Āśvalāyana Gṛhya-sūtra 1.8

प्रयाण उपपद्यमाने पूषा त्वेतो नयतु हस्तगृह्येति यानमारोहयेत्

prayāṇa upapadyamāne pūṣā tveto nayatu hastagṛhyeti yānamārohayet

Sanskrit only: no published translation is held for this verse.

अश्मन्वतीरीयते संरभध्वमित्यर्द्धर्चेन नावमारोहयेत्

aśmanvatīrīyate saṃrabhadhvamityarddharcena nāvamārohayet

Sanskrit only: no published translation is held for this verse.

उत्तरेणोक्त्रमयेत्

uttareṇoktramayet

Sanskrit only: no published translation is held for this verse.

जीवं रुदन्तीति रुदत्याम्

jīvaṃ rudantīti rudatyām

Sanskrit only: no published translation is held for this verse.

विवाहाग्निमग्रतोऽजस्रन्नयन्ति

vivāhāgnimagrato'jasrannayanti

Sanskrit only: no published translation is held for this verse.

कल्याणेषु देशवृक्षचतुष्पथेषु माविदन्परिपन्थिन इति जपेत्

kalyāṇeṣu deśavṛkṣacatuṣpatheṣu māvidanparipanthina iti japet

Sanskrit only: no published translation is held for this verse.

वासेवासे सुमङ्गलीरियं वधूरितीक्षकानीक्षेत

vāsevāse sumaṅgalīriyaṃ vadhūritīkṣakānīkṣeta

Sanskrit only: no published translation is held for this verse.

इह प्रियं प्रजया ते समृध्यतामिति गृहं प्रवेशयेत्

iha priyaṃ prajayā te samṛdhyatāmiti gṛhaṃ praveśayet

Sanskrit only: no published translation is held for this verse.

विवाहाग्निमुपसमाधाय पश्चादस्यानडुहं चर्मास्तीर्य प्राग्ग्रीवमुत्तरलोम तस्मिन्नुपविष्टायां समन्वारब्धायाम् आ नः प्रजां जनयतु प्रजापतिरिति चतसृभिः प्रत्यृचं हुत्वा समञ्जन्तु विश्वेदेवा इति दध्नः प्राश्य प्रतिप्रयच्छेदाज्यशेषेण वानक्ति हृदये

vivāhāgnimupasamādhāya paścādasyānaḍuhaṃ carmāstīrya prāggrīvamuttaraloma tasminnupaviṣṭāyāṃ samanvārabdhāyām ā naḥ prajāṃ janayatu prajāpatiriti catasṛbhiḥ pratyṛcaṃ hutvā samañjantu viśvedevā iti dadhnaḥ prāśya pratiprayacchedājyaśeṣeṇa vānakti hṛdaye

Sanskrit only: no published translation is held for this verse.

अक्षारालवणाशिनौ ब्रह्मचारिणावलंकुर्वाणावधःशायिनौ स्याताम्

akṣārālavaṇāśinau brahmacāriṇāvalaṃkurvāṇāvadhaḥśāyinau syātām

Sanskrit only: no published translation is held for this verse.

अत ऊर्द्ध्वं त्रिरात्रं द्वादशरात्रम्

ata ūrddhvaṃ trirātraṃ dvādaśarātram

Sanskrit only: no published translation is held for this verse.

संवत्सरं वैक ऋषिर्जायत इति

saṃvatsaraṃ vaika ṛṣirjāyata iti

Sanskrit only: no published translation is held for this verse.

चरितव्रतः सूर्याविदे वधूवस्त्रं दद्यात्

caritavrataḥ sūryāvide vadhūvastraṃ dadyāt

Sanskrit only: no published translation is held for this verse.

अन्नं ब्राह्मणेभ्यः

annaṃ brāhmaṇebhyaḥ

Sanskrit only: no published translation is held for this verse.

अथ स्वस्त्ययनं वाचयीत

atha svastyayanaṃ vācayīta

Sanskrit only: no published translation is held for this verse.