Library·Vagbhata: Astangahrdayasutra·36
”आरीरस्थान पाषण्डाश्रम-वर्णानां स-वर्णाः कर्म-सिद्धये । त एव विपरीताः स्युर् दूताः कर्म-विपत्तये
”ārīrasthāna pāṣaṇḍāśrama-varṇānāṃ sa-varṇāḥ karma-siddhaye | ta eva viparītāḥ syur dūtāḥ karma-vipattaye
Sanskrit only: no published translation is held for this verse.
दीनं भीतं द्रुतं त्रस्तं रूक्षा-मङ्गल-वादिनम् । शस्त्रिणं दण्डिनं षण्ढं मुण्ड-श्मश्रु-जटा-धरम्
dīnaṃ bhītaṃ drutaṃ trastaṃ rūkṣā-maṅgala-vādinam | śastriṇaṃ daṇḍinaṃ ṣaṇḍhaṃ muṇḍa-śmaśru-jaṭā-dharam
Sanskrit only: no published translation is held for this verse.
अ-मङ्गलाह्वयं क्रूर-कर्माणं मलिनं स्त्रियम् । अनेकं व्याधितं व्यङ्गं रक्त-माल्यानुलेपनम्
a-maṅgalāhvayaṃ krūra-karmāṇaṃ malinaṃ striyam | anekaṃ vyādhitaṃ vyaṅgaṃ rakta-mālyānulepanam
Sanskrit only: no published translation is held for this verse.
तैल-पङ्काङ्कितं जीर्ण-वि-वर्णार्द्रैक-वाससम् । खरोष्ट्र-महिषारूढं काष्ठ-लोष्टादि-मर्दिनम्
taila-paṅkāṅkitaṃ jīrṇa-vi-varṇārdraika-vāsasam | kharoṣṭra-mahiṣārūḍhaṃ kāṣṭha-loṣṭādi-mardinam
Sanskrit only: no published translation is held for this verse.
नानुगच्छेद् भिषग् दूतम् आह्वयन्तं च दूरतः । अ-शस्त-चिन्ता-वचने नग्ने छिन्दति भिन्दति
nānugacched bhiṣag dūtam āhvayantaṃ ca dūrataḥ | a-śasta-cintā-vacane nagne chindati bhindati
Sanskrit only: no published translation is held for this verse.
जुह्वाने पावकं पिण्डान् पितृभ्यो निर्वपत्य् अपि । सुप्ते मुक्त-कचे ऽभ्यक्ते रुदत्य् अ-प्रयते तथा
juhvāne pāvakaṃ piṇḍān pitṛbhyo nirvapaty api | supte mukta-kace 'bhyakte rudaty a-prayate tathā
Sanskrit only: no published translation is held for this verse.
वैद्ये दूता मनुष्याणाम् आगच्छन्ति मुमूर्षताम् । विकार-सामान्य-गुणे देशे काले ऽथ-वा भिषक्
vaidye dūtā manuṣyāṇām āgacchanti mumūrṣatām | vikāra-sāmānya-guṇe deśe kāle 'tha-vā bhiṣak
Sanskrit only: no published translation is held for this verse.
दूतम् अभ्यागतं दृष्ट्वा नातुरं तम् उपाचरेत् । स्पृशन्तो नाभि-नासास्य-केश-रोम-नख-द्वि-जान्
dūtam abhyāgataṃ dṛṣṭvā nāturaṃ tam upācaret | spṛśanto nābhi-nāsāsya-keśa-roma-nakha-dvi-jān
Sanskrit only: no published translation is held for this verse.
गुह्य-पृष्ठ-स्तन-ग्रीवा-जठरानामिकाङ्गुलीः । कार्पास-बुस-सीसास्थि-कपाल-मुसलोपलम्
guhya-pṛṣṭha-stana-grīvā-jaṭharānāmikāṅgulīḥ | kārpāsa-busa-sīsāsthi-kapāla-musalopalam
Sanskrit only: no published translation is held for this verse.
मार्जनी-शूर्प-चैलान्त-भस्माङ्गार-दशा-तुषान् । रज्जूपानत्-तुला-पाशम् अन्यद् वा भग्न-विच्युतम्
mārjanī-śūrpa-cailānta-bhasmāṅgāra-daśā-tuṣān | rajjūpānat-tulā-pāśam anyad vā bhagna-vicyutam
Sanskrit only: no published translation is held for this verse.
तत्-पूर्व-दर्शने दूता व्याहरन्ति मरिष्यताम् । तथार्ध-रात्रे मध्याह्ने संध्ययोः पर्व-वासरे
tat-pūrva-darśane dūtā vyāharanti mariṣyatām | tathārdha-rātre madhyāhne saṃdhyayoḥ parva-vāsare
Sanskrit only: no published translation is held for this verse.
षष्ठी-चतुर्थी-नवमी-राहु-केतूदयादिषु । भरणी-कृत्तिकाश्लेषा-पूर्वार्द्रा-पैत्र्य-नैरृते
ṣaṣṭhī-caturthī-navamī-rāhu-ketūdayādiṣu | bharaṇī-kṛttikāśleṣā-pūrvārdrā-paitrya-nairṛte
Sanskrit only: no published translation is held for this verse.
यस्मिंश् च दूते ब्रुवति वाक्यम् आतुर-संश्रयम् । पश्येन् निमित्तम् अ-शुभं तं च नानुव्रजेद् भिषक्
yasmiṃś ca dūte bruvati vākyam ātura-saṃśrayam | paśyen nimittam a-śubhaṃ taṃ ca nānuvrajed bhiṣak
Sanskrit only: no published translation is held for this verse.
तद् यथा विकलः प्रेतः प्रेतालङ्कार एव वा । छिन्नं दग्धं विनष्टं वा तद्-वादीनि वचांसि वा
tad yathā vikalaḥ pretaḥ pretālaṅkāra eva vā | chinnaṃ dagdhaṃ vinaṣṭaṃ vā tad-vādīni vacāṃsi vā
Sanskrit only: no published translation is held for this verse.
रसो वा कटुकस् तीव्रो गन्धो वा कौणपो महान् । स्पर्शो वा विपुलः क्रूरो यद् वान्यद् अपि तादृशम्
raso vā kaṭukas tīvro gandho vā kauṇapo mahān | sparśo vā vipulaḥ krūro yad vānyad api tādṛśam
Sanskrit only: no published translation is held for this verse.
तत् सर्वम् अभितो वाक्यं वाक्य-काले ऽथ-वा पुनः । दूतम् अभ्यागतं दृष्ट्वा नातुरं तम् उपाचरेत्
tat sarvam abhito vākyaṃ vākya-kāle 'tha-vā punaḥ | dūtam abhyāgataṃ dṛṣṭvā nāturaṃ tam upācaret
Sanskrit only: no published translation is held for this verse.
हाहा-क्रन्दितम् उत्क्रुष्टम् आक्रुष्टं स्खलनं क्षुतम् । वस्त्रातप-त्र-पाद-त्र-व्यसनं व्यसनीक्षणम्
hāhā-kranditam utkruṣṭam ākruṣṭaṃ skhalanaṃ kṣutam | vastrātapa-tra-pāda-tra-vyasanaṃ vyasanīkṣaṇam
Sanskrit only: no published translation is held for this verse.
चैत्य-ध्वजानां पात्राणां पूर्णानां च निमज्जनम् । हतान्-इष्ट-प्रवादाश् च दूषणं भस्म-पांसुभिः
caitya-dhvajānāṃ pātrāṇāṃ pūrṇānāṃ ca nimajjanam | hatān-iṣṭa-pravādāś ca dūṣaṇaṃ bhasma-pāṃsubhiḥ
Sanskrit only: no published translation is held for this verse.
पथश् छेदो ऽहि-मार्जार-गोधा-सरट-वानरैः । दीप्तां प्रति दिशं वाचः क्रूराणां मृग-पक्षिणाम्
pathaś chedo 'hi-mārjāra-godhā-saraṭa-vānaraiḥ | dīptāṃ prati diśaṃ vācaḥ krūrāṇāṃ mṛga-pakṣiṇām
Sanskrit only: no published translation is held for this verse.
कृष्ण-धान्य-गुडोदश्विल्-लवणासव-चर्मणाम् । सर्षपाणां वसा-तैल-तृण-पङ्केन्धनस्य च
kṛṣṇa-dhānya-guḍodaśvil-lavaṇāsava-carmaṇām | sarṣapāṇāṃ vasā-taila-tṛṇa-paṅkendhanasya ca
Sanskrit only: no published translation is held for this verse.
क्लीब-क्रूर-श्व-पाकानां जाल-वागुरयोर् अपि । छर्दितस्य पुरीषस्य पूति-दुर्-दर्शनस्य च
klība-krūra-śva-pākānāṃ jāla-vāgurayor api | charditasya purīṣasya pūti-dur-darśanasya ca
Sanskrit only: no published translation is held for this verse.
निः-सारस्य व्यवायस्य कार्पासादेर् अरेर् अपि । शयनासन-यानानाम् उत्तानानां तु दर्शनम्
niḥ-sārasya vyavāyasya kārpāsāder arer api | śayanāsana-yānānām uttānānāṃ tu darśanam
Sanskrit only: no published translation is held for this verse.
न्युब्जानाम् इतरेषां च पात्रादीनाम् अ-शोभनम् । पुं-संज्ञाः पक्षिणो वामाः स्त्री-संज्ञा दक्षिणाः शुभाः
nyubjānām itareṣāṃ ca pātrādīnām a-śobhanam | puṃ-saṃjñāḥ pakṣiṇo vāmāḥ strī-saṃjñā dakṣiṇāḥ śubhāḥ
Sanskrit only: no published translation is held for this verse.
प्रदक्षिणं खग-मृगा यान्तो नैवं श्व-जम्बुकाः । अ-युग्माश् च मृगाः शस्ताः शस्ता नित्यं च दर्शने
pradakṣiṇaṃ khaga-mṛgā yānto naivaṃ śva-jambukāḥ | a-yugmāś ca mṛgāḥ śastāḥ śastā nityaṃ ca darśane
Sanskrit only: no published translation is held for this verse.
चाष-भास-भरद्वाज-नकुल-च्छाग-बर्हिणः । अ-शुभं सर्व-थोलूक-बिडाल-सरटेक्षणम्
cāṣa-bhāsa-bharadvāja-nakula-cchāga-barhiṇaḥ | a-śubhaṃ sarva-tholūka-biḍāla-saraṭekṣaṇam
Sanskrit only: no published translation is held for this verse.
प्रशस्ताः कीर्तने कोल-गोधाहि-शश-जाहकाः । न दर्शने न विरुते वानरर्क्षाव् अतो ऽन्य-था
praśastāḥ kīrtane kola-godhāhi-śaśa-jāhakāḥ | na darśane na virute vānararkṣāv ato 'nya-thā
Sanskrit only: no published translation is held for this verse.
धनुर् ऐन्द्रं च लालाटम् अ-शुभं शुभम् अन्यतः । अग्नि-पूर्णानि पात्राणि भिन्नानि वि-शिखानि च
dhanur aindraṃ ca lālāṭam a-śubhaṃ śubham anyataḥ | agni-pūrṇāni pātrāṇi bhinnāni vi-śikhāni ca
Sanskrit only: no published translation is held for this verse.
दध्य्-अ-क्षतादि निर्गच्छद् वक्ष्यमाणं च मङ्गलम् । वैद्यो मरिष्यतां वेश्म प्रविशन्न् एव पश्यति
dadhy-a-kṣatādi nirgacchad vakṣyamāṇaṃ ca maṅgalam | vaidyo mariṣyatāṃ veśma praviśann eva paśyati
Sanskrit only: no published translation is held for this verse.
दूताद्य् अ-साधु दृष्ट्वैवं त्यजेद् आर्तम् अतो ऽन्य-था । करुणा-शुद्ध-संतानो यत्नतस् तम् उपाचरेत्
dūtādy a-sādhu dṛṣṭvaivaṃ tyajed ārtam ato 'nya-thā | karuṇā-śuddha-saṃtāno yatnatas tam upācaret
Sanskrit only: no published translation is held for this verse.
दध्य्-अ-क्षतेक्षु-निष्पाव-प्रियङ्गु-मधु-सर्पिषाम् । यावकाञ्जन-भृङ्गार-घण्टा-दीप-सरो-रुहाम्
dadhy-a-kṣatekṣu-niṣpāva-priyaṅgu-madhu-sarpiṣām | yāvakāñjana-bhṛṅgāra-ghaṇṭā-dīpa-saro-ruhām
Sanskrit only: no published translation is held for this verse.
दूर्वार्द्र-मत्स्य-मांसानां लाजानां फल-भक्षयोः । रत्नेभ-पूर्ण-कुम्भानां कन्यायाः स्यन्दनस्य च
dūrvārdra-matsya-māṃsānāṃ lājānāṃ phala-bhakṣayoḥ | ratnebha-pūrṇa-kumbhānāṃ kanyāyāḥ syandanasya ca
Sanskrit only: no published translation is held for this verse.
नरस्य वर्धमानस्य देवतानां नृपस्य च । शुक्लानां सु-मनो-वाल-चामराम्बर-वाजिनाम्
narasya vardhamānasya devatānāṃ nṛpasya ca | śuklānāṃ su-mano-vāla-cāmarāmbara-vājinām
Sanskrit only: no published translation is held for this verse.
शङ्ख-साधु-द्वि-जोष्णीष-तोरण-स्वस्तिकस्य च । भूमेः समुद्धतायाश् च वह्नेः प्रज्वलितस्य च
śaṅkha-sādhu-dvi-joṣṇīṣa-toraṇa-svastikasya ca | bhūmeḥ samuddhatāyāś ca vahneḥ prajvalitasya ca
Sanskrit only: no published translation is held for this verse.
मनो-ज्ञस्यान्न-पानस्य पूर्णस्य शकटस्य च । नृभिर् धेन्वाः स-वत्साया वडबायाः स्त्रिया अपि
mano-jñasyānna-pānasya pūrṇasya śakaṭasya ca | nṛbhir dhenvāḥ sa-vatsāyā vaḍabāyāḥ striyā api
Sanskrit only: no published translation is held for this verse.
जीवञ्जीवक-सारङ्ग-सारस-प्रियवादिनाम् । हंसानां शतपत्त्राणां बद्धस्यैक-पशोस् तथा
jīvañjīvaka-sāraṅga-sārasa-priyavādinām | haṃsānāṃ śatapattrāṇāṃ baddhasyaika-paśos tathā
Sanskrit only: no published translation is held for this verse.
रुचकादर्श-सिद्धार्थ-रोचनानां च दर्शनम् । गन्धः सु-सुरभिर् वर्णः सु-शुक्लो मधुरो रसः
rucakādarśa-siddhārtha-rocanānāṃ ca darśanam | gandhaḥ su-surabhir varṇaḥ su-śuklo madhuro rasaḥ
Sanskrit only: no published translation is held for this verse.
गो-पतेर् अनुकूलस्य स्वनस् तद्-वद् गवाम् अपि । मृग-पक्षि-नराणां च शोभिनां शोभना गिरः
go-pater anukūlasya svanas tad-vad gavām api | mṛga-pakṣi-narāṇāṃ ca śobhināṃ śobhanā giraḥ
Sanskrit only: no published translation is held for this verse.
छत्त्र-ध्वज-पताकानाम् उत्क्षेपणम् अभिष्टुतिः । भेरी-मृदङ्ग-शङ्खानां शब्दाः पुण्याह-निःस्वनाः
chattra-dhvaja-patākānām utkṣepaṇam abhiṣṭutiḥ | bherī-mṛdaṅga-śaṅkhānāṃ śabdāḥ puṇyāha-niḥsvanāḥ
Sanskrit only: no published translation is held for this verse.
वेदाध्ययन-शब्दाश् च सुखो वायुः प्रदक्षिणः । पथि वेश्म-प्रवेशे च विद्याद् आरोग्य-लक्षणम्
vedādhyayana-śabdāś ca sukho vāyuḥ pradakṣiṇaḥ | pathi veśma-praveśe ca vidyād ārogya-lakṣaṇam
Sanskrit only: no published translation is held for this verse.
इत्य् उक्तं दूत-शकुनं स्वप्नान् ऊर्ध्वं प्रचक्षते । स्वप्ने मद्यं सह प्रेतैर् यः पिबन् कृष्यते शुना
ity uktaṃ dūta-śakunaṃ svapnān ūrdhvaṃ pracakṣate | svapne madyaṃ saha pretair yaḥ piban kṛṣyate śunā
Sanskrit only: no published translation is held for this verse.
स मर्त्यो मृत्युना शीघ्रं ज्वर-रूपेण नीयते । रक्त-माल्य-वपुर्-वस्त्रो यो हसन् ह्रियते स्त्रिया
sa martyo mṛtyunā śīghraṃ jvara-rūpeṇa nīyate | rakta-mālya-vapur-vastro yo hasan hriyate striyā
Sanskrit only: no published translation is held for this verse.
सो ऽस्र-पित्तेन महिष-श्व-वराहोष्ट्र-गर्दभैः । यः प्रयाति दिशं याम्यां मरणं तस्य यक्ष्मणा
so 'sra-pittena mahiṣa-śva-varāhoṣṭra-gardabhaiḥ | yaḥ prayāti diśaṃ yāmyāṃ maraṇaṃ tasya yakṣmaṇā
Sanskrit only: no published translation is held for this verse.
लता कण्टकिनी वंशस् तालो वा हृदि जायते । यस्य तस्याशु गुल्मेन यस्य वह्निम् अन्-अर्चिषम्
latā kaṇṭakinī vaṃśas tālo vā hṛdi jāyate | yasya tasyāśu gulmena yasya vahnim an-arciṣam
Sanskrit only: no published translation is held for this verse.
जुह्वतो घृत-सिक्तस्य नग्नस्योरसि जायते । पद्मं स नश्येत् कुष्ठेन चण्डालैः सह यः पिबेत्
juhvato ghṛta-siktasya nagnasyorasi jāyate | padmaṃ sa naśyet kuṣṭhena caṇḍālaiḥ saha yaḥ pibet
Sanskrit only: no published translation is held for this verse.
स्नेहं बहु-विधं स्वप्ने स प्रमेहेण नश्यति । उन्मादेन जले मज्जेद् यो नृत्यन् राक्षसैः सह
snehaṃ bahu-vidhaṃ svapne sa prameheṇa naśyati | unmādena jale majjed yo nṛtyan rākṣasaiḥ saha
Sanskrit only: no published translation is held for this verse.
अपस्मारेण यो मर्त्यो नृत्यन् प्रेतेन नीयते । यानं खरोष्ट्र-मार्जार-कपि-शार्दूल-शूकरैः
apasmāreṇa yo martyo nṛtyan pretena nīyate | yānaṃ kharoṣṭra-mārjāra-kapi-śārdūla-śūkaraiḥ
Sanskrit only: no published translation is held for this verse.
यस्य प्रेतैः शृगालैर् वा स मृत्योर् वर्तते मुखे । अपूप-शष्कुलीर् जग्ध्वा विबुद्धस् तद्-विधं वमन्
yasya pretaiḥ śṛgālair vā sa mṛtyor vartate mukhe | apūpa-śaṣkulīr jagdhvā vibuddhas tad-vidhaṃ vaman
Sanskrit only: no published translation is held for this verse.
न जीवत्य् अक्षि-रोगाय सूर्येन्दु-ग्रहणेक्षणम् । सूर्या-चन्द्रमसोः पात-दर्शनं दृग्-विनाशनम्
na jīvaty akṣi-rogāya sūryendu-grahaṇekṣaṇam | sūryā-candramasoḥ pāta-darśanaṃ dṛg-vināśanam
Sanskrit only: no published translation is held for this verse.
मूर्ध्नि वंश-लतादीनां संभवो वयसां तथा । निलयो मुण्ड-ता काक-गृध्राद्यैः परिवारणम्
mūrdhni vaṃśa-latādīnāṃ saṃbhavo vayasāṃ tathā | nilayo muṇḍa-tā kāka-gṛdhrādyaiḥ parivāraṇam
Sanskrit only: no published translation is held for this verse.
तथा प्रेत-पिशाच-स्त्री-द्रविडान्ध्र-गवाशनैः । सङ्गो वेत्र-लता-वंश-तृण-कण्टक-संकटे
tathā preta-piśāca-strī-draviḍāndhra-gavāśanaiḥ | saṅgo vetra-latā-vaṃśa-tṛṇa-kaṇṭaka-saṃkaṭe
Sanskrit only: no published translation is held for this verse.
श्वभ्र-श्मशान-शयनं पतनं पांसु-भस्मनोः । मज्जनं जल-पङ्कादौ शीघ्रेण स्रोतसा हृतिः
śvabhra-śmaśāna-śayanaṃ patanaṃ pāṃsu-bhasmanoḥ | majjanaṃ jala-paṅkādau śīghreṇa srotasā hṛtiḥ
Sanskrit only: no published translation is held for this verse.
नृत्य-वादित्र-गीतानि रक्त-स्रग्-वस्त्र-धारणम् । वयो-ऽङ्ग-वृद्धिर् अभ्यङ्गो विवाहः श्मश्रु-कर्म च
nṛtya-vāditra-gītāni rakta-srag-vastra-dhāraṇam | vayo-'ṅga-vṛddhir abhyaṅgo vivāhaḥ śmaśru-karma ca
Sanskrit only: no published translation is held for this verse.
पक्वान्न-स्नेह-मद्याशः प्रच्छर्दन-विरेचने । हिरण्य-लोहयोर् लाभः कलिर् बन्ध-पराजयौ
pakvānna-sneha-madyāśaḥ pracchardana-virecane | hiraṇya-lohayor lābhaḥ kalir bandha-parājayau
Sanskrit only: no published translation is held for this verse.
उपानद्-युग-नाशश् च प्रपातः पाद-चर्मणोः । हर्षो भृशं प्रकुपितैः पितृभिश् चावभर्त्सनम्
upānad-yuga-nāśaś ca prapātaḥ pāda-carmaṇoḥ | harṣo bhṛśaṃ prakupitaiḥ pitṛbhiś cāvabhartsanam
Sanskrit only: no published translation is held for this verse.
प्रदीप-ग्रह-नक्षत्र-दन्त-दैवत-चक्षुषाम् । पतनं वा विनाशो वा भेदनं पर्वतस्य च
pradīpa-graha-nakṣatra-danta-daivata-cakṣuṣām | patanaṃ vā vināśo vā bhedanaṃ parvatasya ca
Sanskrit only: no published translation is held for this verse.
कानने रक्त-कुसुमे पाप-कर्म-निवेशने । चितान्ध-कार-संबाधे जनन्यां च प्रवेशनम्
kānane rakta-kusume pāpa-karma-niveśane | citāndha-kāra-saṃbādhe jananyāṃ ca praveśanam
Sanskrit only: no published translation is held for this verse.
पातः प्रासाद-शैलादेर् मत्स्येन ग्रसनं तथा । काषायिणाम् अ-सौम्यानां नग्नानां दण्ड-धारिणाम्
pātaḥ prāsāda-śailāder matsyena grasanaṃ tathā | kāṣāyiṇām a-saumyānāṃ nagnānāṃ daṇḍa-dhāriṇām
Sanskrit only: no published translation is held for this verse.
रक्ताक्षाणां च कृष्णानां दर्शनं जातु नेष्यते । कृष्णा पापाननाचारा दीर्घ-केश-नख-स्तनी
raktākṣāṇāṃ ca kṛṣṇānāṃ darśanaṃ jātu neṣyate | kṛṣṇā pāpānanācārā dīrgha-keśa-nakha-stanī
Sanskrit only: no published translation is held for this verse.
वि-राग-माल्य-वसना स्वप्ने काल-निशा मता । मनो-वहानां पूर्ण-त्वात् स्रोतसां प्रबलैर् मलैः
vi-rāga-mālya-vasanā svapne kāla-niśā matā | mano-vahānāṃ pūrṇa-tvāt srotasāṃ prabalair malaiḥ
Sanskrit only: no published translation is held for this verse.
दृश्यन्ते दारुणाः स्वप्ना रोगी यैर् याति पञ्च-ताम् । अ-रोगः संशयं प्राप्य कश्-चिद् एव विमुच्यते
dṛśyante dāruṇāḥ svapnā rogī yair yāti pañca-tām | a-rogaḥ saṃśayaṃ prāpya kaś-cid eva vimucyate
Sanskrit only: no published translation is held for this verse.
दृष्टः श्रुतो ऽनुभूतश् च प्रार्थितः कल्पितस् तथा । भाविको दोष-जश् चेति स्वप्नः सप्त-विधो मतः
dṛṣṭaḥ śruto 'nubhūtaś ca prārthitaḥ kalpitas tathā | bhāviko doṣa-jaś ceti svapnaḥ sapta-vidho mataḥ
Sanskrit only: no published translation is held for this verse.
तेष्व् आद्या निष्-फलाः पञ्च यथा-स्व-प्रकृतिर् दिवा । विस्मृतो दीर्घ-ह्रस्वो ऽति पूर्व-रात्रे चिरात् फलम्
teṣv ādyā niṣ-phalāḥ pañca yathā-sva-prakṛtir divā | vismṛto dīrgha-hrasvo 'ti pūrva-rātre cirāt phalam
Sanskrit only: no published translation is held for this verse.
विस्मृतो दीर्घ-ह्रस्वो वा दृष्टः करोति तुच्छं च गो-सर्गे तद्-अहर् महत् । निद्रया वान्-उपहतः प्रतीपैर् वचनैस् तथा
vismṛto dīrgha-hrasvo vā dṛṣṭaḥ karoti tucchaṃ ca go-sarge tad-ahar mahat | nidrayā vān-upahataḥ pratīpair vacanais tathā
Sanskrit only: no published translation is held for this verse.
याति पापो ऽल्प-फल-तां दान-होम-जपादिभिः । अ-कल्याणम् अपि स्वप्नं दृष्ट्वा तत्रैव यः पुनः
yāti pāpo 'lpa-phala-tāṃ dāna-homa-japādibhiḥ | a-kalyāṇam api svapnaṃ dṛṣṭvā tatraiva yaḥ punaḥ
Sanskrit only: no published translation is held for this verse.
पश्येत् सौम्यं शुभं तस्य शुभम् एव फलं भवेत् । देवान् द्वि-जान् गो-वृषभान् जीवतः सुहृदो नृपान्
paśyet saumyaṃ śubhaṃ tasya śubham eva phalaṃ bhavet | devān dvi-jān go-vṛṣabhān jīvataḥ suhṛdo nṛpān
Sanskrit only: no published translation is held for this verse.
साधून् यशस्विनो वह्निम् इद्धं स्वच्छान् जलाशयान् । कन्याः कुमारकान् गौरान् शुक्ल-वस्त्रान् सु-तेजसः
sādhūn yaśasvino vahnim iddhaṃ svacchān jalāśayān | kanyāḥ kumārakān gaurān śukla-vastrān su-tejasaḥ
Sanskrit only: no published translation is held for this verse.
नराशनं दीप्त-तनुं समन्ताद् रुधिरोक्षितम् । यः पश्येल् लभते यो वा छत्त्रादर्श-विषामिषम्
narāśanaṃ dīpta-tanuṃ samantād rudhirokṣitam | yaḥ paśyel labhate yo vā chattrādarśa-viṣāmiṣam
Sanskrit only: no published translation is held for this verse.
शुक्लाः सु-मनसो वस्त्रम् अ-मेध्यालेपनं फलम् । शैल-प्रासाद-स-फल-वृक्ष-सिंह-नर-द्वि-पान्
śuklāḥ su-manaso vastram a-medhyālepanaṃ phalam | śaila-prāsāda-sa-phala-vṛkṣa-siṃha-nara-dvi-pān
Sanskrit only: no published translation is held for this verse.
आरोहेद् गो-ऽश्व-यानं च तरेन् नद-ह्रदोद-धीन् । पूर्वोत्तरेण गमनम् अ-गम्यागमनं मृतम्
ārohed go-'śva-yānaṃ ca taren nada-hradoda-dhīn | pūrvottareṇa gamanam a-gamyāgamanaṃ mṛtam
Sanskrit only: no published translation is held for this verse.
संबाधान् निःसृतिर् देवैः पितृभिश् चाभिनन्दनम् । रोदनं पतितोत्थानं द्विषतां चावमर्दनम्
saṃbādhān niḥsṛtir devaiḥ pitṛbhiś cābhinandanam | rodanaṃ patitotthānaṃ dviṣatāṃ cāvamardanam
Sanskrit only: no published translation is held for this verse.
यस्य स्याद् आयुर् आरोग्यं वित्तं बहु च सो ऽश्नुते । मङ्गलाचार-संपन्नः परिवारस् तथातुरः
yasya syād āyur ārogyaṃ vittaṃ bahu ca so 'śnute | maṅgalācāra-saṃpannaḥ parivāras tathāturaḥ
Sanskrit only: no published translation is held for this verse.
श्रद्-दधानो ऽनुकूलश् च प्रभूत-द्रव्य-संग्रहः । सत्-त्व-लक्षण-संयोगो भक्तिर् वैद्य-द्वि-जातिषु
śrad-dadhāno 'nukūlaś ca prabhūta-dravya-saṃgrahaḥ | sat-tva-lakṣaṇa-saṃyogo bhaktir vaidya-dvi-jātiṣu
Sanskrit only: no published translation is held for this verse.
चिकित्सायाम् अ-निर्वेदस् तद् आरोग्यस्य लक्षणम् । इत्य् अत्र जन्म-मरणं यतः सम्यग् उदाहृतम्
cikitsāyām a-nirvedas tad ārogyasya lakṣaṇam | ity atra janma-maraṇaṃ yataḥ samyag udāhṛtam
Sanskrit only: no published translation is held for this verse.