Āśvalāyana Gṛhya-sūtra 1.7

अथ खलूच्चावचा जनपदधर्मा ग्रामधर्माश्च तान्विवाहे प्रतीयात्

atha khalūccāvacā janapadadharmā grāmadharmāśca tānvivāhe pratīyāt

Sanskrit only: no published translation is held for this verse.

यत्तु समानं तद्वक्ष्यामः

yattu samānaṃ tadvakṣyāmaḥ

Sanskrit only: no published translation is held for this verse.

पश्चादग्नेर्दृषदमश्मानं प्रतिष्ठाप्योत्तरपुरस्तादुदकुम्भं समन्वारब्धायां हुत्वा तिष्ठन् प्रत्यङ्मुखः प्राङ्मुख्या आसीनाया गृह्णामि ते सौभगत्वाय हस्तमित्यङ्गुष्ठमेव गृह्णीयाद्यदि कामयीत पुमांस एव मे पुत्रा जायेरन्निति

paścādagnerdṛṣadamaśmānaṃ pratiṣṭhāpyottarapurastādudakumbhaṃ samanvārabdhāyāṃ hutvā tiṣṭhan pratyaṅmukhaḥ prāṅmukhyā āsīnāyā gṛhṇāmi te saubhagatvāya hastamityaṅguṣṭhameva gṛhṇīyādyadi kāmayīta pumāṃsa eva me putrā jāyeranniti

Sanskrit only: no published translation is held for this verse.

अङ्गुलीरेव स्त्रीकामः

aṅgulīreva strīkāmaḥ

Sanskrit only: no published translation is held for this verse.

रोमान्ते हस्तं साङ्गुष्ठमुभयकामः

romānte hastaṃ sāṅguṣṭhamubhayakāmaḥ

Sanskrit only: no published translation is held for this verse.

प्रदक्षिणमग्निमुदकुम्भञ्च त्रिः परिणयञ्जपति । अमोऽहमस्मि सा त्वं सा त्वमस्यमोऽहं द्यौरहं पृथिवी त्वं सामाहमृक्त्वं तावेह विवहावहै प्रजां प्रजनयावहै सम्प्रियौ रोचिष्णू सुमनस्यमानौ जीवेव शरदः शतमिति

pradakṣiṇamagnimudakumbhañca triḥ pariṇayañjapati | amo'hamasmi sā tvaṃ sā tvamasyamo'haṃ dyaurahaṃ pṛthivī tvaṃ sāmāhamṛktvaṃ tāveha vivahāvahai prajāṃ prajanayāvahai sampriyau rociṣṇū sumanasyamānau jīveva śaradaḥ śatamiti

Sanskrit only: no published translation is held for this verse.

परिणीय परिणीयाश्मानमारोहयतीममश्मानमारोहाश्मेव त्वं स्थिरा भव । सहस्व पृतनायतोऽभितिष्ठ प्रतन्यत इति

pariṇīya pariṇīyāśmānamārohayatīmamaśmānamārohāśmeva tvaṃ sthirā bhava | sahasva pṛtanāyato'bhitiṣṭha pratanyata iti

Sanskrit only: no published translation is held for this verse.

वध्वञ्जला उपस्तीर्य भ्राता भ्रातृस्थानो वा द्विर्लाजानावपति

vadhvañjalā upastīrya bhrātā bhrātṛsthāno vā dvirlājānāvapati

Sanskrit only: no published translation is held for this verse.

त्रिर्जामदग्न्यानाम्

trirjāmadagnyānām

Sanskrit only: no published translation is held for this verse.

प्रत्यभिघार्य हविः

pratyabhighārya haviḥ

Sanskrit only: no published translation is held for this verse.

अवत्तञ्च

avattañca

Sanskrit only: no published translation is held for this verse.

एषोऽवदानधर्मः

eṣo'vadānadharmaḥ

Sanskrit only: no published translation is held for this verse.

अर्यमणं नु देवं कन्या अग्निमयक्षत स इमां देवो अर्यमा प्रेतो मुञ्चातु नामुतः स्वाहा । वरुणं नु देवं कन्या अग्निमयक्षत स इमां देवो वरुणः प्रेतो मुञ्चातु नामुतः स्वाहा । पूषणं नु देवं कन्या अग्निमयक्षत स इमां देवः पूषा प्रेतो मुञ्चातुनामुतः स्वाहेत्यविच्छिन्दत्यञ्जलिं स्रुचेव जुहुयात्

aryamaṇaṃ nu devaṃ kanyā agnimayakṣata sa imāṃ devo aryamā preto muñcātu nāmutaḥ svāhā | varuṇaṃ nu devaṃ kanyā agnimayakṣata sa imāṃ devo varuṇaḥ preto muñcātu nāmutaḥ svāhā | pūṣaṇaṃ nu devaṃ kanyā agnimayakṣata sa imāṃ devaḥ pūṣā preto muñcātunāmutaḥ svāhetyavicchindatyañjaliṃ sruceva juhuyāt

Sanskrit only: no published translation is held for this verse.

अपरिणीय शूर्पपुटेनाभ्यात्मं तूष्णीं चतुर्थम्

apariṇīya śūrpapuṭenābhyātmaṃ tūṣṇīṃ caturtham

Sanskrit only: no published translation is held for this verse.

ओप्योप्य हैके लाजान्परिणयन्ति तथोत्तमे आहुती न सन्निपततः

opyopya haike lājānpariṇayanti tathottame āhutī na sannipatataḥ

Sanskrit only: no published translation is held for this verse.

अथास्यै शिखे विमुञ्चति यदि कृते भवतः

athāsyai śikhe vimuñcati yadi kṛte bhavataḥ

Sanskrit only: no published translation is held for this verse.

ऊर्णास्तुके केशपक्षयोर्बद्धे भवतः । प्र त्वा मुञ्चामि वरुणस्य पाशादिति

ūrṇāstuke keśapakṣayorbaddhe bhavataḥ | pra tvā muñcāmi varuṇasya pāśāditi

Sanskrit only: no published translation is held for this verse.

उत्तरामुत्तरया

uttarāmuttarayā

Sanskrit only: no published translation is held for this verse.

अथैनामपराजितायान्दिशि सप्तपदान्यभ्युत्क्रामयतीष एकपद्यूर्जे द्विपदी रायस्पोषाय त्रिपदी मायोभव्याय चतुष्पदी प्रजाभ्यः पञ्चपद्यृतुभ्यः षट्पदी सखा सप्तपदी भव सा मामनुव्रता भव पुत्रान्विन्दावहै बहूंस्ते सन्तु जरदष्टय इति

athaināmaparājitāyāndiśi saptapadānyabhyutkrāmayatīṣa ekapadyūrje dvipadī rāyaspoṣāya tripadī māyobhavyāya catuṣpadī prajābhyaḥ pañcapadyṛtubhyaḥ ṣaṭpadī sakhā saptapadī bhava sā māmanuvratā bhava putrānvindāvahai bahūṃste santu jaradaṣṭaya iti

Sanskrit only: no published translation is held for this verse.

उभयोः सन्निधाय शिरसी उदकुम्भेनावसिच्य

ubhayoḥ sannidhāya śirasī udakumbhenāvasicya

Sanskrit only: no published translation is held for this verse.

ब्राह्मण्याश्च वृद्धाया जीवपत्न्या जीवप्रजाया अगार एतां रात्रिं वसेत्

brāhmaṇyāśca vṛddhāyā jīvapatnyā jīvaprajāyā agāra etāṃ rātriṃ vaset

Sanskrit only: no published translation is held for this verse.

ध्रुवमरुन्धतीं सप्तऋषीनिति दृष्ट्वा वाचं विसृजेत जीवपत्नीं प्रजां विन्देयेति

dhruvamarundhatīṃ saptaṛṣīniti dṛṣṭvā vācaṃ visṛjeta jīvapatnīṃ prajāṃ vindeyeti

Sanskrit only: no published translation is held for this verse.