Āśvalāyana Gṛhya-sūtra 1.13

उपनिषदि गर्भलम्भनं पुंसवनमनवलोभनञ्च

upaniṣadi garbhalambhanaṃ puṃsavanamanavalobhanañca

Sanskrit only: no published translation is held for this verse.

यदि नाधीयात्तृतीये गर्भमासे तिष्येणोपोषितायाः सरूपवत्साया गोर्दधनि द्वौ द्वौ माषौ यवञ्च दधि प्रसृतेन प्राशयेत्

yadi nādhīyāttṛtīye garbhamāse tiṣyeṇopoṣitāyāḥ sarūpavatsāyā gordadhani dvau dvau māṣau yavañca dadhi prasṛtena prāśayet

Sanskrit only: no published translation is held for this verse.

किं पिबसि किं पिबसीति पृष्ट्वा पुंसवनं पुंसवनमिति त्रिः प्रतिजानीयात्

kiṃ pibasi kiṃ pibasīti pṛṣṭvā puṃsavanaṃ puṃsavanamiti triḥ pratijānīyāt

Sanskrit only: no published translation is held for this verse.

एवं त्रीन्प्रसृतान्

evaṃ trīnprasṛtān

Sanskrit only: no published translation is held for this verse.

अथास्यै मण्डलागारच्छायायां दक्षिणस्यां नासिकायामजीतामोषधीं नस्तःकरोति

athāsyai maṇḍalāgāracchāyāyāṃ dakṣiṇasyāṃ nāsikāyāmajītāmoṣadhīṃ nastaḥkaroti

Sanskrit only: no published translation is held for this verse.

प्रजावज्जीवपुत्राभ्यां हैके आ ते गर्भो योनिमेतु पुमान्वाण इवेषुधिम् । आ वीरो जायतां पुत्रस्ते दशमास्यः । अग्निरेतु प्रथमो देवतानां सौऽस्यै प्रजां मुञ्चतु मृत्युपाशात् । तदयं राजा वरुणोऽनुमन्यतां यथेयं स्त्री पौत्रमघं न रोदादिति

prajāvajjīvaputrābhyāṃ haike ā te garbho yonimetu pumānvāṇa iveṣudhim | ā vīro jāyatāṃ putraste daśamāsyaḥ | agniretu prathamo devatānāṃ sau'syai prajāṃ muñcatu mṛtyupāśāt | tadayaṃ rājā varuṇo'numanyatāṃ yatheyaṃ strī pautramaghaṃ na rodāditi

Sanskrit only: no published translation is held for this verse.

प्राजापत्यस्य स्थालीपाकस्य हुत्वा हृदयदेशमस्या आलभेत यत्ते सुसीमे हृदये हितमन्तः प्रजापतौ । मन्येऽहं मां तद्विद्वांसं माहं पौत्रमघन्नियामिति

prājāpatyasya sthālīpākasya hutvā hṛdayadeśamasyā ālabheta yatte susīme hṛdaye hitamantaḥ prajāpatau | manye'haṃ māṃ tadvidvāṃsaṃ māhaṃ pautramaghanniyāmiti

Sanskrit only: no published translation is held for this verse.