Āśvalāyana Gṛhya-sūtra 3.3

अथ स्वाध्यायमधीयीत ऋचो यजूंषि सामान्यथर्वाङ्गिरसो ब्राह्मणानि कल्पान्गाथा नाराशंसीरितिहासपुराणानीति

atha svādhyāyamadhīyīta ṛco yajūṃṣi sāmānyatharvāṅgiraso brāhmaṇāni kalpāngāthā nārāśaṃsīritihāsapurāṇānīti

Sanskrit only: no published translation is held for this verse.

यदृचोऽधीते पयआहुतिभिरेव तद्देवतास्तर्पयति यद्यजूंषि घृताहुतिभिर्यत्सामानि मध्वाहुतिभिर्यदथर्वाङ्गिरसः सोमाहुतिभिर्यद्ब्राह्मणानि कल्पान् गाथा नाराशंसीरितिहासपुराणानीत्यमृताहुतिभिः

yadṛco'dhīte payaāhutibhireva taddevatāstarpayati yadyajūṃṣi ghṛtāhutibhiryatsāmāni madhvāhutibhiryadatharvāṅgirasaḥ somāhutibhiryadbrāhmaṇāni kalpān gāthā nārāśaṃsīritihāsapurāṇānītyamṛtāhutibhiḥ

Sanskrit only: no published translation is held for this verse.

यदृचोऽधीते पयसः कुल्यास्य पितॄन्त्स्वधा उपक्षरन्ति यद्यजूंषि घृतस्य कुल्या यत्सामानि मध्वः कुल्या यदथर्वाङ्गिरसः सोमस्य कुल्या यद्ब्राह्मणानि कल्पान्गाथा नाराशंसीरितिहासपुराणानीत्यमृतस्य कुल्याः

yadṛco'dhīte payasaḥ kulyāsya pitṝntsvadhā upakṣaranti yadyajūṃṣi ghṛtasya kulyā yatsāmāni madhvaḥ kulyā yadatharvāṅgirasaḥ somasya kulyā yadbrāhmaṇāni kalpāngāthā nārāśaṃsīritihāsapurāṇānītyamṛtasya kulyāḥ

Sanskrit only: no published translation is held for this verse.

स यावन्मन्येत तावदधीत्यैतया परिदधाति नमो ब्रह्मणे नमोऽस्त्वग्नये नमः पृथिव्यै नम ओषधीभ्यः । नमो वाचे नमो वाचस्पतये नमो विष्णवे महते करोमीति

sa yāvanmanyeta tāvadadhītyaitayā paridadhāti namo brahmaṇe namo'stvagnaye namaḥ pṛthivyai nama oṣadhībhyaḥ | namo vāce namo vācaspataye namo viṣṇave mahate karomīti

Sanskrit only: no published translation is held for this verse.