Āśvalāyana Gṛhya-sūtra 4.4

AsvGS 4.4.1

प्रेष्यति युगपदग्नीन्प्रज्वालयतेति

preṣyati yugapadagnīnprajvālayateti

Sanskrit only: no published translation is held for this verse.

AsvGS 4.4.2

आहवनीयश्चेत्पूर्वं प्राप्नुयात्स्वर्गलोक एनं प्रापदिति विद्याद्रात्स्यत्यसावमुत्रैवमयमस्मिन्निति पुत्रः

āhavanīyaścetpūrvaṃ prāpnuyātsvargaloka enaṃ prāpaditi vidyādrātsyatyasāvamutraivamayamasminniti putraḥ

Sanskrit only: no published translation is held for this verse.

AsvGS 4.4.3

गार्हपत्यश्चेत् पूर्वं प्राप्नुयादन्तरिक्षलोक एनं प्रापदिति विद्याद्रात्स्यत्यसावमुत्रैवमयमस्मिन्निति पुत्रः

gārhapatyaścet pūrvaṃ prāpnuyādantarikṣaloka enaṃ prāpaditi vidyādrātsyatyasāvamutraivamayamasminniti putraḥ

Sanskrit only: no published translation is held for this verse.

AsvGS 4.4.4

दक्षिणाग्निश्चेत्पूर्वं प्राप्नुयान्मनुष्यलोक एनं प्रापदिति विद्याद्रात्स्यत्यसावमुत्रैवमयमस्मिन्निति पुत्रः

dakṣiṇāgniścetpūrvaṃ prāpnuyānmanuṣyaloka enaṃ prāpaditi vidyādrātsyatyasāvamutraivamayamasminniti putraḥ

Sanskrit only: no published translation is held for this verse.

AsvGS 4.4.5

युगपत्प्राप्तौ परामृद्धिं वदन्ति

yugapatprāptau parāmṛddhiṃ vadanti

Sanskrit only: no published translation is held for this verse.

AsvGS 4.4.6

तन्दह्यमानमनुमन्त्रयते प्रेहि प्रेहि पथिभिः पूर्व्येभिरिति समानम्

tandahyamānamanumantrayate prehi prehi pathibhiḥ pūrvyebhiriti samānam

Sanskrit only: no published translation is held for this verse.

AsvGS 4.4.7

स एवंविदा दह्यमानः सहैव धूमेन स्वर्गं लोकमेतीति ह विज्ञायते

sa evaṃvidā dahyamānaḥ sahaiva dhūmena svargaṃ lokametīti ha vijñāyate

Sanskrit only: no published translation is held for this verse.

AsvGS 4.4.8

उत्तरपुरस्तादाहवनीयस्य जानुमात्रङ्गर्तं खात्वावकां शीपालमित्यवधापयेत्ततो ह वा एष निष्क्रम्य सहैव धूमेन स्वर्गं लोकमेतीति ह विज्ञायते

uttarapurastādāhavanīyasya jānumātraṅgartaṃ khātvāvakāṃ śīpālamityavadhāpayettato ha vā eṣa niṣkramya sahaiva dhūmena svargaṃ lokametīti ha vijñāyate

Sanskrit only: no published translation is held for this verse.

AsvGS 4.4.9

इमे जीवा वि मृतैराववृत्रन्निति सव्यावृतो व्रजन्त्यनवेक्ष्यमाणाः

ime jīvā vi mṛtairāvavṛtranniti savyāvṛto vrajantyanavekṣyamāṇāḥ

Sanskrit only: no published translation is held for this verse.

AsvGS 4.4.10

यत्रोदकमवहद्भवति तत्प्राप्य सकृदुन्मज्ज्यैकाञ्जलिमुत्सृज्य तस्य गोत्रं नाम च गृहीत्वोत्तीर्यान्यानि वासांसि परिधाय सकृदेनान्यापीड्योदग्दशानि विसृज्यासत आनक्षत्रदर्शनात्

yatrodakamavahadbhavati tatprāpya sakṛdunmajjyaikāñjalimutsṛjya tasya gotraṃ nāma ca gṛhītvottīryānyāni vāsāṃsi paridhāya sakṛdenānyāpīḍyodagdaśāni visṛjyāsata ānakṣatradarśanāt

Sanskrit only: no published translation is held for this verse.

AsvGS 4.4.11

आदित्यस्य वा दृश्यमाने प्रविशेयुः

ādityasya vā dṛśyamāne praviśeyuḥ

Sanskrit only: no published translation is held for this verse.

AsvGS 4.4.12

कनिष्ठप्रथमा ज्येष्ठजघन्याः

kaniṣṭhaprathamā jyeṣṭhajaghanyāḥ

Sanskrit only: no published translation is held for this verse.

AsvGS 4.4.13

प्राप्यागारमश्मानमग्निङ्गोमयमक्षतांस्तिलानप उपस्पृशन्ति

prāpyāgāramaśmānamagniṅgomayamakṣatāṃstilānapa upaspṛśanti