अथ खलु यत्र क्व च होष्यन्त्यस्यादिषुमात्रावरं सर्वतः स्थण्डिलमुपलिप्योल्लिख्य षड्लेखा उदगायतां पश्चात्प्रागायते नानान्तयोस्तिस्रो मध्ये तदभ्युक्ष्याग्निं प्रतिष्ठाप्यान्वाधाय परिसमूह्य परिस्तीर्य पुरस्ताद्दक्षिणतः पश्चादुत्तरत इत्युदकसंस्थन्तूष्णीं पर्युक्षणम्
atha khalu yatra kva ca hoṣyantyasyādiṣumātrāvaraṃ sarvataḥ sthaṇḍilamupalipyollikhya ṣaḍlekhā udagāyatāṃ paścātprāgāyate nānāntayostisro madhye tadabhyukṣyāgniṃ pratiṣṭhāpyānvādhāya parisamūhya paristīrya purastāddakṣiṇataḥ paścāduttarata ityudakasaṃsthantūṣṇīṃ paryukṣaṇam
Sanskrit only: no published translation is held for this verse.
पवित्राभ्यामाज्यस्योत्पवनम्
pavitrābhyāmājyasyotpavanam
Sanskrit only: no published translation is held for this verse.
अप्रच्छिन्नाग्रावनन्तर्गर्भौ प्रादेशमात्रौ कुशौ नानान्तयोर्गृहीत्वाङ्गुष्ठोपकनिष्ठिकाभ्यामुत्तानाभ्यां पाणिभ्यां सवितुष्ट्वा प्रसव उत्पुनाम्यच्छिद्रेण पवित्रेण वसोः सूर्यस्य रश्मिभिरिति प्रागुत्पुनाति सकृन्मन्त्रेण द्विस्तूष्णीम्
apracchinnāgrāvanantargarbhau prādeśamātrau kuśau nānāntayorgṛhītvāṅguṣṭhopakaniṣṭhikābhyāmuttānābhyāṃ pāṇibhyāṃ savituṣṭvā prasava utpunāmyacchidreṇa pavitreṇa vasoḥ sūryasya raśmibhiriti prāgutpunāti sakṛnmantreṇa dvistūṣṇīm
Sanskrit only: no published translation is held for this verse.
कृताकृतमाज्यहोमेषु परिस्तरणम्
kṛtākṛtamājyahomeṣu paristaraṇam
Sanskrit only: no published translation is held for this verse.
तथाज्यभागौ पाकयज्ञेषु
tathājyabhāgau pākayajñeṣu
Sanskrit only: no published translation is held for this verse.
ब्रह्मा च धन्वन्तरियज्ञशूलगववर्जम्
brahmā ca dhanvantariyajñaśūlagavavarjam
Sanskrit only: no published translation is held for this verse.
अमुष्मै स्वाहेति जुहुयात्
amuṣmai svāheti juhuyāt
Sanskrit only: no published translation is held for this verse.
अग्निरिन्द्रः प्रजापतिर्विश्वेदेवा ब्रह्मेत्यनादेशे
agnirindraḥ prajāpatirviśvedevā brahmetyanādeśe
Sanskrit only: no published translation is held for this verse.
एकबर्हिराद्याज्यस्विष्टकृतः स्युस्तुल्यकालाः
ekabarhirādyājyasviṣṭakṛtaḥ syustulyakālāḥ
Sanskrit only: no published translation is held for this verse.
तदेषाभियज्ञगाथा गीयते । पाकयज्ञान्समासाद्यैकाज्यानेकबर्हिषः । एकस्विष्टकृतः कुर्यान्नानापि सति दैवते
tadeṣābhiyajñagāthā gīyate | pākayajñānsamāsādyaikājyānekabarhiṣaḥ | ekasviṣṭakṛtaḥ kuryānnānāpi sati daivate
Sanskrit only: no published translation is held for this verse.