Varāhamihira: Bṛhatsaṃhitā 13

सैकावलीव राजति ससितोत्पलमालिनी सहासेव। नाथवतीव च दिग् यैः कौवेरी सप्तभिर् मुनिभिः॥

saikāvalīva rājati sasitotpalamālinī sahāseva/ nāthavatīva ca dig yaiḥ kauverī saptabhir munibhiḥ//

Sanskrit only: no published translation is held for this verse.

ध्रुवनायकोपदेशान् *नरिनर्ती[क्नरिनर्त्ती]^इव^उत्तरा भ्रमद्भिश् च। यैश् चारम् अहं तेषां कथयिष्ये वृद्धगर्ग^मतात्॥

dhruvanāyakopadeśān *narinartī[K.narinarttī]^iva^uttarā bhramadbhiś ca/ yaiś cāram ahaṃ teṣāṃ kathayiṣye vṛddhagarga^matāt//

Sanskrit only: no published translation is held for this verse.

आसन् मघासु मुनयः शासति पृथ्वीं युधिष्ठिरे नृपतौ। षड्द्विकपञ्चद्वियुतः शककालस् तस्य राज्ञश् च॥

āsan maghāsu munayaḥ śāsati pṛthvīṃ yudhiṣṭhire nṛpatau/ ṣaḍdvikapañcadviyutaḥ śakakālas tasya rājñaś ca//

Sanskrit only: no published translation is held for this verse.

एकैकस्मिन्न् ऋक्षे शतं शतं ते चरन्ति वर्षाणाम्। *प्रागुदयतो +अप्य् अविवराद् र्जून् नयति तत्र संयुक्ताः[क्प्रागुत्तरतश् च एते सदा उदयन्ते ससाध्वीकाः]॥

ekaikasminn ṛkṣe śataṃ śataṃ te caranti varṣāṇām/ *prāgudayato +apy avivarād rjūn nayati tatra saṃyuktāḥ[K.prāguttarataś ca ete sadā udayante sasādhvīkāḥ]//

Sanskrit only: no published translation is held for this verse.

पूर्वे भागे भगवान् मरीचिर् अपरे स्थितो वसिष्ठो +अस्मात्। तस्याङ्गिरास् ततो +अत्रिस् तस्यासन्नः पुलस्त्यश् च॥

pūrve bhāge bhagavān marīcir apare sthito vasiṣṭho +asmāt/ tasyāṅgirās tato +atris tasyāsannaḥ pulastyaś ca//

Sanskrit only: no published translation is held for this verse.

पुलहः क्रतुर् इति भगान् आसन्ना अनुक्रमेण *पूर्वाद्यात्[क्पूर्वाद्याः]। तत्र वसिष्ठं मुनिवरम् उपाश्रितारुन्धती साध्वी॥

pulahaḥ kratur iti bhagān āsannā anukrameṇa *pūrvādyāt[K.pūrvādyāḥ]/ tatra vasiṣṭhaṃ munivaram upāśritārundhatī sādhvī//

Sanskrit only: no published translation is held for this verse.

उल्का^अशनि^धूम^आद्यैर् हता विवर्णा विरश्मयो ह्रस्वाः। हन्युः स्वं स्वं वर्गं विपुलाः स्निग्धाश् च तद्वृद्ध्यै॥

ulkā^aśani^dhūma^ādyair hatā vivarṇā viraśmayo hrasvāḥ/ hanyuḥ svaṃ svaṃ vargaṃ vipulāḥ snigdhāś ca tadvṛddhyai//

Sanskrit only: no published translation is held for this verse.

गन्धर्व^देव^दानव^मन्त्र^औषधि^सिद्ध^यक्ष^नागानाम्। पीडाकारो मरीचिर् ज्ञेयो विद्याधराणां च॥

gandharva^deva^dānava^mantra^auṣadhi^siddha^yakṣa^nāgānām/ pīḍākāro marīcir jñeyo vidyādharāṇāṃ ca//

Sanskrit only: no published translation is held for this verse.

शक^यवन^दरद^पारत^काम्बोजांस् तापसान् वनोपेतान्। हन्ति वसिष्ठो +अभिहतो विवृद्धिदो रश्मिसम्पन्नः॥

śaka^yavana^darada^pārata^kāmbojāṃs tāpasān vanopetān/ hanti vasiṣṭho +abhihato vivṛddhido raśmisampannaḥ//

Sanskrit only: no published translation is held for this verse.

अङ्गिरसो ज्ञानयुता धीमन्तो ब्राह्मणाश् च निर्दिष्टाः। अत्रेः कान्तारभवा जलजान्य् अम्भोनिधिः सरितः॥

aṅgiraso jñānayutā dhīmanto brāhmaṇāś ca nirdiṣṭāḥ/ atreḥ kāntārabhavā jalajāny ambhonidhiḥ saritaḥ//

Sanskrit only: no published translation is held for this verse.

रक्षः^पिशाच^दानव^दैत्य^भुजङ्गाः स्मृताः पुलस्त्यस्य। पुलहस्य तु मूलफलं क्रतोस् तु यज्ञाः सयज्ञभृतः॥

rakṣaḥ^piśāca^dānava^daitya^bhujaṅgāḥ smṛtāḥ pulastyasya/ pulahasya tu mūlaphalaṃ kratos tu yajñāḥ sayajñabhṛtaḥ//

Sanskrit only: no published translation is held for this verse.