधिकं गुणैः । धात्व्-इन्द्रिय-स्वर-भ्रंश-श्वास-कासार्दितापहम्

mahā-māyūram ity etan māyūrād adhikaṃ guṇaiḥ | dhātv-indriya-svara-bhraṃśa-śvāsa-kāsārditāpaham

Sanskrit only: no published translation is held for this verse.

योन्य्-असृक्-शुक्र-दोषेषु शस्तं वन्ध्या-सुत-प्रदम् । आखुभिः कुक्कुटैर् हंसैः शशैश् चेति प्रकल्पयेत्

yony-asṛk-śukra-doṣeṣu śastaṃ vandhyā-suta-pradam | ākhubhiḥ kukkuṭair haṃsaiḥ śaśaiś ceti prakalpayet

Sanskrit only: no published translation is held for this verse.

जत्रूर्ध्व-जानां व्याधीनाम् एक-त्रिंशच्-छत-द्वयम् । परस्-परम् अ-संकीर्णं विस्तरेण प्रकाशितम्

jatrūrdhva-jānāṃ vyādhīnām eka-triṃśac-chata-dvayam | paras-param a-saṃkīrṇaṃ vistareṇa prakāśitam

Sanskrit only: no published translation is held for this verse.

ऊर्ध्व-मूलम् अधः-शाखम् ऋषयः पुरुषं विदुः । मूल-प्रहारिणस् तस्माद् रोगाञ् छीघ्र-तरं जयेत्

ūrdhva-mūlam adhaḥ-śākham ṛṣayaḥ puruṣaṃ viduḥ | mūla-prahāriṇas tasmād rogāñ chīghra-taraṃ jayet

Sanskrit only: no published translation is held for this verse.

सर्वेन्द्रियाणि येनास्मिन् प्राणा येन च संश्रिताः । तेन तस्योत्तमाङ्गस्य रक्षायाम् आदृतो भवेत्

sarvendriyāṇi yenāsmin prāṇā yena ca saṃśritāḥ | tena tasyottamāṅgasya rakṣāyām ādṛto bhavet

Sanskrit only: no published translation is held for this verse.