Varāhamihira: Bṛhatsaṃhitā 11

गार्गीयं शिखि^चारं पाराशरम् असितदेवल^कृतं च। अन्यांश् च बहून् दृष्ट्वा क्रियते +अयम् अनाकुलश् चारः॥

gārgīyaṃ śikhi^cāraṃ pārāśaram asitadevala^kṛtaṃ ca/ anyāṃś ca bahūn dṛṣṭvā kriyate +ayam anākulaś cāraḥ//

Sanskrit only: no published translation is held for this verse.

दर्शनम् अस्तमयो वा न गणितविधिना^अस्य शक्यते ज्ञातुम्। दिव्य^अन्तरिक्ष^भौमास् त्रिविधाः स्युः केतवो यस्मात्॥

darśanam astamayo vā na gaṇitavidhinā^asya śakyate jñātum/ divya^antarikṣa^bhaumās trividhāḥ syuḥ ketavo yasmāt//

Sanskrit only: no published translation is held for this verse.

अहुताशे +अनलरूपं यस्मिंस् तत्^केतुरूपम् एव^उक्तम्। खद्योत^पिशाचालय^मणि^रत्न^आदीन् परित्यज्य॥

ahutāśe +analarūpaṃ yasmiṃs tat^keturūpam eva^uktam/ khadyota^piśācālaya^maṇi^ratna^ādīn parityajya//

Sanskrit only: no published translation is held for this verse.

ध्वज^शस्त्र^भवन^तरु^तुरग^कुञ्जर^आद्येष्व् अथ^अन्तरिक्षास् ते। दिव्या नक्षत्रस्था भौमाः स्युर् अतो +अन्यथा शिखिनः॥

dhvaja^śastra^bhavana^taru^turaga^kuñjara^ādyeṣv atha^antarikṣās te/ divyā nakṣatrasthā bhaumāḥ syur ato +anyathā śikhinaḥ//

Sanskrit only: no published translation is held for this verse.

शतम् एक^अधिकम् एके सहस्रम् अपरे वदन्ति केतूनाम्। बहुरूपम् एकम् एव प्राह मुनिर् नारदः केतुम्॥

śatam eka^adhikam eke sahasram apare vadanti ketūnām/ bahurūpam ekam eva prāha munir nāradaḥ ketum//

Sanskrit only: no published translation is held for this verse.

यद्य् एको यदि बहवः किम् अनेन फलं तु सर्वथा वाच्यम्। उदय^अस्तमयैः स्थानैः स्पर्शैर् आधूमनैर् वर्णैः।

yady eko yadi bahavaḥ kim anena phalaṃ tu sarvathā vācyam/ udaya^astamayaiḥ sthānaiḥ sparśair ādhūmanair varṇaiḥ/

Sanskrit only: no published translation is held for this verse.

यावन्त्य् अहानि दृश्यो मासास् तावन्त एव फलपाकः। मासैर् अब्दांश् च वदेत् प्रथमात् पक्षत्रयात् परतः॥

yāvanty ahāni dṛśyo māsās tāvanta eva phalapākaḥ/ māsair abdāṃś ca vadet prathamāt pakṣatrayāt parataḥ//

Sanskrit only: no published translation is held for this verse.

ह्रस्वस् तनुः प्रसन्नः स्निग्धस् त्व् ऋजुर् अचिर^संस्थितः शुक्लः। उदितो *+अथ वा^अभिवृष्टः[क्वा^अप्य् अभिदृष्टः] सुभिक्ष^सौख्यावहः केतुः॥

hrasvas tanuḥ prasannaḥ snigdhas tv ṛjur acira^saṃsthitaḥ śuklaḥ/ udito *+atha vā^abhivṛṣṭaḥ[K.vā^apy abhidṛṣṭaḥ] subhikṣa^saukhyāvahaḥ ketuḥ//

Sanskrit only: no published translation is held for this verse.

उक्त^विपरीत^रूपो न शुभकरो धूमकेतुर् उत्पन्नः। इन्द्रायुध^अनुकारी विशेषतो द्वित्रिचूलो वा॥

ukta^viparīta^rūpo na śubhakaro dhūmaketur utpannaḥ/ indrāyudha^anukārī viśeṣato dvitricūlo vā//

Sanskrit only: no published translation is held for this verse.

हार^मणि^हेम^रूपाः किरण^आख्याः पञ्चविंशतिः सशिखाः। प्रागपरदिशोर् दृश्या नृपति^विरोधावहा रविजाः॥

hāra^maṇi^hema^rūpāḥ kiraṇa^ākhyāḥ pañcaviṃśatiḥ saśikhāḥ/ prāgaparadiśor dṛśyā nṛpati^virodhāvahā ravijāḥ//

Sanskrit only: no published translation is held for this verse.

शुक^दहन^बन्धुजीवक^लाक्षा^क्षतज^उपमा हुताशसुताः। आग्नेय्यां दृश्यन्ते तावन्तस् ते +अपि शिखिभयदाः॥

śuka^dahana^bandhujīvaka^lākṣā^kṣataja^upamā hutāśasutāḥ/ āgneyyāṃ dṛśyante tāvantas te +api śikhibhayadāḥ//

Sanskrit only: no published translation is held for this verse.

वक्रशिखा मृत्युसुता रूक्षाः कृष्णाश् च ते +अपि तावन्तः। दृश्यन्ते याम्यायां जन^मरक^आवेदिनस् ते च॥

vakraśikhā mṛtyusutā rūkṣāḥ kṛṣṇāś ca te +api tāvantaḥ/ dṛśyante yāmyāyāṃ jana^maraka^āvedinas te ca//

Sanskrit only: no published translation is held for this verse.

दर्पण^वृत्त^आकारा विशिखाः किरणान्विता धरातनयाः। क्षुद्भयदा द्वाविंशतिर् ऐशान्याम् अम्बुतैलनिभाः॥

darpaṇa^vṛtta^ākārā viśikhāḥ kiraṇānvitā dharātanayāḥ/ kṣudbhayadā dvāviṃśatir aiśānyām ambutailanibhāḥ//

Sanskrit only: no published translation is held for this verse.

शशिकिरण^रजत^हिम^कुमुद^कुन्द^कुसुम^उपमाः सुताः शशिनः। उत्तरतो दृश्यन्ते त्रयः सुभिक्षावहाः शिखिनः॥

śaśikiraṇa^rajata^hima^kumuda^kunda^kusuma^upamāḥ sutāḥ śaśinaḥ/ uttarato dṛśyante trayaḥ subhikṣāvahāḥ śikhinaḥ//

Sanskrit only: no published translation is held for this verse.

ब्रह्मसुत एक एव त्रिशिखो वर्णैस् त्रिभिर् युगान्तकरः। अनियतदिक्सम्प्रभवो विज्ञेयो ब्रह्मदण्डाख्यः॥

brahmasuta eka eva triśikho varṇais tribhir yugāntakaraḥ/ aniyatadiksamprabhavo vijñeyo brahmadaṇḍākhyaḥ//

Sanskrit only: no published translation is held for this verse.

शतम् अभिहितम् एकसमेतम् एतद् एकेन विरहितान्य् अस्मात्। कथयिष्ये केतूनां शतानि नव लक्षणैः स्पष्टैः॥

śatam abhihitam ekasametam etad ekena virahitāny asmāt/ kathayiṣye ketūnāṃ śatāni nava lakṣaṇaiḥ spaṣṭaiḥ//

Sanskrit only: no published translation is held for this verse.

सौम्यैशान्योर् उदयं शुक्रसुता यान्ति चतुरशीत्याख्याः। विपुलसिततारकास् ते स्निग्धाश् च भवन्ति तीव्रफलाः॥

saumyaiśānyor udayaṃ śukrasutā yānti caturaśītyākhyāḥ/ vipulasitatārakās te snigdhāś ca bhavanti tīvraphalāḥ//

Sanskrit only: no published translation is held for this verse.

स्निग्धाः प्रभा^समेता द्विशिखाः षष्टिः शनैश्चराङ्गरुहाः। अतिकष्टफला दृश्याः सर्वत्रैते कनकसंज्ञाः॥

snigdhāḥ prabhā^sametā dviśikhāḥ ṣaṣṭiḥ śanaiścarāṅgaruhāḥ/ atikaṣṭaphalā dṛśyāḥ sarvatraite kanakasaṃjñāḥ//

Sanskrit only: no published translation is held for this verse.

विकचा नाम गुरुसुताः सित^एकताराः शिखापरित्यक्ताः। षष्टिः पञ्चभिर् अधिका स्निग्धा याम्याश्रिताः पापाः॥

vikacā nāma gurusutāḥ sita^ekatārāḥ śikhāparityaktāḥ/ ṣaṣṭiḥ pañcabhir adhikā snigdhā yāmyāśritāḥ pāpāḥ//

Sanskrit only: no published translation is held for this verse.

न^अतिव्यक्ताः सूक्ष्मा दीर्घाः शुक्ला यथा^इष्ट^दिक्^प्रभवाः। बुधजास् तस्करसंज्ञाः पापफलास् त्व् एकपञ्चाशत्॥

na^ativyaktāḥ sūkṣmā dīrghāḥ śuklā yathā^iṣṭa^dik^prabhavāḥ/ budhajās taskarasaṃjñāḥ pāpaphalās tv ekapañcāśat//

Sanskrit only: no published translation is held for this verse.

क्षतज^अनल^अनुरूपास् त्रि^चूल^ताराः कुजात्मजाः षष्टिः। नाम्ना च कौङ्कुमास् ते सौम्याशासंस्थिताः पापाः॥

kṣataja^anala^anurūpās tri^cūla^tārāḥ kujātmajāḥ ṣaṣṭiḥ/ nāmnā ca kauṅkumās te saumyāśāsaṃsthitāḥ pāpāḥ//

Sanskrit only: no published translation is held for this verse.

त्रिंशत्य् अधिका राहोस् ते तामसकीलका इति ख्याताः। रविशशिगा दृश्यन्ते तेषां फलम् अर्कचारोक्तम्॥

triṃśaty adhikā rāhos te tāmasakīlakā iti khyātāḥ/ raviśaśigā dṛśyante teṣāṃ phalam arkacāroktam//

Sanskrit only: no published translation is held for this verse.

विंशत्यधिकम् अन्यत्^शतम् अग्नेर् विश्वरूपसंज्ञानाम्। तीव्र^अनल^भयदानां ज्वालामालाकुलतनूनाम्॥

viṃśatyadhikam anyat^śatam agner viśvarūpasaṃjñānām/ tīvra^anala^bhayadānāṃ jvālāmālākulatanūnām//

Sanskrit only: no published translation is held for this verse.

श्यामारुणा विताराश् चामररूपा विकीर्णदीधितयः। अरुणाख्या वायोः सप्तसप्ततिः पापदाः परुषाः॥

śyāmāruṇā vitārāś cāmararūpā vikīrṇadīdhitayaḥ/ aruṇākhyā vāyoḥ saptasaptatiḥ pāpadāḥ paruṣāḥ//

Sanskrit only: no published translation is held for this verse.

तारापुञ्जनिकाशा गणका नाम प्रजापतेर् अष्टौ। द्वे च शते चतुरधिके *चतुरस्रा[क्चतुरश्रा] ब्रह्मसन्तानाः॥

tārāpuñjanikāśā gaṇakā nāma prajāpater aṣṭau/ dve ca śate caturadhike *caturasrā[K.caturaśrā] brahmasantānāḥ//

Sanskrit only: no published translation is held for this verse.

कङ्का नाम वरुणजा द्वात्रिंशद्^वंश^गुल्म^संस्थानाः। शशिवत्^प्रभा^समेतास् तीव्रफलाः केतवः प्रोक्ताः॥

kaṅkā nāma varuṇajā dvātriṃśad^vaṃśa^gulma^saṃsthānāḥ/ śaśivat^prabhā^sametās tīvraphalāḥ ketavaḥ proktāḥ//

Sanskrit only: no published translation is held for this verse.

षण्णवतिः कालसुताः कबन्ध^संज्ञाः कबन्ध^संस्थानाः। *पुण्ड्र[क्चण्ड]^अभय^प्रदाः स्युर् विरूप^ताराश् च ते शिखिनः॥

ṣaṇṇavatiḥ kālasutāḥ kabandha^saṃjñāḥ kabandha^saṃsthānāḥ/ *puṇḍra[K.caṇḍa]^abhaya^pradāḥ syur virūpa^tārāś ca te śikhinaḥ//

Sanskrit only: no published translation is held for this verse.

शुक्ल^विपुल^एकतारा नव विदिशां केतवः समुत्पन्नाः। एवं केतु^सहस्रं विशेषम् एषाम् अतो वक्ष्ये॥

śukla^vipula^ekatārā nava vidiśāṃ ketavaḥ samutpannāḥ/ evaṃ ketu^sahasraṃ viśeṣam eṣām ato vakṣye//

Sanskrit only: no published translation is held for this verse.

उदगायतो महान् स्निग्ध^मूर्तिर् अपरोदयी वसाकेतुः। सद्यः करोति मरकं सुभिक्षम् अप्य् उत्तमं कुरुते॥

udagāyato mahān snigdha^mūrtir aparodayī vasāketuḥ/ sadyaḥ karoti marakaṃ subhikṣam apy uttamaṃ kurute//

Sanskrit only: no published translation is held for this verse.

तल्लक्षणो +अस्थिकेतुः स तु रूक्षः क्षुद्^भय^आवहः प्रोक्तः। स्निग्धस् तादृक् प्राच्यां शस्त्राख्यो डमर^मरकाय॥

tallakṣaṇo +asthiketuḥ sa tu rūkṣaḥ kṣud^bhaya^āvahaḥ proktaḥ/ snigdhas tādṛk prācyāṃ śastrākhyo ḍamara^marakāya//

Sanskrit only: no published translation is held for this verse.

दृश्यो +अमावास्यायां कपालकेतुः सधूम्र^रश्मि^शिखः। प्राङ् नभसो +अर्धविचारी क्षुत्^मरक^अवृष्टि^रोग^करः॥

dṛśyo +amāvāsyāyāṃ kapālaketuḥ sadhūmra^raśmi^śikhaḥ/ prāṅ nabhaso +ardhavicārī kṣut^maraka^avṛṣṭi^roga^karaḥ//

Sanskrit only: no published translation is held for this verse.

प्राग् *वैश्वानर[क्वश्वानर, क्ऽस् त्र्। वैश्वानर]मार्गे शूलाग्रः श्याव^रूक्ष^ताम्र^अर्चिः। नभसस्त्रिभागगामी रौद्र इति कपालतुल्यफलः॥

prāg *vaiśvānara[K.vaśvānara, K's tr. vaiśvānara]mārge śūlāgraḥ śyāva^rūkṣa^tāmra^arciḥ/ nabhasastribhāgagāmī raudra iti kapālatulyaphalaḥ//

Sanskrit only: no published translation is held for this verse.

अपरस्यां चलकेतुः शिखया याम्याग्रयाङ्गुल^उच्छ्रितया। गच्छेद् यथा यथोदक् तथा तथा दैर्घ्यम् आयाति॥

aparasyāṃ calaketuḥ śikhayā yāmyāgrayāṅgula^ucchritayā/ gacched yathā yathodak tathā tathā dairghyam āyāti//

Sanskrit only: no published translation is held for this verse.

सप्तमुनीन् संस्पृश्य ध्रुवम् अभिजितम् एव च प्रतिनिवृत्तः। नभसो +अर्धमात्रम् इत्वा याम्येन^अस्तम् समुपयाति॥

saptamunīn saṃspṛśya dhruvam abhijitam eva ca pratinivṛttaḥ/ nabhaso +ardhamātram itvā yāmyena^astam samupayāti//

Sanskrit only: no published translation is held for this verse.

हन्यात् प्रयागकूलाद् यावद् अवन्तीं च *पुष्करारण्यम्[क्पुष्कराण्यम्]। उदग् अपि च देविकाम् अपि भूयिष्ठं मध्यदेशाख्यम्॥

hanyāt prayāgakūlād yāvad avantīṃ ca *puṣkarāraṇyam[K.puṣkarāṇyam]/ udag api ca devikām api bhūyiṣṭhaṃ madhyadeśākhyam//

Sanskrit only: no published translation is held for this verse.

अन्यान् अपि स देशान् क्व चित् क्व चिद् धन्ति रोगदुर्भिक्षैः। दश मासान् फलपाको +अस्य कैश् चिद् अष्टादश प्रोक्तः॥

anyān api sa deśān kva cit kva cid dhanti rogadurbhikṣaiḥ/ daśa māsān phalapāko +asya kaiś cid aṣṭādaśa proktaḥ//

Sanskrit only: no published translation is held for this verse.

प्रागर्धरात्रदृश्यो याम्याग्रः श्वेतकेतुर् अन्यश् च। क इति युगाकृतिर् अपरे युगपत्तौ सप्तदिनदृश्यौ॥

prāgardharātradṛśyo yāmyāgraḥ śvetaketur anyaś ca/ ka iti yugākṛtir apare yugapattau saptadinadṛśyau//

Sanskrit only: no published translation is held for this verse.

स्निग्धौ सुभिक्षशिवदाव् अथाधिकं दृश्यते कनामा यः। दश वर्षाण्य् उपतापं जनयति शस्त्र^प्रकोपकृतम्॥

snigdhau subhikṣaśivadāv athādhikaṃ dṛśyate kanāmā yaḥ/ daśa varṣāṇy upatāpaṃ janayati śastra^prakopakṛtam//

Sanskrit only: no published translation is held for this verse.

श्वेत इति जटाकारो रूक्षः श्यावो वियत्त्रिभागगतः। विनिवर्तते +अपसव्यं त्रिभागशेषाः प्रजाः कुरुते॥

śveta iti jaṭākāro rūkṣaḥ śyāvo viyattribhāgagataḥ/ vinivartate +apasavyaṃ tribhāgaśeṣāḥ prajāḥ kurute//

Sanskrit only: no published translation is held for this verse.

आधूम्रया तु शिखया दर्शनम् आयाति कृत्तिकासंस्थः। ज्ञेयः स रश्मिकेतुः श्वेतसमानं फलं धत्ते॥

ādhūmrayā tu śikhayā darśanam āyāti kṛttikāsaṃsthaḥ/ jñeyaḥ sa raśmiketuḥ śvetasamānaṃ phalaṃ dhatte//

Sanskrit only: no published translation is held for this verse.

ध्रुवकेतुर् अनियत^गति^प्रमाण^वर्ण^आकृतिर् भवति विष्वक्। दिव्य^अन्तरिक्ष^भौमो भवत्य् अयं स्निग्ध इष्टफलः॥

dhruvaketur aniyata^gati^pramāṇa^varṇa^ākṛtir bhavati viṣvak/ divya^antarikṣa^bhaumo bhavaty ayaṃ snigdha iṣṭaphalaḥ//

Sanskrit only: no published translation is held for this verse.

सेनाङ्गेषु नृपाणां गृह^तरु^शैलेषु च^अपि देशानाम्। गृहिणाम् उपस्करेषु च विनाशिनां दर्शनं याति॥

senāṅgeṣu nṛpāṇāṃ gṛha^taru^śaileṣu ca^api deśānām/ gṛhiṇām upaskareṣu ca vināśināṃ darśanaṃ yāti//

Sanskrit only: no published translation is held for this verse.

कुमुद इति कुमुदकान्तिर् वारुण्यां प्राक्शिखो निशाम् एकाम्। दृष्टः सुभिक्षम् अतुलं दश किल वर्षाणि स करोति॥

kumuda iti kumudakāntir vāruṇyāṃ prākśikho niśām ekām/ dṛṣṭaḥ subhikṣam atulaṃ daśa kila varṣāṇi sa karoti//

Sanskrit only: no published translation is held for this verse.

सकृद् एकयामदृश्यः सुसूक्ष्मतारो +अपरेण मणिकेतुः। ऋज्वी शिखास्य शुक्ला स्तनोद्गता क्षीरधारेव॥

sakṛd ekayāmadṛśyaḥ susūkṣmatāro +apareṇa maṇiketuḥ/ ṛjvī śikhāsya śuklā stanodgatā kṣīradhāreva//

Sanskrit only: no published translation is held for this verse.

उदयन्न् एव सुभिक्षं चतुरो मासान् करोत्य् असौ सार्धान्। प्रादुर्भावं प्रायः करोति च क्षुद्रजन्तूनाम्॥

udayann eva subhikṣaṃ caturo māsān karoty asau sārdhān/ prādurbhāvaṃ prāyaḥ karoti ca kṣudrajantūnām//

Sanskrit only: no published translation is held for this verse.

जलकेतुर् अपि च पश्चात् स्निग्धः शिखयापरेण च^उन्नतया। नव मासान् स सुभिक्षं करोति शान्तिं च लोकस्य॥

jalaketur api ca paścāt snigdhaḥ śikhayāpareṇa ca^unnatayā/ nava māsān sa subhikṣaṃ karoti śāntiṃ ca lokasya//

Sanskrit only: no published translation is held for this verse.

भवकेतुर् एकरात्रं दृश्यः प्राक् सूक्ष्मतारकः स्निग्धः। हरिलाङ्गूल^उपमया प्रदक्षिणावर्तया शिखया॥

bhavaketur ekarātraṃ dṛśyaḥ prāk sūkṣmatārakaḥ snigdhaḥ/ harilāṅgūla^upamayā pradakṣiṇāvartayā śikhayā//

Sanskrit only: no published translation is held for this verse.

यावत एव मुहूर्तान् दर्शनम् आयाति निर्दिशेत्^मासान्। तावद् अतुलं सुभिक्षं रूक्षे प्राणान्तिकान् रोगान्॥

yāvata eva muhūrtān darśanam āyāti nirdiśet^māsān/ tāvad atulaṃ subhikṣaṃ rūkṣe prāṇāntikān rogān//

Sanskrit only: no published translation is held for this verse.

अपरेण पद्मकेतुर् मृणालगौरो भवेन् निशाम् एकाम्। सप्त करोति सुभिक्षं वर्षाण्य् अतिहर्षयुक्तानि॥

apareṇa padmaketur mṛṇālagauro bhaven niśām ekām/ sapta karoti subhikṣaṃ varṣāṇy atiharṣayuktāni//

Sanskrit only: no published translation is held for this verse.

आवर्त इति निशार्धे सव्यशिखो +अरुणनिभो +अपरे स्निग्धः। यावत् क्षणान् स दृश्यस् तावन् मासान् सुभिक्षकरः॥

āvarta iti niśārdhe savyaśikho +aruṇanibho +apare snigdhaḥ/ yāvat kṣaṇān sa dṛśyas tāvan māsān subhikṣakaraḥ//

Sanskrit only: no published translation is held for this verse.

पश्चात् सन्ध्याकाले संवर्तो नाम धूम्र^ताम्र^शिखः। आक्रम्य वियत्त्र्यंशं शूलाग्र^अवस्थितो रौद्रः॥

paścāt sandhyākāle saṃvarto nāma dhūmra^tāmra^śikhaḥ/ ākramya viyattryaṃśaṃ śūlāgra^avasthito raudraḥ//

Sanskrit only: no published translation is held for this verse.

यावत एव मुहूर्तान् दृश्यो वर्षाणि हन्ति तावन्ति। भूपान् शस्त्र^निपातैर् उदय^ऋक्षं च^अपि पीडयति॥

yāvata eva muhūrtān dṛśyo varṣāṇi hanti tāvanti/ bhūpān śastra^nipātair udaya^ṛkṣaṃ ca^api pīḍayati//

Sanskrit only: no published translation is held for this verse.

ये शस्तास् तान् हित्वा केतुभिर् *आधूपिते[काधूमिते] +अथ वा स्पृष्टे। नक्षत्रे भवति वधो येषां राज्ञां प्रवक्ष्ये तान्॥

ye śastās tān hitvā ketubhir *ādhūpite[K.ādhūmite] +atha vā spṛṣṭe/ nakṣatre bhavati vadho yeṣāṃ rājñāṃ pravakṣye tān//

Sanskrit only: no published translation is held for this verse.

अश्विन्याम् अश्मकपं भरणीषु किरातपार्थिवं हन्यात्। बहुलासु कलिङ्गेशं रोहिण्यां शूरसेनपतिम्॥

aśvinyām aśmakapaṃ bharaṇīṣu kirātapārthivaṃ hanyāt/ bahulāsu kaliṅgeśaṃ rohiṇyāṃ śūrasenapatim//

Sanskrit only: no published translation is held for this verse.

औशीनरम् अपि सौम्ये जलजाजीवाधिपं तथार्द्रासु। आदित्ये +अश्मक*नाथान्[क्नाथं] पुष्ये मघधाधिपं हन्ति॥

auśīnaram api saumye jalajājīvādhipaṃ tathārdrāsu/ āditye +aśmaka*nāthān[K.nāthaṃ] puṣye maghadhādhipaṃ hanti//

Sanskrit only: no published translation is held for this verse.

असिकेशं भौजङ्गे पित्र्ये +अङ्गं पाण्ड्यनाथम् अपि भाग्ये। *औज्जयिनिकम्[कौज्जयनिकम्] आर्यम्णे सावित्रे दण्डकाधिपतिम्॥

asikeśaṃ bhaujaṅge pitrye +aṅgaṃ pāṇḍyanātham api bhāgye/ *aujjayinikam[K.aujjayanikam] āryamṇe sāvitre daṇḍakādhipatim//

Sanskrit only: no published translation is held for this verse.

चित्रासु कुरुक्षेत्राधिपस्य मरणं समादिशेत् तज्ज्ञः। काश्मीरक^काम्बोजौ नृपती प्राभञ्जने न स्तः॥

citrāsu kurukṣetrādhipasya maraṇaṃ samādiśet tajjñaḥ/ kāśmīraka^kāmbojau nṛpatī prābhañjane na staḥ//

Sanskrit only: no published translation is held for this verse.

इक्ष्वाकुर् अलक*नाथश्[क्नाथौ, क्ऽस् त्र्। नाथो] च हन्यते यदि भवेद् विशाखासु। मैत्रे पुण्ड्राधिपतिर् *ज्येष्ठासु च[क्ज्येष्ठास्वथ] सार्वभौमवधः॥

ikṣvākur alaka*nāthaś[K.nāthau, K's tr. nātho] ca hanyate yadi bhaved viśākhāsu/ maitre puṇḍrādhipatir *jyeṣṭhāsu ca[K.jyeṣṭhāsvatha] sārvabhaumavadhaḥ//

Sanskrit only: no published translation is held for this verse.

मूले +अन्ध्र^मद्रक^पती जलदेवे काशिपो मरणम् एति। यौधेयक^अर्जुनायन^शिवि^चैद्यान् वैश्वदेवे च॥

mūle +andhra^madraka^patī jaladeve kāśipo maraṇam eti/ yaudheyaka^arjunāyana^śivi^caidyān vaiśvadeve ca//

Sanskrit only: no published translation is held for this verse.

हन्यात् कैकयनाथं पाञ्चनदं सिंहलाधिपं वाङ्गम्। नैमिषनृपं किरातं श्रवणादिषु षट्स्व् इमान् क्रमशः॥

hanyāt kaikayanāthaṃ pāñcanadaṃ siṃhalādhipaṃ vāṅgam/ naimiṣanṛpaṃ kirātaṃ śravaṇādiṣu ṣaṭsv imān kramaśaḥ//

Sanskrit only: no published translation is held for this verse.

उल्काभिताडितशिखः शिखी शिवः शिवतरो *+अतिदृष्टो[कभिवृष्टो] यः। अशुभः स एव चोल^अवगाण^सितहूण^चीनानाम्॥

ulkābhitāḍitaśikhaḥ śikhī śivaḥ śivataro *+atidṛṣṭo[K.abhivṛṣṭo] yaḥ/ aśubhaḥ sa eva cola^avagāṇa^sitahūṇa^cīnānām//

Sanskrit only: no published translation is held for this verse.