स्मृतन्निन्दा च विद्या च श्रद्धा प्रज्ञा च पञ्चमी । इष्टन्दत्तमधीतञ्च कृतं सत्यं श्रुतं व्रतम् । यदग्ने सेन्द्रस्य सप्रजापतिकस्य सऋषिकस्य सऋषिराजन्यस्य सपितृकस्य सपितृराजन्यस्य समनुष्यस्य समनुष्यराजन्यस्य साकाशस्य सातीकाशस्य सानुकाशस्य सप्रतीकाशस्य सदेवमनुष्यस्य सगन्धर्वाप्सरस्कस्य सहारण्यैश्च पशुभिर्ग्राम्यैश्च यन्म आत्मन आत्मनि व्रतन्तन्मे सर्वव्रतमिदमहमग्ने सर्वव्रतो भवामि स्वाहेति
smṛtannindā ca vidyā ca śraddhā prajñā ca pañcamī | iṣṭandattamadhītañca kṛtaṃ satyaṃ śrutaṃ vratam | yadagne sendrasya saprajāpatikasya saṛṣikasya saṛṣirājanyasya sapitṛkasya sapitṛrājanyasya samanuṣyasya samanuṣyarājanyasya sākāśasya sātīkāśasya sānukāśasya sapratīkāśasya sadevamanuṣyasya sagandharvāpsaraskasya sahāraṇyaiśca paśubhirgrāmyaiśca yanma ātmana ātmani vratantanme sarvavratamidamahamagne sarvavrato bhavāmi svāheti
Sanskrit only: no published translation is held for this verse.
ममाग्ने वर्च इति प्रत्यृचं समिधोऽभ्यादध्यात्
mamāgne varca iti pratyṛcaṃ samidho'bhyādadhyāt
Sanskrit only: no published translation is held for this verse.
यत्रैनं पूजयिष्यन्तो भवन्ति तत्रैतां रात्रीं वसेत्
yatrainaṃ pūjayiṣyanto bhavanti tatraitāṃ rātrīṃ vaset
Sanskrit only: no published translation is held for this verse.
विद्यान्ते गुरुमर्थेन निमन्त्र्यं कृत्वानुज्ञातस्य वा स्नानम्
vidyānte gurumarthena nimantryaṃ kṛtvānujñātasya vā snānam
Sanskrit only: no published translation is held for this verse.
तस्यैतानि व्रतानि भवन्ति
tasyaitāni vratāni bhavanti
Sanskrit only: no published translation is held for this verse.
न नक्तं स्नायात् । न नग्नः स्नायात् । न नग्नः शयीत । न नग्नां स्त्रियमीक्षेतान्यत्र मैथुनात् । वर्षति न धावेत्
na naktaṃ snāyāt | na nagnaḥ snāyāt | na nagnaḥ śayīta | na nagnāṃ striyamīkṣetānyatra maithunāt | varṣati na dhāvet
Sanskrit only: no published translation is held for this verse.
न वृक्षमारोहेत् । न कूपमवरोहेत् । न बाहुभ्यां नदीन्तरेत् । न संशयमभ्यापद्येत
na vṛkṣamārohet | na kūpamavarohet | na bāhubhyāṃ nadīntaret | na saṃśayamabhyāpadyeta
Sanskrit only: no published translation is held for this verse.
महद्वै भूतं स्नातको भवतीति विज्ञायते
mahadvai bhūtaṃ snātako bhavatīti vijñāyate
Sanskrit only: no published translation is held for this verse.