Āśvalāyana Gṛhya-sūtra 1.5

AsvGS 1.5.1

कुलमग्रे परीक्षेत ये मातृतः पितृश्चेति यथोक्तं पुरस्तात्

kulamagre parīkṣeta ye mātṛtaḥ pitṛśceti yathoktaṃ purastāt

Sanskrit only: no published translation is held for this verse.

AsvGS 1.5.2

बुद्धिमते कन्यां प्रयच्छेत्

buddhimate kanyāṃ prayacchet

Sanskrit only: no published translation is held for this verse.

AsvGS 1.5.3

बुद्धिरूपशीललक्षणसम्पन्नामरोगामुपयच्छेत

buddhirūpaśīlalakṣaṇasampannāmarogāmupayaccheta

Sanskrit only: no published translation is held for this verse.

AsvGS 1.5.4

दुर्विज्ञेयानि लक्षणानीति

durvijñeyāni lakṣaṇānīti

Sanskrit only: no published translation is held for this verse.

AsvGS 1.5.5

अष्टौ पिण्डान्कृत्वा ऋतमग्रे प्रथमं जज्ञ ऋते सत्यं प्रतिष्ठितं यदियं कुमार्यभिजाता तदियमिह प्रतिपद्यतां यत्सत्यं तद्दृश्यतामिति पिण्डानभिमन्त्र्य कुमारीं ब्रूयादेषामेकं गृहाणेति

aṣṭau piṇḍānkṛtvā ṛtamagre prathamaṃ jajña ṛte satyaṃ pratiṣṭhitaṃ yadiyaṃ kumāryabhijātā tadiyamiha pratipadyatāṃ yatsatyaṃ taddṛśyatāmiti piṇḍānabhimantrya kumārīṃ brūyādeṣāmekaṃ gṛhāṇeti

Sanskrit only: no published translation is held for this verse.

AsvGS 1.5.6

क्षेत्राच्चेदुभयतःसस्याद्गृह्णीयादन्नवत्यस्याः प्रजा भविष्यतीति विद्याद्गोष्ठात्पशुमती वेदिपुरीषाद्ब्रह्मवर्चस्विन्यविदासिनो ह्रदात्सर्वसम्पन्ना देवनात्कितवी चतुष्पथाद्द्विप्रव्राजिनीरिणादधन्या श्मशानात् पतिघ्नी

kṣetrāccedubhayataḥsasyādgṛhṇīyādannavatyasyāḥ prajā bhaviṣyatīti vidyādgoṣṭhātpaśumatī vedipurīṣādbrahmavarcasvinyavidāsino hradātsarvasampannā devanātkitavī catuṣpathāddvipravrājinīriṇādadhanyā śmaśānāt patighnī

Sanskrit only: no published translation is held for this verse.