Āśvalāyana Gṛhya-sūtra 2.1

AsvGS 2.1.1

श्रावण्यां पौर्णमास्यां श्रवणाकर्म

śrāvaṇyāṃ paurṇamāsyāṃ śravaṇākarma

Sanskrit only: no published translation is held for this verse.

AsvGS 2.1.2

अक्षतसक्तूनां नवङ्कलशं पूरयित्वा दर्वीञ्च बलिहरणीं नवे शिक्ये निदधाति

akṣatasaktūnāṃ navaṅkalaśaṃ pūrayitvā darvīñca baliharaṇīṃ nave śikye nidadhāti

Sanskrit only: no published translation is held for this verse.

AsvGS 2.1.3

अक्षतधानाः कृत्वा सर्पिषाऽर्द्धा अनक्ति

akṣatadhānāḥ kṛtvā sarpiṣā'rddhā anakti

Sanskrit only: no published translation is held for this verse.

AsvGS 2.1.4

अस्तमिते स्थालीपाकं श्रपयित्वैककपालञ्च पुरोडाशं अग्ने नय सुपथा राये अस्मानिति चतसृभिः प्रत्यृचं हुत्वा पाणिनैककपालमच्युताय भौमाय स्वाहेति

astamite sthālīpākaṃ śrapayitvaikakapālañca puroḍāśaṃ agne naya supathā rāye asmāniti catasṛbhiḥ pratyṛcaṃ hutvā pāṇinaikakapālamacyutāya bhaumāya svāheti

Sanskrit only: no published translation is held for this verse.

AsvGS 2.1.5

अविप्लुतः स्यादाविःपृष्ठो वा

aviplutaḥ syādāviḥpṛṣṭho vā

Sanskrit only: no published translation is held for this verse.

AsvGS 2.1.6

मा नो अग्नेऽवसृजो अघायेत्येनमाशयेनाभिजुहोति

mā no agne'vasṛjo aghāyetyenamāśayenābhijuhoti

Sanskrit only: no published translation is held for this verse.

AsvGS 2.1.7

शन्नो भवन्तु वाजिनो हवेष्वित्यक्ता धाना अञ्जलिना

śanno bhavantu vājino haveṣvityaktā dhānā añjalinā

Sanskrit only: no published translation is held for this verse.

AsvGS 2.1.8

अमात्येभ्य इतरा दद्यात्

amātyebhya itarā dadyāt

Sanskrit only: no published translation is held for this verse.

AsvGS 2.1.9

कलशात्सक्तूनान्दर्वीं पूरयित्वा प्रागुपनिष्क्रम्य शुचौ देशेऽपोऽवनिनीय सर्पदेवजनेभ्यः स्वाहेति हुत्वा नमस्करोति ये सर्पाः पार्थिवा य आन्तरिक्ष्या ये दिव्या ये दिश्यास्तेभ्य इमं बलिमाहार्षं तेभ्य इमं बलिमुपाकरोमीति

kalaśātsaktūnāndarvīṃ pūrayitvā prāgupaniṣkramya śucau deśe'po'vaninīya sarpadevajanebhyaḥ svāheti hutvā namaskaroti ye sarpāḥ pārthivā ya āntarikṣyā ye divyā ye diśyāstebhya imaṃ balimāhārṣaṃ tebhya imaṃ balimupākaromīti

Sanskrit only: no published translation is held for this verse.

AsvGS 2.1.10

प्रदक्षिणं परीत्य पश्चाद्बलेरुपविश्य सर्पोऽसि सर्पतां सर्पाणामधिपतिरस्यन्नेन मनुष्यांस्त्रायसेऽपूपेन सर्पा न्यज्ञेन देवांस्त्वयि मा सन्तं त्वयि सन्तः सर्पा मा हिंसिषुर्ध्रुवान्ते परिददामीति

pradakṣiṇaṃ parītya paścādbalerupaviśya sarpo'si sarpatāṃ sarpāṇāmadhipatirasyannena manuṣyāṃstrāyase'pūpena sarpā nyajñena devāṃstvayi mā santaṃ tvayi santaḥ sarpā mā hiṃsiṣurdhruvānte paridadāmīti

Sanskrit only: no published translation is held for this verse.

AsvGS 2.1.11

ध्रुवामुन्ते ध्रुवामुन्त इत्यमात्याननुपूर्वम्

dhruvāmunte dhruvāmunta ityamātyānanupūrvam

Sanskrit only: no published translation is held for this verse.

AsvGS 2.1.12

ध्रुव मां ते परिददामीत्यात्मानमन्ततः

dhruva māṃ te paridadāmītyātmānamantataḥ

Sanskrit only: no published translation is held for this verse.

AsvGS 2.1.13

नैनमन्तरा व्यवेयुरा परिदानात्

nainamantarā vyaveyurā paridānāt