Āśvalāyana Gṛhya-sūtra 4.6

गुरुणाभिमृता अन्यतोवापक्षीयमाणा अमावास्यायां शान्तिकर्म कुर्वीरन्

guruṇābhimṛtā anyatovāpakṣīyamāṇā amāvāsyāyāṃ śāntikarma kurvīran

Sanskrit only: no published translation is held for this verse.

पुरोदयादग्निं सहभस्मानं सहायतनं दक्षिणा हरेयुः क्रव्यादमग्निं प्रहिणोमि दूरमित्यर्द्धर्चेन

purodayādagniṃ sahabhasmānaṃ sahāyatanaṃ dakṣiṇā hareyuḥ kravyādamagniṃ prahiṇomi dūramityarddharcena

Sanskrit only: no published translation is held for this verse.

तं चतुष्पथे न्युप्य यत्र वा त्रिः प्रसव्यं परियन्ति सव्यैः पाणिभिः सव्यानूरूनाघ्नानाः

taṃ catuṣpathe nyupya yatra vā triḥ prasavyaṃ pariyanti savyaiḥ pāṇibhiḥ savyānūrūnāghnānāḥ

Sanskrit only: no published translation is held for this verse.

अथानवेक्षं प्रत्याव्रज्याप उपस्पृश्य केशश्मश्रुलोमनखानि वापयित्वोपकल्पयीरन्नवान्मणिकान्कुम्भानाचमनीयांश्च शमीसुमनोमालिनः शमीमयमिध्मं शमीमय्यावरणी परिधींश्चानडुहङ्गोमयञ्चर्म च नवनीतमश्मानं च यावत्योयुवतयस्तावन्ति कुशपिञ्जूलानि

athānavekṣaṃ pratyāvrajyāpa upaspṛśya keśaśmaśrulomanakhāni vāpayitvopakalpayīrannavānmaṇikānkumbhānācamanīyāṃśca śamīsumanomālinaḥ śamīmayamidhmaṃ śamīmayyāvaraṇī paridhīṃścānaḍuhaṅgomayañcarma ca navanītamaśmānaṃ ca yāvatyoyuvatayastāvanti kuśapiñjūlāni

Sanskrit only: no published translation is held for this verse.

अग्निवेलायामग्निं जनयेदिहैवायमितरो जातवेदा इत्यर्धर्चेन

agnivelāyāmagniṃ janayedihaivāyamitaro jātavedā ityardharcena

Sanskrit only: no published translation is held for this verse.

तन्दीपयमाना आसत आ शान्तरात्रादायुष्मतां कथाः कीर्तयन्तो माङ्गल्यानीतिहासपुराणानीत्याख्यापयमानाः

tandīpayamānā āsata ā śāntarātrādāyuṣmatāṃ kathāḥ kīrtayanto māṅgalyānītihāsapurāṇānītyākhyāpayamānāḥ

Sanskrit only: no published translation is held for this verse.

उपरतेषु शब्देषु सम्प्रविष्टेषु वा गृहन्निवेशनं वा दक्षिणद्वारपक्षात्प्रक्रम्याविच्छिन्नामुदकधारां हरेत्तन्तुन्तन्वन्रजसोभानुमन्विहीत्युत्तरस्मात्

uparateṣu śabdeṣu sampraviṣṭeṣu vā gṛhanniveśanaṃ vā dakṣiṇadvārapakṣātprakramyāvicchinnāmudakadhārāṃ harettantuntanvanrajasobhānumanvihītyuttarasmāt

Sanskrit only: no published translation is held for this verse.

अथाग्निमुपसमाधाय पश्चादस्यानडुहञ्चर्मास्तीर्य प्राग्ग्रीवमुत्तरलोम तस्मिन्नमात्यानारोहयेदारोहतायुर्जरसं वृणाना इति

athāgnimupasamādhāya paścādasyānaḍuhañcarmāstīrya prāggrīvamuttaraloma tasminnamātyānārohayedārohatāyurjarasaṃ vṛṇānā iti

Sanskrit only: no published translation is held for this verse.

इमं जीवेभ्यः परिधिं दधामीति परिधिं परिदध्यात्

imaṃ jīvebhyaḥ paridhiṃ dadhāmīti paridhiṃ paridadhyāt

Sanskrit only: no published translation is held for this verse.

अन्तर्मृत्युन्दधतां पर्वतेनेत्यश्मानमित्युत्तरतोऽग्नेः कृत्वा परं मृत्यो अनु परेहि पन्थामिति चतसृभिः प्रत्यृचं हुत्वा यथाहान्यनुपूर्वं भवन्तीत्यमात्यानीक्षेत

antarmṛtyundadhatāṃ parvatenetyaśmānamityuttarato'gneḥ kṛtvā paraṃ mṛtyo anu parehi panthāmiti catasṛbhiḥ pratyṛcaṃ hutvā yathāhānyanupūrvaṃ bhavantītyamātyānīkṣeta

Sanskrit only: no published translation is held for this verse.

युवतयः पृथक्पाणिभ्यां दर्भतरुणकैर्नवनीतेनाङ्गुष्ठोपकनिष्ठिकाभ्यामक्षिणी आज्य पराच्यो विसृजेयुः

yuvatayaḥ pṛthakpāṇibhyāṃ darbhataruṇakairnavanītenāṅguṣṭhopakaniṣṭhikābhyāmakṣiṇī ājya parācyo visṛjeyuḥ

Sanskrit only: no published translation is held for this verse.

इमा नारीरविधवाः सुपत्नीरित्यञ्जाना ईक्षेत

imā nārīravidhavāḥ supatnīrityañjānā īkṣeta

Sanskrit only: no published translation is held for this verse.

अश्मन्वतीरीयते संरभध्वमित्यश्मानङ्कर्ता प्रथमोऽभिमृशेत्

aśmanvatīrīyate saṃrabhadhvamityaśmānaṅkartā prathamo'bhimṛśet

Sanskrit only: no published translation is held for this verse.

अथापराजितायान्दिश्यवस्थायाग्निनानडुहेन गोमयेन चाविच्छिन्नया चोदकधारयापो हि ष्ठा मयोभुव इति तृचेन परीमे गामनेषतेति परिक्रामत्सु जपेत्

athāparājitāyāndiśyavasthāyāgninānaḍuhena gomayena cāvicchinnayā codakadhārayāpo hi ṣṭhā mayobhuva iti tṛcena parīme gāmaneṣateti parikrāmatsu japet

Sanskrit only: no published translation is held for this verse.

पिङ्गलोऽनड्वान्परिणेयः स्यादित्युदाहरन्ति

piṅgalo'naḍvānpariṇeyaḥ syādityudāharanti

Sanskrit only: no published translation is held for this verse.

अथोपविशन्ति यत्राभिरंस्यमाना भवत्यहतेन वाससा प्रच्छाद्य

athopaviśanti yatrābhiraṃsyamānā bhavatyahatena vāsasā pracchādya

Sanskrit only: no published translation is held for this verse.

आसतेऽस्वपन्त ओदयात्

āsate'svapanta odayāt

Sanskrit only: no published translation is held for this verse.

उदित आदित्ये सौर्याणि स्वस्त्ययनानि च जपित्वान्नं संस्कृत्याप नः शोशुचदघमिति प्रत्यृचं हुत्वा ब्राह्मणान्भोजयित्वा स्वस्त्ययनं वाचयीत गौः कंसोऽहतं वासश्च दक्षिणा

udita āditye sauryāṇi svastyayanāni ca japitvānnaṃ saṃskṛtyāpa naḥ śośucadaghamiti pratyṛcaṃ hutvā brāhmaṇānbhojayitvā svastyayanaṃ vācayīta gauḥ kaṃso'hataṃ vāsaśca dakṣiṇā

Sanskrit only: no published translation is held for this verse.