जनक उवाच मय्य् अनन्त-महाम्भोधौ विश्व-पोत इतस्-ततः । भ्रमति स्वान्त-वातेन न ममास्त्य् असहिष्णुता
janaka uvāca mayy ananta-mahāmbhodhau viśva-pota itas-tataḥ / bhramati svānta-vātena na mamāsty asahiṣṇutā
Sanskrit only: no published translation is held for this verse.
मय्य् अनन्त-महाम्भोधौ जगद्-वीचिः स्वभावतः । उदेतु वस्तम् आयातु न मे वृद्धिर् न च क्षतिः
mayy ananta-mahāmbhodhau jagad-vīciḥ svabhāvataḥ / udetu vastam āyātu na me vṛddhir na ca kṣatiḥ
Sanskrit only: no published translation is held for this verse.
मय्य् अनन्त-महाम्भोधौ विश्वं नाम विकल्पना । अतिशान्तो निराकार एतद् एवाहम् आस्थितः
mayy ananta-mahāmbhodhau viśvaṃ nāma vikalpanā / atiśānto nirākāra etad evāham āsthitaḥ
Sanskrit only: no published translation is held for this verse.
नात्मा भावेषु नो भावस् तत्रानन्ते निरन्जने । इत्य् असक्तो ऽस्पृहः शान्त एतद् एवाहम् आस्तितः
nātmā bhāveṣu no bhāvas tatrānante niranjane / ity asakto 'spṛhaḥ śānta etad evāham āstitaḥ
Sanskrit only: no published translation is held for this verse.
अहो चिन्-मात्रम् एवाहम् इन्द्र-जालोपमं जगत् । अतो मम कथं कुत्र हेयोपादेय-कल्पना
aho cin-mātram evāham indra-jālopamaṃ jagat / ato mama kathaṃ kutra heyopādeya-kalpanā
Sanskrit only: no published translation is held for this verse.