Āśvalāyana Gṛhya-sūtra 1.15

कुमारं जातं पुरान्यैरालम्भात्सर्पिर्मधुनी हिरण्यनिकाषं हिरण्येन प्राशयेत्प्र ते ददामि मधुनो घृतस्य वेदं सवित्रा प्रसूतं मघोनाम् । आयुष्मान्गुप्तो देवताभिः शतं जीव शरदो लोके अस्मिन्निति

kumāraṃ jātaṃ purānyairālambhātsarpirmadhunī hiraṇyanikāṣaṃ hiraṇyena prāśayetpra te dadāmi madhuno ghṛtasya vedaṃ savitrā prasūtaṃ maghonām | āyuṣmāngupto devatābhiḥ śataṃ jīva śarado loke asminniti

Sanskrit only: no published translation is held for this verse.

कर्णयोरुपनिधाय मेधाजननं जपति । मेधान्ते देवः सविता मेधां देवी सरस्वती । मेधान्ते अश्विनौ देवावाधत्तां पुष्करस्रजौ । इति

karṇayorupanidhāya medhājananaṃ japati | medhānte devaḥ savitā medhāṃ devī sarasvatī | medhānte aśvinau devāvādhattāṃ puṣkarasrajau | iti

Sanskrit only: no published translation is held for this verse.

अंसावभिमृशति अश्मा भव परशुर्भव हिरण्यमस्तृतं भव । वेदो वै पुत्रनामासि स जीव शरदः शतमिति । इन्द्र श्रेष्ठानि द्रविणानि धेह्यस्मे प्रयन्धि मघवन्नृजीषिन्निति च

aṃsāvabhimṛśati aśmā bhava paraśurbhava hiraṇyamastṛtaṃ bhava | vedo vai putranāmāsi sa jīva śaradaḥ śatamiti | indra śreṣṭhāni draviṇāni dhehyasme prayandhi maghavannṛjīṣinniti ca

Sanskrit only: no published translation is held for this verse.

नाम चास्मै दद्युः

nāma cāsmai dadyuḥ

Sanskrit only: no published translation is held for this verse.

घोषवदाद्यन्तरन्तस्थमभिनिष्ठानान्तं द्व्यक्षरम्

ghoṣavadādyantarantasthamabhiniṣṭhānāntaṃ dvyakṣaram

Sanskrit only: no published translation is held for this verse.

चतुरक्षरं वा

caturakṣaraṃ vā

Sanskrit only: no published translation is held for this verse.

द्व्यक्षरं प्रतिष्ठाकामश्चतुरक्षरं ब्रह्मवर्चसकामः

dvyakṣaraṃ pratiṣṭhākāmaścaturakṣaraṃ brahmavarcasakāmaḥ

Sanskrit only: no published translation is held for this verse.

युग्मानि त्वेव पुंसाम्

yugmāni tveva puṃsām

Sanskrit only: no published translation is held for this verse.

अयुजानि स्त्रीणाम्

ayujāni strīṇām

Sanskrit only: no published translation is held for this verse.

अभिवादनीयं च समीक्षेत तन्मातापितरौ विद्यातामोपनयनात्

abhivādanīyaṃ ca samīkṣeta tanmātāpitarau vidyātāmopanayanāt

Sanskrit only: no published translation is held for this verse.

प्रवासादेत्य पुत्रस्य शिरः परिगृह्य जपति अङ्गादङ्गात्सम्भवसि हृदयादधिजायसे । आत्मा वै पुत्रनामासि स जीव शरदः शतमिति मूर्द्धनि त्रिरवघ्राय

pravāsādetya putrasya śiraḥ parigṛhya japati aṅgādaṅgātsambhavasi hṛdayādadhijāyase | ātmā vai putranāmāsi sa jīva śaradaḥ śatamiti mūrddhani triravaghrāya

Sanskrit only: no published translation is held for this verse.

आवृतैव कुमार्यै

āvṛtaiva kumāryai

Sanskrit only: no published translation is held for this verse.