Vagbhata: Astangahrdayasutra 68

अतो वातादि-शमनी क्रिया सर्व-त्र शस्यते । वह्निर् मन्द-त्वम् आयाति दोषैः कुक्षौ प्रपूरिते

ato vātādi-śamanī kriyā sarva-tra śasyate | vahnir manda-tvam āyāti doṣaiḥ kukṣau prapūrite

Sanskrit only: no published translation is held for this verse.

तस्माद् भोज्यानि भोज्यानि दीपनानि लघूनि च । स-पञ्च-मूलान्य् अल्पाम्ल-पटु-स्नेह-कटूनि च

tasmād bhojyāni bhojyāni dīpanāni laghūni ca | sa-pañca-mūlāny alpāmla-paṭu-sneha-kaṭūni ca

Sanskrit only: no published translation is held for this verse.

भावितानां गवां मूत्रे षष्टिकानां च तण्डुलैः । यवागूं पयसा सिद्धां प्र-कामं भोजयेन् नरम्

bhāvitānāṃ gavāṃ mūtre ṣaṣṭikānāṃ ca taṇḍulaiḥ | yavāgūṃ payasā siddhāṃ pra-kāmaṃ bhojayen naram

Sanskrit only: no published translation is held for this verse.

पिबेद् इक्षु-रसं चानु जठराणां निवृत्तये । स्वं स्वं स्थानं व्रजन्त्य् एषां वात-पित्त-कफास् तथा

pibed ikṣu-rasaṃ cānu jaṭharāṇāṃ nivṛttaye | svaṃ svaṃ sthānaṃ vrajanty eṣāṃ vāta-pitta-kaphās tathā

Sanskrit only: no published translation is held for this verse.

अत्य्-अर्थोष्णाम्ल-लवणं रूक्षं ग्राहि हिमं गुरु । गुडं तैल-कृतं शाकं वारि पानावगाहयोः

aty-arthoṣṇāmla-lavaṇaṃ rūkṣaṃ grāhi himaṃ guru | guḍaṃ taila-kṛtaṃ śākaṃ vāri pānāvagāhayoḥ

Sanskrit only: no published translation is held for this verse.

आयासाध्व-दिवा-स्वप्न-यानानि च परित्यजेत् । नात्य्-अच्छ-सान्द्र-मधुरं तक्रं पाने प्रशस्यते

āyāsādhva-divā-svapna-yānāni ca parityajet | nāty-accha-sāndra-madhuraṃ takraṃ pāne praśasyate

Sanskrit only: no published translation is held for this verse.

स-कणा-लवणं वाते पित्ते सोषण-शर्करम् । यवानी-सैन्धवाजाजी-मधु-व्योषैः कफोदरे

sa-kaṇā-lavaṇaṃ vāte pitte soṣaṇa-śarkaram | yavānī-saindhavājājī-madhu-vyoṣaiḥ kaphodare

Sanskrit only: no published translation is held for this verse.

त्र्य्-ऊषण-क्षार-लवणैः संयुतं निचयोदरे । मधु-तैल-वचा-शुण्ठी-शताह्वा-कुष्ठ-सैन्धवैः

try-ūṣaṇa-kṣāra-lavaṇaiḥ saṃyutaṃ nicayodare | madhu-taila-vacā-śuṇṭhī-śatāhvā-kuṣṭha-saindhavaiḥ

Sanskrit only: no published translation is held for this verse.

प्लीह्नि बद्धे तु हपुषा-यवानी-पट्व्-अजाजिभिः । स-कृष्णा-माक्षिकं छिद्रे व्योष-वत् सलिलोदरे

plīhni baddhe tu hapuṣā-yavānī-paṭv-ajājibhiḥ | sa-kṛṣṇā-mākṣikaṃ chidre vyoṣa-vat salilodare

Sanskrit only: no published translation is held for this verse.

गौरवा-रोचकानाह-मन्द-वह्न्य्-अतिसारिणाम् । तक्रं वात-कफार्तानाम् अमृत-त्वाय कल्पते

gauravā-rocakānāha-manda-vahny-atisāriṇām | takraṃ vāta-kaphārtānām amṛta-tvāya kalpate

Sanskrit only: no published translation is held for this verse.

प्रयोगाणां च सर्वेषाम् अनु क्षीरं प्रयोजयेत् । स्थैर्य-कृत् सर्व-धातूनां बल्यं दोषानुबन्ध-हृत्

prayogāṇāṃ ca sarveṣām anu kṣīraṃ prayojayet | sthairya-kṛt sarva-dhātūnāṃ balyaṃ doṣānubandha-hṛt

Sanskrit only: no published translation is held for this verse.