Āśvalāyana Gṛhya-sūtra 4.1

आहिताग्निश्चेदुपतपेत्प्राच्यामुदीच्यामपराजितायां वा दिश्युदवस्येत्

āhitāgniścedupatapetprācyāmudīcyāmaparājitāyāṃ vā diśyudavasyet

Sanskrit only: no published translation is held for this verse.

ग्रामकामा अग्नय इत्युदाहरन्ति

grāmakāmā agnaya ityudāharanti

Sanskrit only: no published translation is held for this verse.

आशंसन्त एनं ग्राममाजिगमिषन्तोऽगदङ्कुर्युरिति ह विज्ञायते

āśaṃsanta enaṃ grāmamājigamiṣanto'gadaṅkuryuriti ha vijñāyate

Sanskrit only: no published translation is held for this verse.

अगदः सोमेन पशुनेष्ट्येष्ट्वावस्येत्

agadaḥ somena paśuneṣṭyeṣṭvāvasyet

Sanskrit only: no published translation is held for this verse.

अनिष्ट्वा वा

aniṣṭvā vā

Sanskrit only: no published translation is held for this verse.

संस्थिते भूमिभागं खानयेद्दक्षिणपूर्वस्यान्दिशि दक्षिणापरस्यां वा

saṃsthite bhūmibhāgaṃ khānayeddakṣiṇapūrvasyāndiśi dakṣiṇāparasyāṃ vā

Sanskrit only: no published translation is held for this verse.

दक्षिणाप्रवणं प्राग्दक्षिणाप्रवणं वा प्रत्यग्दक्षिणाप्रवणमित्येके

dakṣiṇāpravaṇaṃ prāgdakṣiṇāpravaṇaṃ vā pratyagdakṣiṇāpravaṇamityeke

Sanskrit only: no published translation is held for this verse.

यावानुद्वाहुकः पुरुषस्तावदायामम्

yāvānudvāhukaḥ puruṣastāvadāyāmam

Sanskrit only: no published translation is held for this verse.

व्याममात्रन्तिर्यक्

vyāmamātrantiryak

Sanskrit only: no published translation is held for this verse.

वितस्त्यवाक

vitastyavāka

Sanskrit only: no published translation is held for this verse.

अभित आकाशं श्मशानम्

abhita ākāśaṃ śmaśānam

Sanskrit only: no published translation is held for this verse.

बहुलौषधिकम्

bahulauṣadhikam

Sanskrit only: no published translation is held for this verse.

कण्टकिक्षीरिणस्त्विति यथोक्तं पुरस्तात्

kaṇṭakikṣīriṇastviti yathoktaṃ purastāt

Sanskrit only: no published translation is held for this verse.

यत्र सर्वत आपः प्रस्यन्देरन्नेतदादहनस्य लक्षणं श्मशानस्य

yatra sarvata āpaḥ prasyanderannetadādahanasya lakṣaṇaṃ śmaśānasya

Sanskrit only: no published translation is held for this verse.

केशश्मश्रुलोमनखानीत्युक्तं पुरस्तात्

keśaśmaśrulomanakhānītyuktaṃ purastāt

Sanskrit only: no published translation is held for this verse.

द्विगुल्फं बर्हिराज्यञ्च

dvigulphaṃ barhirājyañca

Sanskrit only: no published translation is held for this verse.

दधन्यत्र सर्पिरानयन्त्येतत्पित्र्यं पृषदाज्यम्

dadhanyatra sarpirānayantyetatpitryaṃ pṛṣadājyam

Sanskrit only: no published translation is held for this verse.