Vagbhata: Astangahrdayasutra 84

पुरा गुहस्य रक्षार्थं निर्मिताः शूल-पाणिना । मनुष्य-विग्रहाः पञ्च सप्त स्त्री-विग्रहा ग्रहाः

purā guhasya rakṣārthaṃ nirmitāḥ śūla-pāṇinā | manuṣya-vigrahāḥ pañca sapta strī-vigrahā grahāḥ

Sanskrit only: no published translation is held for this verse.

स्कन्दो विशाखो मेषाख्यः श्व-ग्रहः पितृ-संज्ञितः । शकुनिः पूतना शीत-पूतना-दृष्टि-पूतना

skando viśākho meṣākhyaḥ śva-grahaḥ pitṛ-saṃjñitaḥ | śakuniḥ pūtanā śīta-pūtanā-dṛṣṭi-pūtanā

Sanskrit only: no published translation is held for this verse.

मुख-मण्डितिका तद्-वद् रेवती शुष्क-रेवती । तेषां ग्रहीष्यतां रूपं प्रततं रोदनं ज्वरः

mukha-maṇḍitikā tad-vad revatī śuṣka-revatī | teṣāṃ grahīṣyatāṃ rūpaṃ pratataṃ rodanaṃ jvaraḥ

Sanskrit only: no published translation is held for this verse.

सामान्यं रूपम् उत्त्रास-जृम्भा-भ्रू-क्षेप-दीन-ताः । फेन-स्रावोर्ध्व-दृष्ट्य्-ओष्ठ-दन्त-दंश-प्रजागराः

sāmānyaṃ rūpam uttrāsa-jṛmbhā-bhrū-kṣepa-dīna-tāḥ | phena-srāvordhva-dṛṣṭy-oṣṭha-danta-daṃśa-prajāgarāḥ

Sanskrit only: no published translation is held for this verse.

रोदनं कूजनं स्तन्य-विद्वेषः स्वर-वैकृतम् । नखैर् अ-कस्मात् परितः स्व-धात्र्य्-अङ्ग-विलेखनम्

rodanaṃ kūjanaṃ stanya-vidveṣaḥ svara-vaikṛtam | nakhair a-kasmāt paritaḥ sva-dhātry-aṅga-vilekhanam

Sanskrit only: no published translation is held for this verse.

तत्रैक-नयन-स्रावी शिरो विक्षिपते मुहुः । हतैक-पक्षः स्तब्धाङ्गः स-स्वेदो नत-कन्धरः

tatraika-nayana-srāvī śiro vikṣipate muhuḥ | hataika-pakṣaḥ stabdhāṅgaḥ sa-svedo nata-kandharaḥ

Sanskrit only: no published translation is held for this verse.

दन्त-खादी स्तन-द्वेषी त्रस्यन् रोदिति वि-स्वरम् । वक्र-वक्त्रो वमन् लालां भृशम् ऊर्ध्वं निरीक्षते

danta-khādī stana-dveṣī trasyan roditi vi-svaram | vakra-vaktro vaman lālāṃ bhṛśam ūrdhvaṃ nirīkṣate

Sanskrit only: no published translation is held for this verse.

वसासृग्-गन्धिर् उद्विग्नो बद्ध-मुष्टि-शकृच् छिशुः । चलितैकाक्षि-गण्ड-भ्रूः संरक्तोभय-लोचनः

vasāsṛg-gandhir udvigno baddha-muṣṭi-śakṛc chiśuḥ | calitaikākṣi-gaṇḍa-bhrūḥ saṃraktobhaya-locanaḥ

Sanskrit only: no published translation is held for this verse.

स्कन्दार्तस् तेन वैकल्यं मरणं वा भवेद् ध्रुवम् । संज्ञा-नाशो मुहुः केश-लुञ्चनं कन्धरा-नतिः

skandārtas tena vaikalyaṃ maraṇaṃ vā bhaved dhruvam | saṃjñā-nāśo muhuḥ keśa-luñcanaṃ kandharā-natiḥ

Sanskrit only: no published translation is held for this verse.

विनम्य जृम्भमाणस्य शकृन्-मूत्र-प्रवर्तनम् । फेनोद्वमनम् ऊर्ध्वेक्षा हस्त-भ्रू-पाद-नर्तनम्

vinamya jṛmbhamāṇasya śakṛn-mūtra-pravartanam | phenodvamanam ūrdhvekṣā hasta-bhrū-pāda-nartanam

Sanskrit only: no published translation is held for this verse.

स्तन-स्व-जिह्वा-संदंश-संरम्भ-ज्वर-जागराः । पूय-शोणित-गन्धश् च स्कन्दापस्मार-लक्षणम्

stana-sva-jihvā-saṃdaṃśa-saṃrambha-jvara-jāgarāḥ | pūya-śoṇita-gandhaś ca skandāpasmāra-lakṣaṇam

Sanskrit only: no published translation is held for this verse.

आध्मानं पाणि-पादस्य स्पन्दनं फेन-निर्वमः । तृण्-मुष्टि-बन्धातीसार-स्वर-दैन्य-वि-वर्ण-ताः

ādhmānaṃ pāṇi-pādasya spandanaṃ phena-nirvamaḥ | tṛṇ-muṣṭi-bandhātīsāra-svara-dainya-vi-varṇa-tāḥ

Sanskrit only: no published translation is held for this verse.

कूजनं स्तननं छर्दिः कास-हिध्मा-प्रजागराः । ओष्ठ-दंशाङ्ग-संकोच-स्तम्भ-बस्ताभ-गन्ध-ताः

kūjanaṃ stananaṃ chardiḥ kāsa-hidhmā-prajāgarāḥ | oṣṭha-daṃśāṅga-saṃkoca-stambha-bastābha-gandha-tāḥ

Sanskrit only: no published translation is held for this verse.

कूजनं स्वननं छर्दिः ऊर्ध्वं निरीक्ष्य हसनं मध्ये विनमनं ज्वरः । मूर्छैक-नेत्र-शोफश् च नैगमेष-ग्रहाकृतिः

kūjanaṃ svananaṃ chardiḥ ūrdhvaṃ nirīkṣya hasanaṃ madhye vinamanaṃ jvaraḥ | mūrchaika-netra-śophaś ca naigameṣa-grahākṛtiḥ

Sanskrit only: no published translation is held for this verse.

कम्पो हृषित-रोम-त्वं स्वेदश् चक्षुर्-निमीलनम् । बहिर्-आयामनं जिह्वा-दंशो ऽन्तः-कण्ठ-कूजनम्

kampo hṛṣita-roma-tvaṃ svedaś cakṣur-nimīlanam | bahir-āyāmanaṃ jihvā-daṃśo 'ntaḥ-kaṇṭha-kūjanam

Sanskrit only: no published translation is held for this verse.

धावनं विट्-स-गन्ध-त्वं क्रोशनं च श्व-वच् छुनि । रोम-हर्षो मुहुस् त्रासः सहसा रोदनं ज्वरः

dhāvanaṃ viṭ-sa-gandha-tvaṃ krośanaṃ ca śva-vac chuni | roma-harṣo muhus trāsaḥ sahasā rodanaṃ jvaraḥ

Sanskrit only: no published translation is held for this verse.

कासातीसार-वमथु-जृम्भा-तृट्-शव-गन्ध-ताः । अङ्गेष्व् आक्षेप-विक्षेप-शोष-स्तम्भ-वि-वर्ण-ताः

kāsātīsāra-vamathu-jṛmbhā-tṛṭ-śava-gandha-tāḥ | aṅgeṣv ākṣepa-vikṣepa-śoṣa-stambha-vi-varṇa-tāḥ

Sanskrit only: no published translation is held for this verse.

मुष्टि-बन्धः स्रुतिश् चाक्ष्णोर् बालस्य स्युः पितृ-ग्रहे । स्रस्ताङ्ग-त्वम् अतीसारो जिह्वा-तालु-गले व्रणाः

muṣṭi-bandhaḥ srutiś cākṣṇor bālasya syuḥ pitṛ-grahe | srastāṅga-tvam atīsāro jihvā-tālu-gale vraṇāḥ

Sanskrit only: no published translation is held for this verse.

स्फोटाः स-दाह-रुक्-पाकाः संधिषु स्युः पुनः पुनः । निश्य् अह्नि प्रविलीयन्ते पाको वक्त्रे गुदे ऽपि वा

sphoṭāḥ sa-dāha-ruk-pākāḥ saṃdhiṣu syuḥ punaḥ punaḥ | niśy ahni pravilīyante pāko vaktre gude 'pi vā

Sanskrit only: no published translation is held for this verse.

भयं शकुनि-गन्ध-त्वं ज्वरश् च शकुनि-ग्रहे । पूतनायां वमिः कम्पस् तन्द्रा रात्रौ प्रजागरः

bhayaṃ śakuni-gandha-tvaṃ jvaraś ca śakuni-grahe | pūtanāyāṃ vamiḥ kampas tandrā rātrau prajāgaraḥ

Sanskrit only: no published translation is held for this verse.

हिध्माध्मानं शकृद्-भेदः पिपासा मूत्र-निग्रहः । स्रस्त-हृष्टाङ्ग-रोम-त्वं काक-वत् पूति-गन्धि-ता

hidhmādhmānaṃ śakṛd-bhedaḥ pipāsā mūtra-nigrahaḥ | srasta-hṛṣṭāṅga-roma-tvaṃ kāka-vat pūti-gandhi-tā

Sanskrit only: no published translation is held for this verse.

शीत-पूतनया कम्पो रोदनं तिर्यग्-ईक्षणम् । तृष्णान्त्र-कूजो ऽतीसारो वसा-वद् विस्र-गन्ध-ता

śīta-pūtanayā kampo rodanaṃ tiryag-īkṣaṇam | tṛṣṇāntra-kūjo 'tīsāro vasā-vad visra-gandha-tā

Sanskrit only: no published translation is held for this verse.

पार्श्वस्यैकस्य शीत-त्वम् उष्ण-त्वम् अपरस्य च । अन्ध-पूतनया छर्दिर् ज्वरः कासो ऽल्प-निद्र-ता

pārśvasyaikasya śīta-tvam uṣṇa-tvam aparasya ca | andha-pūtanayā chardir jvaraḥ kāso 'lpa-nidra-tā

Sanskrit only: no published translation is held for this verse.

वर्चसो भेद-वैवर्ण्य-दौर्गन्ध्यान्य् अङ्ग-शोषणम् । दृष्टेः सादाति-रुक्-कण्डू-पोथकी-जन्म-शून-ताः

varcaso bheda-vaivarṇya-daurgandhyāny aṅga-śoṣaṇam | dṛṣṭeḥ sādāti-ruk-kaṇḍū-pothakī-janma-śūna-tāḥ

Sanskrit only: no published translation is held for this verse.

हिध्मोद्वेग-स्तन-द्वेष-वैवर्ण्य-स्वर-तीक्ष्ण-ताः । वेपथुर् मत्स्य-गन्ध-त्वम् अथ-वा साम्ल-गन्ध-ता

hidhmodvega-stana-dveṣa-vaivarṇya-svara-tīkṣṇa-tāḥ | vepathur matsya-gandha-tvam atha-vā sāmla-gandha-tā

Sanskrit only: no published translation is held for this verse.

मुख-मण्डितया पाणि-पादास्य-रमणीय-ता । सिराभिर् असिताभाभिर् आचितोदर-ता ज्वरः

mukha-maṇḍitayā pāṇi-pādāsya-ramaṇīya-tā | sirābhir asitābhābhir ācitodara-tā jvaraḥ

Sanskrit only: no published translation is held for this verse.

अ-रोचको ऽङ्ग-ग्लपनं गो-मूत्र-सम-गन्ध-ता । रेवत्यां श्याव-नील-त्वं कर्ण-नासाक्षि-मर्दनम्

a-rocako 'ṅga-glapanaṃ go-mūtra-sama-gandha-tā | revatyāṃ śyāva-nīla-tvaṃ karṇa-nāsākṣi-mardanam

Sanskrit only: no published translation is held for this verse.

कास-हिध्माक्षि-विक्षेप-वक्र-वक्त्र-त्व-रक्त-ताः । बस्त-गन्धो ज्वरः शोषः पुरीषं हरितं द्रवम्

kāsa-hidhmākṣi-vikṣepa-vakra-vaktra-tva-rakta-tāḥ | basta-gandho jvaraḥ śoṣaḥ purīṣaṃ haritaṃ dravam

Sanskrit only: no published translation is held for this verse.

जायते शुष्क-रेवत्यां क्रमात् सर्वाङ्ग-संक्षयः । केश-शातो ऽन्न-विद्वेषः स्वर-दैन्यं वि-वर्ण-ता

jāyate śuṣka-revatyāṃ kramāt sarvāṅga-saṃkṣayaḥ | keśa-śāto 'nna-vidveṣaḥ svara-dainyaṃ vi-varṇa-tā

Sanskrit only: no published translation is held for this verse.

नाना-वर्ण-पुरीष-त्वम् उदरे ग्रन्थयः सिराः ॥ २९+१अब् ॥ रोदनं गृध्र-गन्ध-त्वं दीर्घ-कालानुवर्तनम् । उदरे ग्रन्थयो वृत्ता यस्य नाना-विधं शकृत्

nānā-varṇa-purīṣa-tvam udare granthayaḥ sirāḥ || 29+1ab || rodanaṃ gṛdhra-gandha-tvaṃ dīrgha-kālānuvartanam | udare granthayo vṛttā yasya nānā-vidhaṃ śakṛt

Sanskrit only: no published translation is held for this verse.

जिह्वाया निम्न-ता मध्ये श्यावं तालु च तं त्यजेत् । भुञ्जानो ऽन्नं बहु-विधं यो बालः परिहीयते

jihvāyā nimna-tā madhye śyāvaṃ tālu ca taṃ tyajet | bhuñjāno 'nnaṃ bahu-vidhaṃ yo bālaḥ parihīyate

Sanskrit only: no published translation is held for this verse.

तृष्णा-गृहीतः क्षामाक्षो हन्ति तं शुष्क-रेवती । हिंसा-रत्य्-अर्चनाकाङ्क्षा ग्रह-ग्रहण-कारणम्

tṛṣṇā-gṛhītaḥ kṣāmākṣo hanti taṃ śuṣka-revatī | hiṃsā-raty-arcanākāṅkṣā graha-grahaṇa-kāraṇam

Sanskrit only: no published translation is held for this verse.

तत्र हिंसात्मके बालो महान् वा स्रुत-नासिकः । क्षत-जिह्वः क्वणेद् बाढम् अ-सुखी साश्रु-लोचनः

tatra hiṃsātmake bālo mahān vā sruta-nāsikaḥ | kṣata-jihvaḥ kvaṇed bāḍham a-sukhī sāśru-locanaḥ

Sanskrit only: no published translation is held for this verse.

दुर्-वर्णो हीन-वचनः पूति-गन्धिश् च जायते । क्षामो मूत्र-पुरीषं स्वं मृद्नाति न जुगुप्सते

dur-varṇo hīna-vacanaḥ pūti-gandhiś ca jāyate | kṣāmo mūtra-purīṣaṃ svaṃ mṛdnāti na jugupsate

Sanskrit only: no published translation is held for this verse.

हस्तौ चोद्यम्य संरब्धो हन्त्य् आत्मानं तथा परम् । तद्-वच् च शस्त्र-काष्ठाद्यैर् अग्निं वा दीप्तम् आविशेत्

hastau codyamya saṃrabdho hanty ātmānaṃ tathā param | tad-vac ca śastra-kāṣṭhādyair agniṃ vā dīptam āviśet

Sanskrit only: no published translation is held for this verse.

अप्सु मज्जेत् पतेत् कूपे कुर्याद् अन्यच् च तद्-विधम् । तृड्-दाह-मोहान् पूयस्य च्छर्दनं च प्रवर्तयेत्

apsu majjet patet kūpe kuryād anyac ca tad-vidham | tṛḍ-dāha-mohān pūyasya cchardanaṃ ca pravartayet

Sanskrit only: no published translation is held for this verse.

रक्तं च सर्व-मार्गेभ्यो रिष्टोत्पत्तिं च तं त्यजेत् । रहः-स्त्री-रति-संलाप-गन्ध-स्रग्-भूषण-प्रियः

raktaṃ ca sarva-mārgebhyo riṣṭotpattiṃ ca taṃ tyajet | rahaḥ-strī-rati-saṃlāpa-gandha-srag-bhūṣaṇa-priyaḥ

Sanskrit only: no published translation is held for this verse.

हृष्टः शान्तश् च दुः-साध्यो रति-कामेन पीडितः । दीनः परिमृशन् वक्त्रं शुष्कौष्ठ-गल-तालुकः

hṛṣṭaḥ śāntaś ca duḥ-sādhyo rati-kāmena pīḍitaḥ | dīnaḥ parimṛśan vaktraṃ śuṣkauṣṭha-gala-tālukaḥ

Sanskrit only: no published translation is held for this verse.

शङ्कितं वीक्षते रौति ध्यायत्य् आयाति दीन-ताम् । अन्नम् अन्नाभिलाषे ऽपि दत्तं नाति बुभुक्षते

śaṅkitaṃ vīkṣate rauti dhyāyaty āyāti dīna-tām | annam annābhilāṣe 'pi dattaṃ nāti bubhukṣate

Sanskrit only: no published translation is held for this verse.

गृहीतं बलि-कामेन तं विद्यात् सुख-साधनम् । हन्तु-कामं जयेद् धोमैः सिद्ध-मन्त्र-प्रवर्तितैः

gṛhītaṃ bali-kāmena taṃ vidyāt sukha-sādhanam | hantu-kāmaṃ jayed dhomaiḥ siddha-mantra-pravartitaiḥ

Sanskrit only: no published translation is held for this verse.

इतरौ तु यथा-कामं रति-बल्य्-आदि-दानतः । अथ साध्य-ग्रहं बालं विविक्ते शरणे स्थितम्

itarau tu yathā-kāmaṃ rati-baly-ādi-dānataḥ | atha sādhya-grahaṃ bālaṃ vivikte śaraṇe sthitam

Sanskrit only: no published translation is held for this verse.

त्रिर् अह्नः सिक्त-संमृष्टे सदा संनिहितानले । विकीर्ण-भूति-कुसुम-पत्त्र-बीजान्न-सर्षपे

trir ahnaḥ sikta-saṃmṛṣṭe sadā saṃnihitānale | vikīrṇa-bhūti-kusuma-pattra-bījānna-sarṣape

Sanskrit only: no published translation is held for this verse.

रक्षो-घ्न-तैल-ज्वलित-प्रदीप-हत-पाप्मनि । व्यवाय-मद्य-पिशित-निवृत्त-परिचारके

rakṣo-ghna-taila-jvalita-pradīpa-hata-pāpmani | vyavāya-madya-piśita-nivṛtta-paricārake

Sanskrit only: no published translation is held for this verse.

पुराण-सर्पिषाभ्यक्तं परिषिक्तं सुखाम्बुना । साधितेन बला-निम्ब-वैजयन्ती-नृपद्रुमैः

purāṇa-sarpiṣābhyaktaṃ pariṣiktaṃ sukhāmbunā | sādhitena balā-nimba-vaijayantī-nṛpadrumaiḥ

Sanskrit only: no published translation is held for this verse.

पारिभद्रक-कट्वङ्ग-जम्बू-वरुण-कट्तृणैः । कपोतवङ्कापामार्ग-पाटला-मधु-शिग्रुभिः

pāribhadraka-kaṭvaṅga-jambū-varuṇa-kaṭtṛṇaiḥ | kapotavaṅkāpāmārga-pāṭalā-madhu-śigrubhiḥ

Sanskrit only: no published translation is held for this verse.

काकजङ्घा-महाश्वेता-कपित्थ-क्षीरि-पादपैः । स-कदम्ब-करञ्जैश् च धूपं स्नातस्य चाचरेत्

kākajaṅghā-mahāśvetā-kapittha-kṣīri-pādapaiḥ | sa-kadamba-karañjaiś ca dhūpaṃ snātasya cācaret

Sanskrit only: no published translation is held for this verse.

द्वीपि-व्याघ्राहि-सिंहर्क्ष-चर्मभिर् घृत-मिश्रितैः । पूति-दशाङ्ग-सिद्धार्थ-वचा-भल्लात-दीप्यकैः

dvīpi-vyāghrāhi-siṃharkṣa-carmabhir ghṛta-miśritaiḥ | pūti-daśāṅga-siddhārtha-vacā-bhallāta-dīpyakaiḥ

Sanskrit only: no published translation is held for this verse.

स-कुष्ठैः स-घृतैर् धूपः सर्व-ग्रह-विमोक्षणः । सर्षपा निम्ब-पत्त्राणि मूलम् अश्वखुरा वचा

sa-kuṣṭhaiḥ sa-ghṛtair dhūpaḥ sarva-graha-vimokṣaṇaḥ | sarṣapā nimba-pattrāṇi mūlam aśvakhurā vacā

Sanskrit only: no published translation is held for this verse.

मूलम् अश्वखुरं वचा भूर्ज-पत्त्रं घृतं धूपः सर्व-ग्रह-निवारणः । अनन्ताम्रास्थि-तगरं मरिचं मधुरो गणः

mūlam aśvakhuraṃ vacā bhūrja-pattraṃ ghṛtaṃ dhūpaḥ sarva-graha-nivāraṇaḥ | anantāmrāsthi-tagaraṃ maricaṃ madhuro gaṇaḥ

Sanskrit only: no published translation is held for this verse.

मधुरो गणः शृगालविन्ना मुस्ता च कल्कितैस् तैर् घृतं पचेत् । दश-मूल-रस-क्षीर-युक्तं तद् ग्रह-जित् परम्

madhuro gaṇaḥ śṛgālavinnā mustā ca kalkitais tair ghṛtaṃ pacet | daśa-mūla-rasa-kṣīra-yuktaṃ tad graha-jit param

Sanskrit only: no published translation is held for this verse.

रास्ना-द्व्य्-अंशुमती-वृद्ध-पञ्च-मूल-बला-घनात् । क्वाथे सर्पिः पचेत् पिष्टैः शारिवा-व्योष-चित्रकैः

rāsnā-dvy-aṃśumatī-vṛddha-pañca-mūla-balā-ghanāt | kvāthe sarpiḥ pacet piṣṭaiḥ śārivā-vyoṣa-citrakaiḥ

Sanskrit only: no published translation is held for this verse.

-पञ्च-मूल-वचा-घनात् पाठा-विडङ्ग-मधुक-पयस्या-हिङ्गु-दारुभिः । स-ग्रन्थिकैः सेन्द्रयवैः शिशोस् तत् सततं हितम्

-pañca-mūla-vacā-ghanāt pāṭhā-viḍaṅga-madhuka-payasyā-hiṅgu-dārubhiḥ | sa-granthikaiḥ sendrayavaiḥ śiśos tat satataṃ hitam

Sanskrit only: no published translation is held for this verse.

सर्व-रोग-ग्रह-हरं दीपनं बल-वर्ण-दम् । शारिवा-सुरभि-ब्राह्मी-शङ्खिनी-कुष्ठ-सर्षपैः

sarva-roga-graha-haraṃ dīpanaṃ bala-varṇa-dam | śārivā-surabhi-brāhmī-śaṅkhinī-kuṣṭha-sarṣapaiḥ

Sanskrit only: no published translation is held for this verse.

वचाश्वगन्धा-सुरस-युक्तैः सर्पिर् विपाचयेत् । तन् नाशयेद् ग्रहान् सर्वान् पानेनाभ्यञ्जनेन च

vacāśvagandhā-surasa-yuktaiḥ sarpir vipācayet | tan nāśayed grahān sarvān pānenābhyañjanena ca

Sanskrit only: no published translation is held for this verse.

गो-शृङ्ग-चर्म-वालाहि-निर्मोकं वृष-दंश-विट् । निम्ब-पत्त्राज्य-कटुका-मदनं बृहती-द्वयम्

go-śṛṅga-carma-vālāhi-nirmokaṃ vṛṣa-daṃśa-viṭ | nimba-pattrājya-kaṭukā-madanaṃ bṛhatī-dvayam

Sanskrit only: no published translation is held for this verse.

कार्पासास्थि-यव-च्छाग-रोम-देवाह्व-सर्षपम् । मयूर-पत्त्र-श्रीवासं तुष-केशं स-रामठम्

kārpāsāsthi-yava-cchāga-roma-devāhva-sarṣapam | mayūra-pattra-śrīvāsaṃ tuṣa-keśaṃ sa-rāmaṭham

Sanskrit only: no published translation is held for this verse.

-नर-केशं स-रामठम् मृद्-भाण्डे बस्त-मूत्रेण भावितं श्लक्ष्ण-चूर्णितम् । धूपनं च हितं सर्व-भूतेषु विषम-ज्वरे

-nara-keśaṃ sa-rāmaṭham mṛd-bhāṇḍe basta-mūtreṇa bhāvitaṃ ślakṣṇa-cūrṇitam | dhūpanaṃ ca hitaṃ sarva-bhūteṣu viṣama-jvare

Sanskrit only: no published translation is held for this verse.

घृतानि भूत-विद्यायां वक्ष्यन्ते यानि तानि च । युञ्ज्यात् तथा बलिं होमं स्नपनं मन्त्र-तन्त्र-वित्

ghṛtāni bhūta-vidyāyāṃ vakṣyante yāni tāni ca | yuñjyāt tathā baliṃ homaṃ snapanaṃ mantra-tantra-vit

Sanskrit only: no published translation is held for this verse.

पूति-करञ्ज-त्वक्-पत्त्रं क्षीरिभ्यो बर्बराद् अपि । तुम्बी-विशालारलुक-शमी-बिल्व-कपित्थतः

pūti-karañja-tvak-pattraṃ kṣīribhyo barbarād api | tumbī-viśālāraluka-śamī-bilva-kapitthataḥ

Sanskrit only: no published translation is held for this verse.

-शमी-बिल्व-कपित्थकम् उत्क्वाथ्य तोयं तद् रात्रौ बालानां स्नपनं शिवम् । अनुबन्धान् यथा-कृच्छ्रं ग्रहापाये ऽप्य् उपद्रवान्

-śamī-bilva-kapitthakam utkvāthya toyaṃ tad rātrau bālānāṃ snapanaṃ śivam | anubandhān yathā-kṛcchraṃ grahāpāye 'py upadravān

Sanskrit only: no published translation is held for this verse.