Āśvalāyana Gṛhya-sūtra 2.3

AsvGS 2.3.1

मार्गशीर्ष्यां प्रत्यवरोहणं चतुर्दश्याम्

mārgaśīrṣyāṃ pratyavarohaṇaṃ caturdaśyām

Sanskrit only: no published translation is held for this verse.

AsvGS 2.3.2

पौर्णमास्यां वा

paurṇamāsyāṃ vā

Sanskrit only: no published translation is held for this verse.

AsvGS 2.3.3

निवेशनं पुनर्नवीकृत्य लेपनस्तरणोपस्तरणैरस्तमिते पायसस्य जुहुयुरपश्वेतपदा जहि पूर्वेण चापरेण च । सप्त च वारुणीरिमाः सर्वाश्च राजबान्धवीः स्वाहा न वै श्वेतस्याभ्यागारेऽहिर्जघान किञ्चन । श्वेताय वैदार्वाय नमः स्वाहेति

niveśanaṃ punarnavīkṛtya lepanastaraṇopastaraṇairastamite pāyasasya juhuyurapaśvetapadā jahi pūrveṇa cāpareṇa ca | sapta ca vāruṇīrimāḥ sarvāśca rājabāndhavīḥ svāhā na vai śvetasyābhyāgāre'hirjaghāna kiñcana | śvetāya vaidārvāya namaḥ svāheti

Sanskrit only: no published translation is held for this verse.

AsvGS 2.3.4

नात्र सौविष्टकृत्

nātra sauviṣṭakṛt

Sanskrit only: no published translation is held for this verse.

AsvGS 2.3.5

अभयन्नः प्राजापत्येम्यो भूयादित्यग्निमीक्षमाणो जपति शिवो नः सुमना भवेति हेमन्तं मनसा ध्यायात्

abhayannaḥ prājāpatyemyo bhūyādityagnimīkṣamāṇo japati śivo naḥ sumanā bhaveti hemantaṃ manasā dhyāyāt

Sanskrit only: no published translation is held for this verse.

AsvGS 2.3.6

पश्चादग्नेः स्वस्तरः स्वास्तीर्णस्तस्मिन्नुपविश्य स्योना पृथिवि भवेति जपित्वा संविशेत्सामात्यः प्राक्शिरा उदङ्मुखः

paścādagneḥ svastaraḥ svāstīrṇastasminnupaviśya syonā pṛthivi bhaveti japitvā saṃviśetsāmātyaḥ prākśirā udaṅmukhaḥ