Āśvalāyana Gṛhya-sūtra 2.4

पशुकल्पेन पशुं संज्ञप्य प्रोक्षणोपाकरणवर्जं वपामुत्खिद्य जुहुयाद्वह वपां जातवेदः पितृभ्यो यत्रैनान्वेत्थ निहितान्पराके मेदसः कुल्या उपैनान्स्रवन्तु सत्या एता आशिषः सन्तु सर्वाः स्वाहेति

paśukalpena paśuṃ saṃjñapya prokṣaṇopākaraṇavarjaṃ vapāmutkhidya juhuyādvaha vapāṃ jātavedaḥ pitṛbhyo yatrainānvettha nihitānparāke medasaḥ kulyā upainānsravantu satyā etā āśiṣaḥ santu sarvāḥ svāheti

Sanskrit only: no published translation is held for this verse.

AsvGS 2.4.14

अथावदानानां स्थालीपाकस्य च अग्ने नय सुपथा राये अस्मानिति द्वे । ग्रीष्मो हेमन्त ऋतवः शिवा नो वर्षाः शिवा अभया शरन्नः । संवत्सरोऽधिपतिः प्राणदो नोऽहोरात्रे कृणुतां दीर्घमायुः स्वाहा । शान्ता पृथिवी शिवमन्तरिक्षं द्यौर्नो देव्यभयन्नो अस्तु । शिवा दिशः प्रदिश उद्दिशो न आपो विद्युतः परिपान्तु सर्वतः स्वाहा। आपो मरीचीः प्रवहन्तु नो धियो धाता समुद्रो वहन्तु पापं भूतं भविष्यदभयं विश्वमस्तु मे ब्रह्माधिगुप्तः स्वाराक्षराणि स्वाहा । विश्व आदित्या वसवश्च देवा रुद्रा गोप्तारो मरुतः सदन्तु । ऊर्जं प्रजाममृतं पिन्वमानः प्रजापतिर्मयि परमेष्ठी दधातु स्वाहा । प्रजापते न त्वदेतान्यन्यः

athāvadānānāṃ sthālīpākasya ca agne naya supathā rāye asmāniti dve | grīṣmo hemanta ṛtavaḥ śivā no varṣāḥ śivā abhayā śarannaḥ | saṃvatsaro'dhipatiḥ prāṇado no'horātre kṛṇutāṃ dīrghamāyuḥ svāhā | śāntā pṛthivī śivamantarikṣaṃ dyaurno devyabhayanno astu | śivā diśaḥ pradiśa uddiśo na āpo vidyutaḥ paripāntu sarvataḥ svāhā| āpo marīcīḥ pravahantu no dhiyo dhātā samudro vahantu pāpaṃ bhūtaṃ bhaviṣyadabhayaṃ viśvamastu me brahmādhiguptaḥ svārākṣarāṇi svāhā | viśva ādityā vasavaśca devā rudrā goptāro marutaḥ sadantu | ūrjaṃ prajāmamṛtaṃ pinvamānaḥ prajāpatirmayi parameṣṭhī dadhātu svāhā | prajāpate na tvadetānyanyaḥ

Sanskrit only: no published translation is held for this verse.

AsvGS 2.4.15

सौविष्टकृत्यष्टमी

sauviṣṭakṛtyaṣṭamī

Sanskrit only: no published translation is held for this verse.

AsvGS 2.4.16

ब्राह्मणान्भोजयेदित्युक्तम्

brāhmaṇānbhojayedityuktam

Sanskrit only: no published translation is held for this verse.