मुखे दन्त-नखे पुष्पं जठरे विविधाः सिराः । ऊर्ध्व-श्वासं गतोष्माणं शूलोपहत-वङ्क्षणम्
mukhe danta-nakhe puṣpaṃ jaṭhare vividhāḥ sirāḥ | ūrdhva-śvāsaṃ gatoṣmāṇaṃ śūlopahata-vaṅkṣaṇam
Sanskrit only: no published translation is held for this verse.
Library·Vagbhata: Astangahrdayasutra·35
Vagbhata: Astangahrdayasutra 35
शर्म चान्-अधिगच्छन्तं बुद्धि-मान् परिवर्जयेत् । विकारा यस्य वर्धन्ते प्रकृतिः परिहीयते
śarma cān-adhigacchantaṃ buddhi-mān parivarjayet | vikārā yasya vardhante prakṛtiḥ parihīyate
Sanskrit only: no published translation is held for this verse.
सहसा सहसा तस्य मृत्युर् हरति जीवितम् । यम् उद्दिश्यातुरं वैद्यः संपादयितुम् औषधम्
sahasā sahasā tasya mṛtyur harati jīvitam | yam uddiśyāturaṃ vaidyaḥ saṃpādayitum auṣadham
Sanskrit only: no published translation is held for this verse.
यतमानो न शक्नोति दुर्-लभं तस्य जीवितम् । विज्ञातं बहु-शः सिद्धं विधि-वच् चावचारितम्
yatamāno na śaknoti dur-labhaṃ tasya jīvitam | vijñātaṃ bahu-śaḥ siddhaṃ vidhi-vac cāvacāritam
Sanskrit only: no published translation is held for this verse.
न सिध्यत्य् औषधं यस्य नास्ति तस्य चिकित्सितम् । भवेद् यस्यौषधे ऽन्ने वा कल्प्यमाने विपर्ययः
na sidhyaty auṣadhaṃ yasya nāsti tasya cikitsitam | bhaved yasyauṣadhe 'nne vā kalpyamāne viparyayaḥ
Sanskrit only: no published translation is held for this verse.
अ-कस्माद् वर्ण-गन्धादेः स्वस्थो ऽपि न स जीवति । निवाते सेन्धनं यस्य ज्योतिश् चाप्य् उपशाम्यति
a-kasmād varṇa-gandhādeḥ svastho 'pi na sa jīvati | nivāte sendhanaṃ yasya jyotiś cāpy upaśāmyati
Sanskrit only: no published translation is held for this verse.
आतुरस्य गृहे यस्य भिद्यन्ते वा पतन्ति वा । अति-मात्रम् अमत्राणि दुर्-लभं तस्य जीवितम्
āturasya gṛhe yasya bhidyante vā patanti vā | ati-mātram amatrāṇi dur-labhaṃ tasya jīvitam
Sanskrit only: no published translation is held for this verse.
यं नरं सहसा रोगो दुर्-बलं परिमुञ्चति । संशय-प्राप्तम् आत्रेयो जीवितं तस्य मन्यते
yaṃ naraṃ sahasā rogo dur-balaṃ parimuñcati | saṃśaya-prāptam ātreyo jīvitaṃ tasya manyate
Sanskrit only: no published translation is held for this verse.
कथयेन् न च पृष्टो ऽपि दुः-श्रवं मरणं भिषक् । गतासोर् बन्धु-मित्राणां न चेच्छेत् तं चिकित्सितुम्
kathayen na ca pṛṣṭo 'pi duḥ-śravaṃ maraṇaṃ bhiṣak | gatāsor bandhu-mitrāṇāṃ na cecchet taṃ cikitsitum
Sanskrit only: no published translation is held for this verse.
यम-दूत-पिशाचाद्यैर् यत् परासुर् उपास्यते । घ्नद्भिर् औषध-वीर्याणि तस्मात् तं परिवर्जयेत्
yama-dūta-piśācādyair yat parāsur upāsyate | ghnadbhir auṣadha-vīryāṇi tasmāt taṃ parivarjayet
Sanskrit only: no published translation is held for this verse.
आयुर्-वेद-फलं कृत्स्नं यद् आयुर्-ज्ञे प्रतिष्ठितम् । रिष्ट-ज्ञानादृतस् तस्मात् सर्व-दैव भवेद् भिषक्
āyur-veda-phalaṃ kṛtsnaṃ yad āyur-jñe pratiṣṭhitam | riṣṭa-jñānādṛtas tasmāt sarva-daiva bhaved bhiṣak
Sanskrit only: no published translation is held for this verse.
मरणं प्राणिनां दृष्टम् आयुः-पुण्योभय-क्षयात् । तयोर् अप्य् अ-क्षयाद् दृष्टं विषमा-परिहारिणाम्
maraṇaṃ prāṇināṃ dṛṣṭam āyuḥ-puṇyobhaya-kṣayāt | tayor apy a-kṣayād dṛṣṭaṃ viṣamā-parihāriṇām
Sanskrit only: no published translation is held for this verse.