Varāhamihira: Bṛhatsaṃhitā 12

येन च^अम्बुहरणे +अपि विद्रुमैर् भूधरैः स^मणिरत्न^विद्रुमैः। निर्गतैस् तद्^उरगैश् च राजितः सागरो +अधिकतरं विराजितः॥

yena ca^ambuharaṇe +api vidrumair bhūdharaiḥ sa^maṇiratna^vidrumaiḥ/ nirgatais tad^uragaiś ca rājitaḥ sāgaro +adhikataraṃ virājitaḥ//

Sanskrit only: no published translation is held for this verse.

प्रस्फुरत्^तिमि^जलेभ^जिह्मगः क्षिप्त^रत्न^निकरो महोदधिः। आपदां पदगतो +अपि यापितो येन पीतसलिलो +अमरश्रियम्॥

prasphurat^timi^jalebha^jihmagaḥ kṣipta^ratna^nikaro mahodadhiḥ/ āpadāṃ padagato +api yāpito yena pītasalilo +amaraśriyam//

Sanskrit only: no published translation is held for this verse.

प्रचलत्^तिमि^शुक्तिज^शङ्ख^चितः सलिले +अपहृते +अपि पतिः सरिताम्। स^तरङ्ग^सितोत्पल^हंस^भृतः सरसः शरदि^इव विभर्ति *रुचिम्[क्रुचम्]॥

pracalat^timi^śuktija^śaṅkha^citaḥ salile +apahṛte +api patiḥ saritām/ sa^taraṅga^sitotpala^haṃsa^bhṛtaḥ sarasaḥ śaradi^iva vibharti *rucim[K.rucam]//

Sanskrit only: no published translation is held for this verse.

तिमि^सिताम्बुधरं मणि^तारकं स्फटिक^चन्द्रम् अनम्बु^शरद्^द्युतिः। फणि^फण^उपल^रश्मि^शिखिग्रहं कुटिलगेश^वियच् च चकार यः॥

timi^sitāmbudharaṃ maṇi^tārakaṃ sphaṭika^candram anambu^śarad^dyutiḥ/ phaṇi^phaṇa^upala^raśmi^śikhigrahaṃ kuṭilageśa^viyac ca cakāra yaḥ//

Sanskrit only: no published translation is held for this verse.

उदये च मुनेर् अगस्त्यनाम्नः कुसमायोगमलप्रदूषितानि। हृदयानि सताम् इव स्वभावात् पुनर् अम्बूनि भवन्ति निर्मलानि॥

udaye ca muner agastyanāmnaḥ kusamāyogamalapradūṣitāni/ hṛdayāni satām iva svabhāvāt punar ambūni bhavanti nirmalāni//

Sanskrit only: no published translation is held for this verse.

पार्श्वद्वय^अधिष्ठित^चक्रवाकामापुष्णती सस्वन^हंस^पङ्क्तिम्। ताम्बूल^रक्त^उत्कषित^अग्रदन्ती विभाति योषा^इव *शरत्[क्सरित्] सहासा॥

pārśvadvaya^adhiṣṭhita^cakravākāmāpuṣṇatī sasvana^haṃsa^paṅktim/ tāmbūla^rakta^utkaṣita^agradantī vibhāti yoṣā^iva *śarat[K.sarit] sahāsā//

Sanskrit only: no published translation is held for this verse.

इन्दीवर^आसन्न^सितोत्पल^अन्विता *शरद्[क्सरित्] भ्रमत्षट्पदपङ्क्तिभूषिता। सभ्रूलताक्षेपकटाक्षवीक्षणा विदग्धयोषा^इव विभाति सस्मरा॥

indīvara^āsanna^sitotpala^anvitā *śarad[K.sarit] bhramatṣaṭpadapaṅktibhūṣitā/ sabhrūlatākṣepakaṭākṣavīkṣaṇā vidagdhayoṣā^iva vibhāti sasmarā//

Sanskrit only: no published translation is held for this verse.

नाना^विचित्र^अम्बुज^हंस^कोक^कारण्डव^आपूर्ण^तडाग^हस्ता। रत्नैः प्रभूतैः कुसुमैः फलैश् च भूर्यच्छतीवार्घम् अगस्त्यनाम्ने॥

nānā^vicitra^ambuja^haṃsa^koka^kāraṇḍava^āpūrṇa^taḍāga^hastā/ ratnaiḥ prabhūtaiḥ kusumaiḥ phalaiś ca bhūryacchatīvārgham agastyanāmne//

Sanskrit only: no published translation is held for this verse.

सलिलम् अमरपाज्ञया^उज्झितं यद् धन^परिवेष्टित^मूर्तिभिर् भुजङ्गैः। फणि^जनित^विष^अग्नि^सम्प्रदुष्टं भवति शिवं तद् अगस्त्य^दर्शनेन॥

salilam amarapājñayā^ujjhitaṃ yad dhana^pariveṣṭita^mūrtibhir bhujaṅgaiḥ/ phaṇi^janita^viṣa^agni^sampraduṣṭaṃ bhavati śivaṃ tad agastya^darśanena//

Sanskrit only: no published translation is held for this verse.

स्मरणाद् अपि पापम् अपाकुरुते किम् उत स्तुतिभिर् वरुणाङ्गरुहः। मुनिभिः कथितो +अस्य यथार्घविधिः कथयामि तथ^एव नरेन्द्रहितम्॥

smaraṇād api pāpam apākurute kim uta stutibhir varuṇāṅgaruhaḥ/ munibhiḥ kathito +asya yathārghavidhiḥ kathayāmi tatha^eva narendrahitam//

Sanskrit only: no published translation is held for this verse.

संख्याविधानात् प्रतिदेशम् अस्य विज्ञाय सन्दर्शनम् आदिशेज् ज्ञः। तच् च^*उज्जयिन्याम्[कुज्जयन्याम्] अगतस्य कन्यां भागैः स्वराख्यैः स्फुट^भास्करस्य॥

saṃkhyāvidhānāt pratideśam asya vijñāya sandarśanam ādiśej jñaḥ/ tac ca^*ujjayinyām[K.ujjayanyām] agatasya kanyāṃ bhāgaiḥ svarākhyaiḥ sphuṭa^bhāskarasya//

Sanskrit only: no published translation is held for this verse.

ईषत्प्रभिन्ने +अरुणरश्मिजालैर् नैशे +अन्धकारे दिशि दक्षिणस्याम्। सांवत्सरावेदितदिग्विभागे भूपो +अर्घम् उर्व्यां प्रयतः प्रयच्छेत्॥

īṣatprabhinne +aruṇaraśmijālair naiśe +andhakāre diśi dakṣiṇasyām/ sāṃvatsarāveditadigvibhāge bhūpo +argham urvyāṃ prayataḥ prayacchet//

Sanskrit only: no published translation is held for this verse.

द्विजो यथालाभम् उपाहृतार्घः प्राप्नोति वेदान् प्रमदाश् च पुत्रान्। वैश्यश् च गां भूरि घनं च शूद्रो रोगक्षयं धर्मफलं च सर्वे॥

dvijo yathālābham upāhṛtārghaḥ prāpnoti vedān pramadāś ca putrān/ vaiśyaś ca gāṃ bhūri ghanaṃ ca śūdro rogakṣayaṃ dharmaphalaṃ ca sarve//

Sanskrit only: no published translation is held for this verse.

शातकुम्भसदृशः स्फटिकाभस् तर्पयन्न् इव महीं *किरणाग्रैः[क्किरणौघैः]। दृश्यते यदि *तदा[क्ततः] प्रचुरान्ना भूर् भवत्य् अभय^रोग^जन^आढ्या॥

śātakumbhasadṛśaḥ sphaṭikābhas tarpayann iva mahīṃ *kiraṇāgraiḥ[K.kiraṇaughaiḥ]/ dṛśyate yadi *tadā[K.tataḥ] pracurānnā bhūr bhavaty abhaya^roga^jana^āḍhyā//

Sanskrit only: no published translation is held for this verse.

उल्कया विनिहतः शिखिना वा क्षुद्भयं मरकम् एव *विधत्ते[क्धत्ते]। दृश्यते स किल हस्तगते +अर्के रोहिणीम् उपगते +अस्तम् उपैति॥

ulkayā vinihataḥ śikhinā vā kṣudbhayaṃ marakam eva *vidhatte[K.dhatte]/ dṛśyate sa kila hastagate +arke rohiṇīm upagate +astam upaiti//

Sanskrit only: no published translation is held for this verse.