Āśvalāyana Gṛhya-sūtra 3.2

अथ स्वाध्यायविधिः

atha svādhyāyavidhiḥ

Sanskrit only: no published translation is held for this verse.

प्राग्वोदग्वा ग्रामान्निष्क्रम्याप आप्लुत्य शुचौ देशे यज्ञोपवीत्याचम्याक्लिन्नवासा दर्भाणां महदुपस्तीर्य प्राक्कूलानान्तेषु प्राङ्मुख उपविश्योपस्थं कृत्वा दक्षिणोत्तरौ पाणी सन्धाय पवित्रवन्तौ विज्ञायतेऽपां वा एष ओषधीनां रसो यद्दर्भाः सरसमेव तद्ब्रह्म करोति द्यावापृथिव्योः सन्धिमीक्षमाणः संमील्य वा यथा वा युक्तमात्मानं मन्येत तथा युक्तोऽधीयीत स्वाध्यायम्

prāgvodagvā grāmānniṣkramyāpa āplutya śucau deśe yajñopavītyācamyāklinnavāsā darbhāṇāṃ mahadupastīrya prākkūlānānteṣu prāṅmukha upaviśyopasthaṃ kṛtvā dakṣiṇottarau pāṇī sandhāya pavitravantau vijñāyate'pāṃ vā eṣa oṣadhīnāṃ raso yaddarbhāḥ sarasameva tadbrahma karoti dyāvāpṛthivyoḥ sandhimīkṣamāṇaḥ saṃmīlya vā yathā vā yuktamātmānaṃ manyeta tathā yukto'dhīyīta svādhyāyam

Sanskrit only: no published translation is held for this verse.

ॐपूर्वा व्याहृतीः

oṃpūrvā vyāhṛtīḥ

Sanskrit only: no published translation is held for this verse.

सावित्रीमन्वाह पच्छोर्धर्चश: सर्वामिति तृतीयम्

sāvitrīmanvāha pacchordharcaśa: sarvāmiti tṛtīyam

Sanskrit only: no published translation is held for this verse.