Vagbhata: Astangahrdayasutra 62

वायोर् अन्-अन्तरं पित्तं पित्तस्यान्-अन्तरं कफम् । जयेत् पूर्वं त्रयाणां वा भवेद् यो बल-वत्-तमः

vāyor an-antaraṃ pittaṃ pittasyān-antaraṃ kapham | jayet pūrvaṃ trayāṇāṃ vā bhaved yo bala-vat-tamaḥ

Sanskrit only: no published translation is held for this verse.

भी-शोकाभ्याम् अपि चलः शीघ्रं कुप्यत्य् अतस् तयोः । कार्या क्रिया वात-हरा हर्षणाश्वासनानि च

bhī-śokābhyām api calaḥ śīghraṃ kupyaty atas tayoḥ | kāryā kriyā vāta-harā harṣaṇāśvāsanāni ca

Sanskrit only: no published translation is held for this verse.

यस्योच्चाराद् विना मूत्रं पवनो वा प्रवर्तते । दीप्ताग्नेर् लघु-कोष्ठस्य शान्तस् तस्योदरामयः

yasyoccārād vinā mūtraṃ pavano vā pravartate | dīptāgner laghu-koṣṭhasya śāntas tasyodarāmayaḥ

Sanskrit only: no published translation is held for this verse.