Āśvalāyana Gṛhya-sūtra 3.8

अथैतान्युपकल्पयीत समावर्त्यमाने मणिं कुण्डले वस्त्रयुगं छत्रमुपानद्युगं दण्डं स्रजमुन्मर्दनमनुलेपनमाञ्जनमुष्णीषमित्यात्मने चाचार्याय च

athaitānyupakalpayīta samāvartyamāne maṇiṃ kuṇḍale vastrayugaṃ chatramupānadyugaṃ daṇḍaṃ srajamunmardanamanulepanamāñjanamuṣṇīṣamityātmane cācāryāya ca

Sanskrit only: no published translation is held for this verse.

यद्युभयोर्न विन्देताचार्यायैव

yadyubhayorna vindetācāryāyaiva

Sanskrit only: no published translation is held for this verse.

समिधं त्वाहरेदपराजितायान्दिशि यज्ञियस्य वृक्षस्य

samidhaṃ tvāharedaparājitāyāndiśi yajñiyasya vṛkṣasya

Sanskrit only: no published translation is held for this verse.

आर्द्रामन्नाद्यकामः पुष्टिकामस्तेजस्कामो वा ब्रह्मवर्चसकाम उपवाताम्

ārdrāmannādyakāmaḥ puṣṭikāmastejaskāmo vā brahmavarcasakāma upavātām

Sanskrit only: no published translation is held for this verse.

उभयीमुभयकामः

ubhayīmubhayakāmaḥ

Sanskrit only: no published translation is held for this verse.

उपरि समिधं कृत्वा गामन्नञ्च ब्राह्मणेभ्यः प्रदाय गौदानिकं कर्म कुर्वीत

upari samidhaṃ kṛtvā gāmannañca brāhmaṇebhyaḥ pradāya gaudānikaṃ karma kurvīta

Sanskrit only: no published translation is held for this verse.

आत्मनि मन्त्रान्त्संनमयेत्

ātmani mantrāntsaṃnamayet

Sanskrit only: no published translation is held for this verse.

एकक्लीतकेन

ekaklītakena

Sanskrit only: no published translation is held for this verse.

शीतोष्णाभिरद्भिः स्नात्वा युवं वस्त्राणि पीवसा वसाथे इत्यहते वाससी आच्छाद्याश्मनस्तेजोऽसि चक्षुर्मे पाहीति चक्षुषी आञ्जयीत

śītoṣṇābhiradbhiḥ snātvā yuvaṃ vastrāṇi pīvasā vasāthe ityahate vāsasī ācchādyāśmanastejo'si cakṣurme pāhīti cakṣuṣī āñjayīta

Sanskrit only: no published translation is held for this verse.

अश्मनस्तेजोऽसि श्रोत्रं मे पाहि इति कुण्डले आबध्नीत

aśmanastejo'si śrotraṃ me pāhi iti kuṇḍale ābadhnīta

Sanskrit only: no published translation is held for this verse.

अनुलेपनेन पाणी प्रलिप्य मुखमग्रे ब्राह्मणोऽनुलिम्पेद्बाहू राजन्य उदरं वैश्य उपस्थं स्त्र्यूरू सरणजीविनः

anulepanena pāṇī pralipya mukhamagre brāhmaṇo'nulimpedbāhū rājanya udaraṃ vaiśya upasthaṃ stryūrū saraṇajīvinaḥ

Sanskrit only: no published translation is held for this verse.

अनार्त्तास्यनार्तोऽहं भूयासमिति स्रजमपि बध्नीत न मालोक्ताम्

anārttāsyanārto'haṃ bhūyāsamiti srajamapi badhnīta na māloktām

Sanskrit only: no published translation is held for this verse.

मालेति चेद्ब्रूयुः स्रगित्यभिधापयीत

māleti cedbrūyuḥ sragityabhidhāpayīta

Sanskrit only: no published translation is held for this verse.

देवानां प्रतिष्ठे स्थः सर्वतो मा पातमित्युपानहावास्थाय दिवश्छद्मासीति च्छत्रभादत्ते

devānāṃ pratiṣṭhe sthaḥ sarvato mā pātamityupānahāvāsthāya divaśchadmāsīti cchatrabhādatte

Sanskrit only: no published translation is held for this verse.

वेणुरसि वानस्पत्योऽसि सर्वतो मा पाहीति वैणवं दण्डम्

veṇurasi vānaspatyo'si sarvato mā pāhīti vaiṇavaṃ daṇḍam

Sanskrit only: no published translation is held for this verse.

आयुष्यमिति सूक्तेन मणिं कण्ठे प्रतिमुच्योष्णीषं कृत्वा तिष्ठन्त्समिधमादध्यात्

āyuṣyamiti sūktena maṇiṃ kaṇṭhe pratimucyoṣṇīṣaṃ kṛtvā tiṣṭhantsamidhamādadhyāt

Sanskrit only: no published translation is held for this verse.