Varāhamihira: Bṛhatsaṃhitā 23

ज्यैष्ठ्यां समतीतायां पूर्वाषाढादि^सम्प्रवृष्टेन। शुभम् अशुभं वा वाच्यं परिमाणं च^अम्भसस् तज्ज्ञैः॥

jyaiṣṭhyāṃ samatītāyāṃ pūrvāṣāḍhādi^sampravṛṣṭena/ śubham aśubhaṃ vā vācyaṃ parimāṇaṃ ca^ambhasas tajjñaiḥ//

Sanskrit only: no published translation is held for this verse.

हस्तविशालं कुण्डकम् अधिकृत्य^अम्बुप्रमाण^निर्देशः। पञ्चाशत् पलम् आढकम् अनेन मिनुयाज् जलं पतितम्॥

hastaviśālaṃ kuṇḍakam adhikṛtya^ambupramāṇa^nirdeśaḥ/ pañcāśat palam āḍhakam anena minuyāj jalaṃ patitam//

Sanskrit only: no published translation is held for this verse.

येन धरित्री मुद्रा जनिता वा बिन्दवस् तृणा^आग्रेषु। वृष्टेन तेन वाच्यं परिमाणं वारिणः प्रथमम्॥

yena dharitrī mudrā janitā vā bindavas tṛṇā^āgreṣu/ vṛṣṭena tena vācyaṃ parimāṇaṃ vāriṇaḥ prathamam//

Sanskrit only: no published translation is held for this verse.

के चिद् यथाभिवृष्टं दश^योजन^मण्डलं वदन्त्य् अन्ये। गर्ग^वसिष्ठ^पराशर^मतम् एतद् द्वादशान् न परम्॥

ke cid yathābhivṛṣṭaṃ daśa^yojana^maṇḍalaṃ vadanty anye/ garga^vasiṣṭha^parāśara^matam etad dvādaśān na param//

Sanskrit only: no published translation is held for this verse.

येषु च भेष्व् अभिवृष्टं भूयस् तेष्व् एव वर्षति प्रायः। यदि न^आप्य^आदिषु वृष्टं सर्वेषु तदा त्व् अनावृष्टिः॥

yeṣu ca bheṣv abhivṛṣṭaṃ bhūyas teṣv eva varṣati prāyaḥ/ yadi na^āpya^ādiṣu vṛṣṭaṃ sarveṣu tadā tv anāvṛṣṭiḥ//

Sanskrit only: no published translation is held for this verse.

हस्त^आप्य^सौम्य^चित्रा^पौष्ण^धनिष्ठासु षोडश द्रोणाः। शतभिषग्^ऐन्द्र^स्वातिषु चत्वारः कृत्तिकासु दश॥

hasta^āpya^saumya^citrā^pauṣṇa^dhaniṣṭhāsu ṣoḍaśa droṇāḥ/ śatabhiṣag^aindra^svātiṣu catvāraḥ kṛttikāsu daśa//

Sanskrit only: no published translation is held for this verse.

श्रवणे मघा^अनुराधा^भरणी^मूलेषु दश चतुर्युक्ताः। फल्गुन्यां पञ्चकृतिः पुनर्वसौ विंशतिर् द्रोणाः॥

śravaṇe maghā^anurādhā^bharaṇī^mūleṣu daśa caturyuktāḥ/ phalgunyāṃ pañcakṛtiḥ punarvasau viṃśatir droṇāḥ//

Sanskrit only: no published translation is held for this verse.

*ऐन्द्राग्न्य्^आख्ये[कैन्द्राग्नाख्ये] वैश्वे च विंशतिः सार्पभे दश त्र्यधिकाः। आहिर्बुध्न्य^आर्यम्ण^प्राजापत्येषु पञ्चकृतिः।

*aindrāgny^ākhye[K.aindrāgnākhye] vaiśve ca viṃśatiḥ sārpabhe daśa tryadhikāḥ/ āhirbudhnya^āryamṇa^prājāpatyeṣu pañcakṛtiḥ/

Sanskrit only: no published translation is held for this verse.

पञ्चदश^आजे पुष्ये च कीर्तिता वाजिभे दश द्वौ च। रौद्रे +अष्टादश कथिता द्रोणा निरुपद्रवेष्व् *एते[केषु]॥

pañcadaśa^āje puṣye ca kīrtitā vājibhe daśa dvau ca/ raudre +aṣṭādaśa kathitā droṇā nirupadraveṣv *ete[K.eṣu]//

Sanskrit only: no published translation is held for this verse.

रवि^रविसुत^केतु^पीडिते भे क्षितितनय^त्रिविध^अद्भुत^आहते च। भवति *च[खि] न शिवं न च^अपि वृष्टिः शुभसहिते निरुपद्रवे शिवं च॥

ravi^ravisuta^ketu^pīḍite bhe kṣititanaya^trividha^adbhuta^āhate ca/ bhavati *ca[K.hi] na śivaṃ na ca^api vṛṣṭiḥ śubhasahite nirupadrave śivaṃ ca//

Sanskrit only: no published translation is held for this verse.