अष्टावक्र उवाच आचक्ष्व शृणु वा तात नाना-शास्त्राण्य्-अनेकशः । तथापि न तव स्वास्थ्यं सर्व-विस्मरणाद् ऋते
aṣṭāvakra uvāca ācakṣva śṛṇu vā tāta nānā-śāstrāṇy-anekaśaḥ / tathāpi na tava svāsthyaṃ sarva-vismaraṇād ṛte
Sanskrit only: no published translation is held for this verse.
भोगं कर्म समाधिं वा कुरु विज्ञ तथापि ते । चित्तं निरस्त-सर्वाशम् अत्यर्थं रोचयिष्यति
bhogaṃ karma samādhiṃ vā kuru vijña tathāpi te / cittaṃ nirasta-sarvāśam atyarthaṃ rocayiṣyati
Sanskrit only: no published translation is held for this verse.
आयासात् सकलो दुःखी नैनं जानाति कश्चन । अनेनैवोपदेशेन धन्यः प्राप्नोति निर्वृतिम्
āyāsāt sakalo duḥkhī nainaṃ jānāti kaścana / anenaivopadeśena dhanyaḥ prāpnoti nirvṛtim
Sanskrit only: no published translation is held for this verse.
व्यापारे खिद्यते यस् तु निमेषोन्मेषयोर् अपि । तस्यालस्यधुरीणस्य सुखं नान्यस्य कस्यचित्
vyāpāre khidyate yas tu nimeṣonmeṣayor api / tasyālasyadhurīṇasya sukhaṃ nānyasya kasyacit
Sanskrit only: no published translation is held for this verse.
इदं कृतम् इदं नेति द्वन्द्वैर् मुक्तं यदा मनः । धर्मार्थ-काम-मोक्षेषु निरपेक्षं तदा भवेत्
idaṃ kṛtam idaṃ neti dvandvair muktaṃ yadā manaḥ / dharmārtha-kāma-mokṣeṣu nirapekṣaṃ tadā bhavet
Sanskrit only: no published translation is held for this verse.
विरक्तो विषय-द्वेष्टा रागी विषय-लोलुपः । ग्रह-मोक्ष-विहीनस् तु न विरक्तो न रागवान्
virakto viṣaya-dveṣṭā rāgī viṣaya-lolupaḥ / graha-mokṣa-vihīnas tu na virakto na rāgavān
Sanskrit only: no published translation is held for this verse.
हेयोपादेयता तावत् संसार-विटपाङ्कुरः । स्पृहा जीवति यावद् वै निर्विचारदशास्पदम्
heyopādeyatā tāvat saṃsāra-viṭapāṅkuraḥ / spṛhā jīvati yāvad vai nirvicāradaśāspadam
Sanskrit only: no published translation is held for this verse.
प्रवृत्तौ जायते रागो निर्वृत्तौ द्वेष एव हि । निर्द्वन्द्वो बालवद् धीमान् एवम् एव व्यव-स्थितः
pravṛttau jāyate rāgo nirvṛttau dveṣa eva hi / nirdvandvo bālavad dhīmān evam eva vyava-sthitaḥ
Sanskrit only: no published translation is held for this verse.
हातुम् इच्छति संसारं रागी दुःख-जिहासया । वीत-रागो हि निर्दुःखस् तस्मिन्न् अपि न खिद्यति
hātum icchati saṃsāraṃ rāgī duḥkha-jihāsayā / vīta-rāgo hi nirduḥkhas tasminn api na khidyati
Sanskrit only: no published translation is held for this verse.
यस्याभिमानो मोक्षे ऽपि देहे ऽपि ममता तथा । न च ज्ञानी न वा योगी केवलं दुःखभाग् असौ
yasyābhimāno mokṣe 'pi dehe 'pi mamatā tathā / na ca jñānī na vā yogī kevalaṃ duḥkhabhāg asau
Sanskrit only: no published translation is held for this verse.
हरो यद्य् उपदेष्टा ते हरिः कमल-जो ऽपि वा । तथापि न तव स्वास्थ्यं सर्व-विस्मरणाद् ऋते
haro yady upadeṣṭā te hariḥ kamala-jo 'pi vā / tathāpi na tava svāsthyaṃ sarva-vismaraṇād ṛte
Sanskrit only: no published translation is held for this verse.