Vagbhata: Astangahrdayasutra 77

कषाय-मधुरा रूक्षा विपाके कटुका त्रिवृत् । कफ-पित्त-प्रशमनी रौक्ष्याच् चानिल-कोपनी

kaṣāya-madhurā rūkṣā vipāke kaṭukā trivṛt | kapha-pitta-praśamanī raukṣyāc cānila-kopanī

Sanskrit only: no published translation is held for this verse.

अनिल-कोपनी सेदानीम् औषधैर् युक्ता वात-पित्त-कफापहैः । कल्प-वैशेष्यम् आसाद्य जायते सर्व-रोग-जित्

anila-kopanī sedānīm auṣadhair yuktā vāta-pitta-kaphāpahaiḥ | kalpa-vaiśeṣyam āsādya jāyate sarva-roga-jit

Sanskrit only: no published translation is held for this verse.

द्वि-धा ख्यातं च तन्-मूलं श्यामं श्यामारुणं त्रिवृत् । त्रिवृद्-आख्यं वर-तरं निर्-अपायं सुखं तयोः

dvi-dhā khyātaṃ ca tan-mūlaṃ śyāmaṃ śyāmāruṇaṃ trivṛt | trivṛd-ākhyaṃ vara-taraṃ nir-apāyaṃ sukhaṃ tayoḥ

Sanskrit only: no published translation is held for this verse.

सु-कुमारे शिशौ वृद्धे मृदु-कोष्ठे च तद् धितम् । मूर्छा-संमोह-हृत्-कण्ठ-कषण-क्षणन-प्रदम्

su-kumāre śiśau vṛddhe mṛdu-koṣṭhe ca tad dhitam | mūrchā-saṃmoha-hṛt-kaṇṭha-kaṣaṇa-kṣaṇana-pradam

Sanskrit only: no published translation is held for this verse.

श्यामं तीक्ष्णाशु-कारि-त्वाद् अतस् तद् अपि शस्यते । क्रूरे कोष्ठे बहौ दोषे क्लेश-क्षमिणि चातुरे

śyāmaṃ tīkṣṇāśu-kāri-tvād atas tad api śasyate | krūre koṣṭhe bahau doṣe kleśa-kṣamiṇi cāture

Sanskrit only: no published translation is held for this verse.

गम्भीरानुगतं श्लक्ष्णम् अ-तिर्यग्-विसृतं च यत् । गृहीत्वा विसृजेत् काष्ठं त्वचं शुष्कां निधापयेत्

gambhīrānugataṃ ślakṣṇam a-tiryag-visṛtaṃ ca yat | gṛhītvā visṛjet kāṣṭhaṃ tvacaṃ śuṣkāṃ nidhāpayet

Sanskrit only: no published translation is held for this verse.

अथ काले ततश् चूर्णं किञ्-चिन् नागर-सैन्धवम् । वातामये पिबेद् अम्लैः पैत्ते साज्य-सिता-मधु

atha kāle tataś cūrṇaṃ kiñ-cin nāgara-saindhavam | vātāmaye pibed amlaiḥ paitte sājya-sitā-madhu

Sanskrit only: no published translation is held for this verse.

साज्य-सिता-मधु क्षीर-द्राक्षेक्षु-काश्मर्य-स्वादु-स्कन्ध-वरा-रसैः । कफामये पीलु-रस-मूत्र-मद्याम्ल-काञ्जिकैः

sājya-sitā-madhu kṣīra-drākṣekṣu-kāśmarya-svādu-skandha-varā-rasaiḥ | kaphāmaye pīlu-rasa-mūtra-madyāmla-kāñjikaiḥ

Sanskrit only: no published translation is held for this verse.

पञ्च-कोलादि-चूर्णैश् च युक्त्या युक्तं कफापहैः । त्रिवृत्-कल्क-कषायाभ्यां साधितः स-सितो हिमः

pañca-kolādi-cūrṇaiś ca yuktyā yuktaṃ kaphāpahaiḥ | trivṛt-kalka-kaṣāyābhyāṃ sādhitaḥ sa-sito himaḥ

Sanskrit only: no published translation is held for this verse.

मधु-त्रि-जात-संयुक्तो लेहो हृद्यं विरेचनम् । अजगन्धा तवक्षीरी विदारी शर्करा त्रिवृत्

madhu-tri-jāta-saṃyukto leho hṛdyaṃ virecanam | ajagandhā tavakṣīrī vidārī śarkarā trivṛt

Sanskrit only: no published translation is held for this verse.

चूर्णितं मधु-सर्पिर्भ्यां लीढ्वा साधु विरिच्यते । संनिपात-ज्वर-स्तम्भ-पिपासा-दाह-पीडितः

cūrṇitaṃ madhu-sarpirbhyāṃ līḍhvā sādhu viricyate | saṃnipāta-jvara-stambha-pipāsā-dāha-pīḍitaḥ

Sanskrit only: no published translation is held for this verse.

लिम्पेद् अन्तस् त्रिवृतया द्वि-धा कृत्वेक्षु-गण्डिकाम् । एकी-कृत्य च तत् स्विन्नं पुट-पाकेन भक्षयेत्

limped antas trivṛtayā dvi-dhā kṛtvekṣu-gaṇḍikām | ekī-kṛtya ca tat svinnaṃ puṭa-pākena bhakṣayet

Sanskrit only: no published translation is held for this verse.

एकी-कृत्य तु तत् स्विन्नं भृङ्गैलाभ्यां समा नीली तैस् त्रिवृतैश् च शर्करा । चूर्णं फल-रस-क्षौद्र-सक्तुभिस् तर्पणं पिबेत्

ekī-kṛtya tu tat svinnaṃ bhṛṅgailābhyāṃ samā nīlī tais trivṛtaiś ca śarkarā | cūrṇaṃ phala-rasa-kṣaudra-saktubhis tarpaṇaṃ pibet

Sanskrit only: no published translation is held for this verse.

वात-पित्त-कफोत्थेषु रोगेष्व् अल्पानलेषु च । नरेषु सु-कुमारेषु निर्-अपायं विरेचनम्

vāta-pitta-kaphottheṣu rogeṣv alpānaleṣu ca | nareṣu su-kumāreṣu nir-apāyaṃ virecanam

Sanskrit only: no published translation is held for this verse.

विडङ्ग-तण्डुल-वरा-याव-शूक-कणास् त्रिवृत् । सर्वतो ऽर्धेन तल् लीढं मध्व्-आज्येन गुडेन वा

viḍaṅga-taṇḍula-varā-yāva-śūka-kaṇās trivṛt | sarvato 'rdhena tal līḍhaṃ madhv-ājyena guḍena vā

Sanskrit only: no published translation is held for this verse.

गुल्मं प्लीहोदरं कासं हलीमकम् अ-रोचकम् । कफ-वात-कृतांश् चान्यान् परिमार्ष्टि गदान् बहून्

gulmaṃ plīhodaraṃ kāsaṃ halīmakam a-rocakam | kapha-vāta-kṛtāṃś cānyān parimārṣṭi gadān bahūn

Sanskrit only: no published translation is held for this verse.

विडङ्ग-पिप्पली-मूल-त्रि-फला-धान्य-चित्रकान् । मरीचेन्द्रयवाजाजी-पिप्पली-हस्ति-पिप्पलीः

viḍaṅga-pippalī-mūla-tri-phalā-dhānya-citrakān | marīcendrayavājājī-pippalī-hasti-pippalīḥ

Sanskrit only: no published translation is held for this verse.

दीप्यकं पञ्च-लवणं चूर्णितं कार्षिकं पृथक् । तिल-तैल-त्रिवृच्-चूर्ण-भागौ चाष्ट-पलोन्मितौ

dīpyakaṃ pañca-lavaṇaṃ cūrṇitaṃ kārṣikaṃ pṛthak | tila-taila-trivṛc-cūrṇa-bhāgau cāṣṭa-palonmitau

Sanskrit only: no published translation is held for this verse.

धात्री-फल-रस-प्रस्थांस् त्रीन् गुडार्ध-तुलान्वितान् । पक्त्वा मृद्व्-अग्निना खादेत् ततो मात्राम् अ-यन्त्रणः

dhātrī-phala-rasa-prasthāṃs trīn guḍārdha-tulānvitān | paktvā mṛdv-agninā khādet tato mātrām a-yantraṇaḥ

Sanskrit only: no published translation is held for this verse.

मन्दाग्नि-त्वं ज्वरं मूर्छां मूत्र-कृच्छ्रम् अ-रोचकम् ॥ १९+१अब् ॥ कुष्ठार्शः-कामला-गुल्म-मेहोदर-भगन्दरान् । ग्रहणी-पाण्डु-रोगांश् च हन्ति पुं-सवनश् च सः

mandāgni-tvaṃ jvaraṃ mūrchāṃ mūtra-kṛcchram a-rocakam || 19+1ab || kuṣṭhārśaḥ-kāmalā-gulma-mehodara-bhagandarān | grahaṇī-pāṇḍu-rogāṃś ca hanti puṃ-savanaś ca saḥ

Sanskrit only: no published translation is held for this verse.

गुडः कल्याणको नाम सर्वेष्व् ऋतुषु यौगिकः । व्योष-त्रि-जातकाम्भोद-कृमिघ्नामलकैस् त्रिवृत्

guḍaḥ kalyāṇako nāma sarveṣv ṛtuṣu yaugikaḥ | vyoṣa-tri-jātakāmbhoda-kṛmighnāmalakais trivṛt

Sanskrit only: no published translation is held for this verse.

सर्वैः समा सम-सिता क्षौद्रेण गुटिकाः कृताः । मूत्र-कृच्छ्र-ज्वर-च्छर्दि-कास-शोष-भ्रम-क्षये

sarvaiḥ samā sama-sitā kṣaudreṇa guṭikāḥ kṛtāḥ | mūtra-kṛcchra-jvara-cchardi-kāsa-śoṣa-bhrama-kṣaye

Sanskrit only: no published translation is held for this verse.

भक्षयेत् प्रातर् उत्थाय शीतं चानु पिबेज् जलम् ॥ २२।१+१अब् ॥ तापे पाण्ड्व्-आमये ऽल्पे ऽग्नौ शस्ताः सर्व-विषेषु च । अ-विपत्तिर् अयं योगः प्रशस्तः पित्त-रोगिणाम्

bhakṣayet prātar utthāya śītaṃ cānu pibej jalam || 22.1+1ab || tāpe pāṇḍv-āmaye 'lpe 'gnau śastāḥ sarva-viṣeṣu ca | a-vipattir ayaṃ yogaḥ praśastaḥ pitta-rogiṇām

Sanskrit only: no published translation is held for this verse.

त्रिवृता कौटजं बीजं पिप्पली विश्व-भेषजम् । क्षौद्र-द्राक्षा-रसोपेतं वर्षा-काले विरेचनम्

trivṛtā kauṭajaṃ bījaṃ pippalī viśva-bheṣajam | kṣaudra-drākṣā-rasopetaṃ varṣā-kāle virecanam

Sanskrit only: no published translation is held for this verse.

त्रिवृद्-दुरालभा-मुस्त-शर्करोदीच्य-चन्दनम् । द्राक्षाम्बुना स-यष्ट्य्-आह्व-सातलं जल-दात्यये

trivṛd-durālabhā-musta-śarkarodīcya-candanam | drākṣāmbunā sa-yaṣṭy-āhva-sātalaṃ jala-dātyaye

Sanskrit only: no published translation is held for this verse.

शीतलं जल-दात्यये त्रिवृतां चित्रकं पाठाम् अजाजीं सरलं वचाम् । स्वर्णक्षीरीं च हेमन्ते चूर्णम् उष्णाम्बुना पिबेत्

śītalaṃ jala-dātyaye trivṛtāṃ citrakaṃ pāṭhām ajājīṃ saralaṃ vacām | svarṇakṣīrīṃ ca hemante cūrṇam uṣṇāmbunā pibet

Sanskrit only: no published translation is held for this verse.

त्रिवृता शर्करा-तुल्या ग्रीष्म-काले विरेचनम् । त्रिवृत्-त्रायन्ति-हपुषा-सातला-कटु-रोहिणीः

trivṛtā śarkarā-tulyā grīṣma-kāle virecanam | trivṛt-trāyanti-hapuṣā-sātalā-kaṭu-rohiṇīḥ

Sanskrit only: no published translation is held for this verse.

स्वर्णक्षीरीं च संचूर्ण्य गो-मूत्रे भावयेत् त्र्य्-अहम् । एष सर्वर्तुको योगः स्निग्धानां मल-दोष-हृत्

svarṇakṣīrīṃ ca saṃcūrṇya go-mūtre bhāvayet try-aham | eṣa sarvartuko yogaḥ snigdhānāṃ mala-doṣa-hṛt

Sanskrit only: no published translation is held for this verse.

श्यामा-त्रिवृद्-दुरालभा-हस्ति-पिप्पली-वत्सकम् । नीलिनी-कटुका-मुस्ता-श्रेष्ठा-युक्तं सु-चूर्णितम्

śyāmā-trivṛd-durālabhā-hasti-pippalī-vatsakam | nīlinī-kaṭukā-mustā-śreṣṭhā-yuktaṃ su-cūrṇitam

Sanskrit only: no published translation is held for this verse.

रसाज्योष्णाम्बुभिः शस्तं रूक्षाणाम् अपि सर्व-दा । ज्वर-हृद्-रोग-वातासृग्-उदावर्तादि-रोगिषु

rasājyoṣṇāmbubhiḥ śastaṃ rūkṣāṇām api sarva-dā | jvara-hṛd-roga-vātāsṛg-udāvartādi-rogiṣu

Sanskrit only: no published translation is held for this verse.

राजवृक्षो ऽधिकं पथ्यो मृदुर् मधुर-शीतलः । बाले वृद्धे क्षते क्षीणे सु-कुमारे च मानवे

rājavṛkṣo 'dhikaṃ pathyo mṛdur madhura-śītalaḥ | bāle vṛddhe kṣate kṣīṇe su-kumāre ca mānave

Sanskrit only: no published translation is held for this verse.

योज्यो मृद्व्-अन्-अपायि-त्वाद् विशेषाच् चतुरङ्गुलः । फल-काले परिणतं फलं तस्य समाहरेत्

yojyo mṛdv-an-apāyi-tvād viśeṣāc caturaṅgulaḥ | phala-kāle pariṇataṃ phalaṃ tasya samāharet

Sanskrit only: no published translation is held for this verse.

तेषां गुण-वतां भारं सिकतासु विनिक्षिपेत् । सप्त-रात्रात् समुद्धृत्य शोषयेद् आतपे ततः

teṣāṃ guṇa-vatāṃ bhāraṃ sikatāsu vinikṣipet | sapta-rātrāt samuddhṛtya śoṣayed ātape tataḥ

Sanskrit only: no published translation is held for this verse.

ततो मज्जानम् उद्धृत्य शुचौ पात्रे निधापयेत् । द्राक्षा-रसेन तं दद्याद् दाहोदावर्त-पीडिते

tato majjānam uddhṛtya śucau pātre nidhāpayet | drākṣā-rasena taṃ dadyād dāhodāvarta-pīḍite

Sanskrit only: no published translation is held for this verse.

चतुर्-वर्षे सुखं बाले यावद् द्वा-दश-वार्षिके । चतुरङ्गुल-मज्ज्ञो वा कषायं पाययेद् धिमम्

catur-varṣe sukhaṃ bāle yāvad dvā-daśa-vārṣike | caturaṅgula-majjño vā kaṣāyaṃ pāyayed dhimam

Sanskrit only: no published translation is held for this verse.

दधि-मण्ड-सुरा-मण्ड-धात्री-फल-रसैः पृथक् । सौवीरकेण वा युक्तं कल्केन त्रैवृतेन वा

dadhi-maṇḍa-surā-maṇḍa-dhātrī-phala-rasaiḥ pṛthak | sauvīrakeṇa vā yuktaṃ kalkena traivṛtena vā

Sanskrit only: no published translation is held for this verse.

दन्ती-कषाये तन्-मज्ज्ञो गुडं जीर्णं च निक्षिपेत् । तम् अरिष्टं स्थितं मासं पाययेत् पक्षम् एव वा

dantī-kaṣāye tan-majjño guḍaṃ jīrṇaṃ ca nikṣipet | tam ariṣṭaṃ sthitaṃ māsaṃ pāyayet pakṣam eva vā

Sanskrit only: no published translation is held for this verse.

त्वचं तिल्वक-मूलस्य त्यक्त्वाभ्यन्तर-वल्कलम् । विशोष्य चूर्णयित्वा च द्वौ भागौ गालयेत् ततः

tvacaṃ tilvaka-mūlasya tyaktvābhyantara-valkalam | viśoṣya cūrṇayitvā ca dvau bhāgau gālayet tataḥ

Sanskrit only: no published translation is held for this verse.

लोध्रस्यैव कषायेण तृतीयं तेन भावयेत् । कषाये दश-मूलस्य तं भागं भावितं पुनः

lodhrasyaiva kaṣāyeṇa tṛtīyaṃ tena bhāvayet | kaṣāye daśa-mūlasya taṃ bhāgaṃ bhāvitaṃ punaḥ

Sanskrit only: no published translation is held for this verse.

शुष्कं चूर्णं पुनः कृत्वा ततः पाणि-तलं पिबेत् । मस्तु-मूत्र-सुरा-मण्ड-कोल-धात्री-फलाम्बुभिः

śuṣkaṃ cūrṇaṃ punaḥ kṛtvā tataḥ pāṇi-talaṃ pibet | mastu-mūtra-surā-maṇḍa-kola-dhātrī-phalāmbubhiḥ

Sanskrit only: no published translation is held for this verse.

शुष्कं चूर्णं ततः कृत्वा तिल्वकस्य कषायेण कल्केन च स-शर्करः । स-घृतः साधितो लेहः स च श्रेष्ठं विरेचनम्

śuṣkaṃ cūrṇaṃ tataḥ kṛtvā tilvakasya kaṣāyeṇa kalkena ca sa-śarkaraḥ | sa-ghṛtaḥ sādhito lehaḥ sa ca śreṣṭhaṃ virecanam

Sanskrit only: no published translation is held for this verse.

सुधा भिनत्ति दोषाणां महान्तम् अपि संचयम् । आश्व् एव कष्ट-विभ्रंशान् नैव तां कल्पयेद् अतः

sudhā bhinatti doṣāṇāṃ mahāntam api saṃcayam | āśv eva kaṣṭa-vibhraṃśān naiva tāṃ kalpayed ataḥ

Sanskrit only: no published translation is held for this verse.

नैव तां कल्पयेत् ततः मृदौ कोष्ठे ऽ-बले बाले स्थविरे दीर्घ-रोगिणि । कल्प्या गुल्मोदर-गर-त्वग्-रोग-मधु-मेहिषु

naiva tāṃ kalpayet tataḥ mṛdau koṣṭhe '-bale bāle sthavire dīrgha-rogiṇi | kalpyā gulmodara-gara-tvag-roga-madhu-mehiṣu

Sanskrit only: no published translation is held for this verse.

पाण्डौ दूषी-विषे शोफे दोष-विभ्रान्त-चेतसि । सा श्रेष्ठा कण्टकैस् तीक्ष्णैर् बहुभिश् च समाचिता

pāṇḍau dūṣī-viṣe śophe doṣa-vibhrānta-cetasi | sā śreṣṭhā kaṇṭakais tīkṣṇair bahubhiś ca samācitā

Sanskrit only: no published translation is held for this verse.

द्वि-वर्षां वा त्रि-वर्षां वा शिशिरान्ते विशेषतः । तां पाटयित्वा शस्त्रेण क्षीरम् उद्धारयेत् ततः

dvi-varṣāṃ vā tri-varṣāṃ vā śiśirānte viśeṣataḥ | tāṃ pāṭayitvā śastreṇa kṣīram uddhārayet tataḥ

Sanskrit only: no published translation is held for this verse.

बिल्वादीनां बृहत्योर् वा क्वाथेन समम् एक-शः । मिश्रयित्वा सुधा-क्षीरं ततो ऽङ्गारेषु शोषयेत्

bilvādīnāṃ bṛhatyor vā kvāthena samam eka-śaḥ | miśrayitvā sudhā-kṣīraṃ tato 'ṅgāreṣu śoṣayet

Sanskrit only: no published translation is held for this verse.

पिबेत् कृत्वा तु गुटिकां मस्तु-मूत्र-सुरादिभिः । त्रिवृतादीन् नव वरां स्वर्णक्षीरीं स-सातलाम्

pibet kṛtvā tu guṭikāṃ mastu-mūtra-surādibhiḥ | trivṛtādīn nava varāṃ svarṇakṣīrīṃ sa-sātalām

Sanskrit only: no published translation is held for this verse.

सप्ताहं स्नुक्-पयः-पीतान् रसेनाज्येन वा पिबेत् । तद्-वद् व्योषोत्तमा-कुम्भ-निकुम्भाग्नीन् गुडाम्बुना

saptāhaṃ snuk-payaḥ-pītān rasenājyena vā pibet | tad-vad vyoṣottamā-kumbha-nikumbhāgnīn guḍāmbunā

Sanskrit only: no published translation is held for this verse.

नाति-शुष्कं फलं ग्राह्यं शङ्खिन्या निस्-तुषी-कृतम् । सप्तलायास् तथा मूलं ते तु तीक्ष्ण-विकाषिणी

nāti-śuṣkaṃ phalaṃ grāhyaṃ śaṅkhinyā nis-tuṣī-kṛtam | saptalāyās tathā mūlaṃ te tu tīkṣṇa-vikāṣiṇī

Sanskrit only: no published translation is held for this verse.

श्लेष्मामयोदर-गर-श्वयथ्व्-आदिषु कल्पयेत् । अक्ष-मात्रं तयोः पिण्डं मदिरा-लवणान्वितम्

śleṣmāmayodara-gara-śvayathv-ādiṣu kalpayet | akṣa-mātraṃ tayoḥ piṇḍaṃ madirā-lavaṇānvitam

Sanskrit only: no published translation is held for this verse.

हृद्-रोगे वात-कफ-जे तद्-वद् गुल्मे ऽपि योजयेत् । दन्ति-दन्त-स्थिरं स्थूलं मूलं दन्ती-द्रवन्ति-जम्

hṛd-roge vāta-kapha-je tad-vad gulme 'pi yojayet | danti-danta-sthiraṃ sthūlaṃ mūlaṃ dantī-dravanti-jam

Sanskrit only: no published translation is held for this verse.

आ-ताम्र-श्याव-तीक्ष्णोष्णम् आशु-कारि विकाशि च । गुरु प्रकोपि वातस्य पित्त-श्लेष्म-विलायनम्

ā-tāmra-śyāva-tīkṣṇoṣṇam āśu-kāri vikāśi ca | guru prakopi vātasya pitta-śleṣma-vilāyanam

Sanskrit only: no published translation is held for this verse.

तत् क्षौद्र-पिप्पली-लिप्तं स्वेद्यं मृद्-दर्भ-वेष्टितम् । शोष्यं मन्दातपे ऽग्न्य्-अर्कौ हतो ह्य् अस्य विकाशि-ताम्

tat kṣaudra-pippalī-liptaṃ svedyaṃ mṛd-darbha-veṣṭitam | śoṣyaṃ mandātape 'gny-arkau hato hy asya vikāśi-tām

Sanskrit only: no published translation is held for this verse.

हतो ह्य् अस्य विकाषि-ताम् तत् पिबेन् मस्तु-मदिरा-तक्र-पीलु-रसासवैः । अभिष्यण्ण-तनुर् गुल्मी प्रमेही जठरी गरी

hato hy asya vikāṣi-tām tat piben mastu-madirā-takra-pīlu-rasāsavaiḥ | abhiṣyaṇṇa-tanur gulmī pramehī jaṭharī garī

Sanskrit only: no published translation is held for this verse.

गो-मृगाज-रसैः पाण्डुः कृमि-कोष्ठी भगन्दरी । सिद्धं तत् क्वाथ-कल्काभ्यां दश-मूल-रसेन च

go-mṛgāja-rasaiḥ pāṇḍuḥ kṛmi-koṣṭhī bhagandarī | siddhaṃ tat kvātha-kalkābhyāṃ daśa-mūla-rasena ca

Sanskrit only: no published translation is held for this verse.

विसर्प-विद्रध्य्-अलजी-कक्षा-दाहान् जयेद् घृतम् । तैलं तु गुल्म-मेहार्शो-विबन्ध-कफ-मारुतान्

visarpa-vidradhy-alajī-kakṣā-dāhān jayed ghṛtam | tailaṃ tu gulma-mehārśo-vibandha-kapha-mārutān

Sanskrit only: no published translation is held for this verse.

महा-स्नेहः शकृच्-छुक्र-वात-सङ्गानिल-व्यथाः । विरेचने मुख्य-तमा नवैते त्रिवृतादयः

mahā-snehaḥ śakṛc-chukra-vāta-saṅgānila-vyathāḥ | virecane mukhya-tamā navaite trivṛtādayaḥ

Sanskrit only: no published translation is held for this verse.

हरीतकीम् अपि त्रिवृद्-विधानेनोपकल्पयेत् । गुडस्याष्ट-पले पथ्या विंशतिः स्यात् पलं पलम्

harītakīm api trivṛd-vidhānenopakalpayet | guḍasyāṣṭa-pale pathyā viṃśatiḥ syāt palaṃ palam

Sanskrit only: no published translation is held for this verse.

दन्ती-चित्रकयोः कर्षौ पिप्पली-त्रिवृतोर् दश । प्रकल्प्य मोदकान् एकं दशमे दशमे ऽहनि

dantī-citrakayoḥ karṣau pippalī-trivṛtor daśa | prakalpya modakān ekaṃ daśame daśame 'hani

Sanskrit only: no published translation is held for this verse.

उष्णाम्भो ऽनुपिबेत् खादेत् तान् सर्वान् विधिनामुना । एते निष्-परिहाराः स्युः सर्व-व्याधि-निबर्हणाः

uṣṇāmbho 'nupibet khādet tān sarvān vidhināmunā | ete niṣ-parihārāḥ syuḥ sarva-vyādhi-nibarhaṇāḥ

Sanskrit only: no published translation is held for this verse.

विशेषाद् ग्रहणी-पाण्डु-कण्डू-कोठार्शसां हिताः । अल्पस्यापि महार्थ-त्वं प्रभूतस्याल्प-कर्म-ताम्

viśeṣād grahaṇī-pāṇḍu-kaṇḍū-koṭhārśasāṃ hitāḥ | alpasyāpi mahārtha-tvaṃ prabhūtasyālpa-karma-tām

Sanskrit only: no published translation is held for this verse.

त्वक्-केसराम्रातक-दाडिमैला-सितोपला-माक्षिक-मातुलुङ्गैः । मद्येन तैस् तैश् च मनो-ऽनुकूलैर् युक्तानि देयानि विरेचनानि

tvak-kesarāmrātaka-dāḍimailā-sitopalā-mākṣika-mātuluṅgaiḥ | madyena tais taiś ca mano-'nukūlair yuktāni deyāni virecanāni

Sanskrit only: no published translation is held for this verse.