Āśvalāyana Gṛhya-sūtra 1.1

उक्तानि वैतानिकानि गृह्याणि वक्ष्यामः

uktāni vaitānikāni gṛhyāṇi vakṣyāmaḥ

Sanskrit only: no published translation is held for this verse.

त्रयः पाकयज्ञाः

trayaḥ pākayajñāḥ

Sanskrit only: no published translation is held for this verse.

हुता अग्नौ हूयमाना अनग्नौ प्रहुता ब्राह्मणभोजने ब्रह्मणिहुताः

hutā agnau hūyamānā anagnau prahutā brāhmaṇabhojane brahmaṇihutāḥ

Sanskrit only: no published translation is held for this verse.

अथाप्यृच उदाहरन्ति यः समिधा य आहुती यो वेदेनेति

athāpyṛca udāharanti yaḥ samidhā ya āhutī yo vedeneti

Sanskrit only: no published translation is held for this verse.

समिधमेवापि श्रद्दधान आदधन्मन्येत यज इदमिति नमस्तस्मै य आहुत्या यो वेदेनेति विद्ययैवाप्यस्ति प्रीतिस्तदेतत्पश्यन्नृषिरुवाच अगोरुधाय गविषेद्युक्षाय दस्म्यं वचः । घृतात्स्वादीयो मधुनश्च वोचतेति वच एव म इदं घृताच्च मधुनश्च स्वादीयोऽस्ति प्रीतिः स्वादीयोऽस्त्वित्येव तदाह आ ते अग्न ऋचा हविर्हृदा तष्टं भरामसि । ते ते भवन्तूक्षण ऋषभासो वशा उतेति एत एव म उक्षाणश्च ऋषभाश्च वशाश्च भवन्ति य इमं स्वाध्यायमधीयत इति यो नमसा स्वध्वर इति नमस्कारेण वै खल्वपि न वै देवा नमस्कारमति यज्ञो वै नम इति हि ब्राह्मणं भवति

samidhamevāpi śraddadhāna ādadhanmanyeta yaja idamiti namastasmai ya āhutyā yo vedeneti vidyayaivāpyasti prītistadetatpaśyannṛṣiruvāca agorudhāya gaviṣedyukṣāya dasmyaṃ vacaḥ | ghṛtātsvādīyo madhunaśca vocateti vaca eva ma idaṃ ghṛtācca madhunaśca svādīyo'sti prītiḥ svādīyo'stvityeva tadāha ā te agna ṛcā havirhṛdā taṣṭaṃ bharāmasi | te te bhavantūkṣaṇa ṛṣabhāso vaśā uteti eta eva ma ukṣāṇaśca ṛṣabhāśca vaśāśca bhavanti ya imaṃ svādhyāyamadhīyata iti yo namasā svadhvara iti namaskāreṇa vai khalvapi na vai devā namaskāramati yajño vai nama iti hi brāhmaṇaṃ bhavati

Sanskrit only: no published translation is held for this verse.